هلاو ورودي 🌹❤
#نيران العشق#🔥
#أسماء#❤♩
______________________________________
تعال وياك أخذني وخـــــل نروح آبعيد💔
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم🔥
ود: نايمه ومااحس الا مي ثلج نذب عليه والجو بارد شهر ٣ فزيت شفت مصطفى وبيده المي
مصطفى: الساعه ٥ كول يوم تتاخرين اكعدج بطريقه مختلفه
ود: شنو اسوي من الصبح
مصطفى: طلعي نظفي الحديقه والكراج وبعدها سوي ريوك وتكعديهم وانتي مااريد اشوفج تاكلين وياهم
ود: هزيت راسي وردت اطلع كال
مصطفى: بعد الريوك تنظفين البيت وتحضرين الغدا
ود: طلعت من الغرفه رحت للباب المطبخ فتحتها
بعده الضوا مطالع والهوا بارد طلعت نظفت الحديقه والكراج جمدت دخلت لجوه دفيت على الطباخ سويت جاي وفتحت الثلاجه طلعت جبن وبيض وسويت الريوك انتضرت للساعه ٧ رحت دكيت الباب عليهم نزلو تريكو واليوم جمعه معطلين بس عمو طلع نظفت البيت وسويت الغدا وحضرته الهم
ودخلت سبحت وطلعت نمت بدون اكل من التعب
مصطفى: هيي يلا كومي اجو ناس تبارك لامي
ود: كمت دخلت للمطبخ حضرت الجاي والكيك واجت اسراء اخذته مرت ايامي نفسها شفت انواع العذاب من امه واخته انظف يجون يوصخون وارجع انظف مرة لخ اتحسب عليهم ليل نهار وادعي ربي يخلصني وبعد شهر من زواجنه مدنكه امسح ودخلت مرة عمي تشوف المركه على الطباخ ومااحس الا المركه واكعه على ظهري شاغت روحي وصرخت صرخه سمعتها كركوك من الالم اجه عمي ونقلوني للمستشفى وبدو يعالجولي بيه متت الم الحرق فضيع بعد ماكملو انطوني مهدا ونمت شفت زهراء
اجتي زعلانه مني سالتها شبيج كالت اني وياج ومعفتج ابد رديت عليها وانتي ليش زعلانه مني اسفه اذا ضوجتج كالت اني مو زعلانه منج اني زعلانه عليج لان جايج صعب الله يعينج صيري قويه
صحت وراها مرديت علي وراحت بقيت اصيح اجو كعدوني الممرضات
..اسم الله ماما شبيج
ود: اريد مي
انطتني الممرضه مي شربت ورجعت راسي لوره
..هم تحسين بالم
ود: اي
..هسه تجي الدكتوره تكتبلج على علاج
ود: ممكن سؤال
..تفضلي
ود: الشرطه شوكت تجي تاخذ افاده
..اجت وزوجج شرحلهم الموضوع
ود: عرفت مرة عمي وره الموضوع ومتعمده سوي هيج
مصطفى: بمنو تفكرين
ود: من سمعت صوته فزيت
افكر منو حركني
مصطفى: وكع الجدر قضاء وقدر
ود: اني وانته نعرف امك هي سوت هيج ولو مو هي كان الشرطه اجت اخذت افادتي
مصطفى: انتي شداتحجين امي مسويها والشرطه اجراء روتيني يسوو مو نثل ممتوقعه
ود: هه نسيت اني داخله مستشفى هواي واعرف كولشي
مصطفى: سدي السالفه لان اصلا رح نطلع بيت ثاني
ود: مقتنعت بكلامه وعرفت وره البيت الثاني اكو قصه طلع يسوي اوراق الخروج وياخذ العلاج من الدكتوره غيرت ملابسي واكفه انتضره تذكرت الحلم
صار هواي محلمانه بيها من يوم كنت مريضه وعالج بالمستشفى واليوم اجتني الحلم خوفني اكثر من خوفي استغفرت ربي واجه مصطفى صعدت وياه ورجعنا للبيت اجه عمو تحمدلي على السلامه بس اسراء وامها متقربن مني دخلت للغرفه غيرت ملابسي وشلت الضماد شفت منضر ظهري مشوه كعدت كمت ابجي واصرخ دخلو عمو ومصطفى عمو شافني طلع اجه مصطفى كال كافي كومي
