هلاو ورودي🌹🌹
#نيران العشق#🔥🔥
#أسماء#❤❤
-------------------------------------------------
رسمك كمت أشوفه من أغمض العيون
ولو يعمن عيوني ما أضنه يروح
ما أريد أحظنك لو صار الوداع
لأن من أهدك تطلع الروح
عشكتك وأدري تعبت بحبك
رضيت بقسمتي وملهوف
تدريني أريد أكضي العمر وياك
تدري إنت بغيابك حيل تأذيني
عيني لما تشوفك تنعمي وللدوم
لأن إنت حبيبي وفرحت سنيني
مصطفى:نشوف ست ود باجر ازوجج وغصبا عنج
ود:كلامه خوفني مستحيل ازوج انسان مثله دفعته وركضت طلعت من الغرفه وركضت للسطح فتحت الباب ومقرره اذب نفسي من السطح
مصطفى:لج بنت كلب تعالي
ود:اركض وصلت بنهاية سطح
..والله اذا اقتربت اذب نفسي منا
مصطفى:شدااسوين تخبلتي
ود: اتركني انته شنو متفهم مااريدك
مصطفى:حتى تمشين ذاك ساقط
ود: بس ارجع معليه بيه
مصطفى: كذابه ترجعين لبغداد حتى تنهزمين وياه
ود: ماانهزم سويتها مره وتندمت بعد مااعيدها
مصطفى: باجر اعقد عليج ونرجع لبغداد
ود: يحجي ويقترب مني خفت منه
...لتتقرب
مصطفى: تعالي والله لربيج من جديد
ود:اتقرب مني من خوفي رجعت لوره شفت المكان عالي واشجار وضلمه من شفته دخت ووكعت على حديده على ايدي شاغت روحي من االالم اجه مصطفى شالني ونزل يركض واني اصرخ من الم موتتني
طلع بسياره وصلنا المستشفى دخلوني لغرفه جبسو ايدي وضمدو الجرح براسي وانطوني مهدا نمت
ود: فتحت عيوني حسيت بالم فضيع بايدي اريد احركها مااكدر دخلت الدكتوره
...شلون صرتي ماما
ود:ايدي توجعني كولش
..اي حبيبتي فتره وتصير زينه
ود: شافتها الي وطمنتني وراحت بقيت وحدي شوي ودخل مصطفى
مصطفى:الحمد لله على سلامتج
ود:مارديت عليه هو سبب كول داايصير
مصطفى: امج منتضرتج بالبيت خل نطلع
ود:ممصدكه حارجع
...هاااا
مصطفى: شبيج ممصدكه امج رجعت حضري نفسج ترجعين لبغداد
ود:ماشي بس احضر نفسي
...كمت عدلت حجابي وطلعت شفت عمو كاعد شافني كام
ابو مصطفى:الحمد لله على سلامتج عمو
ود:الله يسلمك عمو
ابو مصطفى: بلا بنيتي ورانه طريق
ود:امشي وره عمو مشفت مصطفى بعد طلعنا من المستشفى الصبح
...عمو بيش ساعه
ابو مصطفى:٦
ود:اهاا هلكد بقيت بالمستشفى
ابو مصطفى: اي من بارحه ب 9 بس انطوج مهدأ ونمتي
ود:صعدنا بسياره رغم الم بايدي وراسي بس فرحانه واخيرا خلصت من سجن مصطفى قطع تفكيري دكت جامه السياره نزلتها شفت مصطفى
مصطفى:هاي المره عمج نقذج مره لخ ادفنج والله وسمعيني ود اذا سمعت او حسيت ملتقيه بزيد انهي حياتج وحياته خليها بالج
ود: كمل كلامه وراح اجه عمو صعد
ابو مصطفى:اسف بنيتي ماسمعت كلامج ورجعتج لامج واليوم لو ما الله لطف هسه انتي لا سامح الله واكعه وميته
ود: عمو مااعرف حيصير هيج دخت من شفت ارتفاع عالي ووكعت
ابو مصطفى:اعرف بنتي مصطفى كلي صار وبس ارجع احاسبه
ود:شكرا عمو