ود: الله ينتقم منكم يا مجرمين
مصطفى: كافي انجبي
ود: مكتفيت تقتل بالعالم الابرياء واجيت عليه تريد دمرني
مصطفى: سديت حلكه وكلتلها اي كلمه تطلع خارج الغرفه اقتلج وخرت ايدي
ود: سوي فضل اقتلني وريحني من هذا العذاب
مصطفى: مو كتلج اخليج تتمنين الموت ههههه
ود: يجيك يوم ياخذ الله حق الناس الابرياء منك
..تركني وطلع من الغرفه كمت لبست ملابسي وبقيت ابجي اتمنى اذكر يوم حلو ماكو حياتي كولها حزن وسواد ومااعرف المستقبل شضاملي غمضت عيوني ونمت كعدت العصر طلعت رحت للمطبخ طلعت الاكل من الثلاجه حميته وخليته كعدت اكل نسدت نفسي رجعته للثلاجه ورحت فتحت التلفزيون مانعيني افتحه بس بعد مو هامني فتحته كلبت ماكو شي سديته وكمت دخلت للغرفه كعدت كدام المرايا فتحت شعري امشط بيه وابجي واذكر زيد من يتغزل بيه ويكول هذا ملكي مو ملكج وبعدها رجعت ذاكرتي شلون مصطفى يسحبه ويشمه كمت جبت المكص وقصيته احبه بس هو مو ملكي ولا ملك مصطفى هذا حق زيد صار قصير كولش خليت الشعر بعلاكه وضميته واخذت الخصل صارن كول وحده اقصر من لخ ولميتهن بقراصه وبقيت صافنه على نفسي مااعرف شنو اسوي يمكن اذا بقيت هيج افكر انتحر كمت توضات وصليت وكعدت اقرا قرآن مركزه بااكتابه وانفتحت باب الغرفه صدقت ورفعت راسي شفت مصطفى
مصطفى: حضري نفسج السبت ننتقل للبيت الجديد وها رح نسكن ببغداد
ود: تفاجات من كلامه وليش نرجع لبغداد
مصطفى: اني عجبتني الحياة ببغداد وصيت صديقي وكدر يحصل بيت قريب على بيتكم
ود: كالهم وراح اعرف بيه يريد يغيض زيد ويعذبني
بحقارته مشايفه انسان يعني رح ترجعين ود للعذاب ويوميه زيد تشوفي وتتعذبين مر الاسبوع وحضرت كولشي ورجعنا لبغداد بس هي المره مو برغبتي مريت على بيت زيد شفته واكف بالباب هو وعادل رجعت علاقتهم الي تخربت بسببي شافني ذب الجكاره وبقى يباوع عليه نزلت دموعي مسحتها بسرعه لينتبه مصطفى
وصلنا للبيت صغير وبيه غرفه وهول ومطبخ واستقبال مصطفى راح يم علي واني انظف بيه كملت تنظيف وسويت عشا اجه مصطفى كال
مصطفى: اني اليوم ماارجع تسدين الباب ومتفتحيه لاكبر واحد
ود: بجيت وكتله
..حرام عليك اكو هواي منتضرتهم عوائلهم شكد يتمت اطفال ورملت نسوان وشكد امهات بسببكم فقدت اولادها
مصطفى: بدون دروس دينيه سدي الباب ولي
ود: سؤال علي وياك مو
مصطفى: قصدج ابوج علي اي وياي من زمان حنا
ود: راح سديت الباب وخليت الاكل اربد اكل بس اذكر هذا اكل حرام كمت ذبيته بالزباله ورحت اريد انام واندكت الباب متت الخوف والوضع مو امان كمت وصلت باب المطبخ سمعت صوته نسيت كولشي
زيد: ليش ولج شلعتي كلبي هه تعالي شكلي من جديد
ود: يحجي مخربط عرفته سكران مكدرت اطلع خفت لمصطفى يعرف وياذي صعدت للسطح شفته يدك بالباب ويبجي ويحجي مخربط
زيد: والله احبججج ياوردتي بس رجعيلي والله بعد مااكول ورد كوله ود
ود: نزلت دمعتي وكعدت بالكاع واسمع عياطه وشوي وخف العياط خفتةليصير عليه شي كمت شفت عادل اجه اخذاه ويعت بيه
يتبع......