...تمشي السياره اباوع من الجامه حلوه كركوك طبيعتها جنن وهوا بارد بس ماارتاحيت بيها مر الوقت نعست رجعت راسي لوره ونمت
ابو مصطفى:بابا ود كعدي وصلنا
ود:فتحت عيوني سياره واكفه كدام بيت امي
فتحت الباب ونزلت اركض باب كانت مفتوحه يعرفون بجيتي فتحتها واصيح
ماما ماما بيبي
سعاد:يمه بنيتي فدوه اروحلج تعالي يابعد امج
ود:حضنت ماما وبجيت مشتاقتلها حيل صار شهور مشايفتها
سعاد:سوده بوجهي يمه صاير بيج راسج وايدج
ود:ماما تعبانه ارتاح واحجيلكم
..دخلت سلمت على بيبي وكعدت وخطيه ماما جابت اشكال الاكل بس تريدني اكل
...ماما وين رحتو انتي وبيبي
سعاد:اووف يمه تمرمرنه ثنين نسوان
كوه وصلنا البصره وناس الخيره فتحت بيوتها واني وبيبتج كعدنه عند ناس اهل كرم وجود
ود: فزيت من ذكرت البصره زيد هناك اكيد
سعاد:شبيج ماما مو على بعضج
ود:ماما وخاله ام زيد رجعت لبيتها
سعاد:ماكو صار هواي ناس اغبها رجعت بس هم ماكو
ود:خاف صاير عليهم شي
سعاد: اكو ناس هواي شردت وسافرت لغير دول
ود:شنوو بسرعه نزلت دموعي
سعاد: الله يعلم ياأمي
ود:لا زيد يرجع اكيد
سعاد:الله كريم يوم نامي وارتاحي
ود:ليل كوله منايمه صار ساعه ٧ كمت خليت حجابي على راسي وطلعت شارع يخوف وناس ماكو مشيت وصلت يم بيته ماكو احد وباب مقفوله وبيت عادل اخوه هم مقفوله تمشيت للحديقه مفلشه مقصوفه كعدت بابها وكمت ابجي شكد بيها ذكريات النا اني وياك وينك زيد اعرفك متتركني مر الوقت واني كاعده وانتضره واكول هسه يجي ماكو ايست ورجعت للبيت دخلت لكيتهن نايمات ساعه ٩ رجع لمكاني خليت راسي على مخده ونمت
فاطمه: وين هاي خبله
ود:وسم لتغلطين
فاطمه:بربج اكو واحد يسوي سوايتج
سعاد:شكو بارحه اختج تعبانه ومحجت شي
ود:ماما اني احجيلج
...كعدت حجيت لماما كولشي مااعدا سالفه انهزمت من بيت مجبتلها طاري واشرت لفاطمه متحجي شي
سعاد: الله ينتقم منهم شمسوين بيج
ود:مااريد اتذكر
سعاد:تعالي ماما تغدي مكعدتج على ريوك شفتج تعبانه
ود:اكلت كم لكمه وكمت غسلت ورحت مددت بفراشي ياترى زيد وين صاير وياه شي
فاطمه:بمنو تفكرين
ود:تعرفين بمنو اكيد
فاطمه:ماكو عنا اخبار
ود: فص ملح وذاب حتى ماما متعرف اخبارهم
فاطمه: الله كريم حبيبتي وتعالي احجيلي صار وياج
ود:صدوك انتي منو كلج على صار واجيتي
فاطمه:عمج اجا وكل بابا انته معليك بيها اني مسؤول عنها ومن راد يطلع وكفته بالباب و سالته عنج وكلي سالفه
ود:رجعت فاطمه للبيت وبقيت وحدي بيبي وماما ينامون ب٩ واني ابقى وحدي اقرا روايه قرآن وليل كوله ماانام اخلصه بجي مرت الايام واني كول يوم اروح للحديقه والبيت ماكو كول خبر عنهم تعبت وبدات افقد الامل كان املي ارجع واشوفه بس ماشفته من التفكير تعبت كمت اخلص وقتي تنظيف صلاة وبيوم كاعده وحدي بالمطبخ اصفن اندكت باب حيل
ركضت فتحتها دخلت فاطمه تبجي وتكول باركولي واخيرا ......
يتبع......
انطوني رايكم بالبارت❤❤😍
