مساء الجوري 🌹
#أسماء#🌹❤
#نيران العشق#🔥
---------------------------------------------------------
انه وحزني واحد يفگد الثاني اذا غبنا
ومتانين ضحكتنا
انه وحزني متغربين
مالاگين واحد من صدگ حبنا💔
ود: رفعت ايدي للسما ادعي وابجي حاسه ميقبلون
سمعناهم راحو احس نفسي مكدر اتنفس ونبضاتي ينسمعن من الخوف كعدت بالكاع بعد مابيه اوكف
فاطمه: بعد مراحو ود كامت ترجف وجها صار اصفر
من الخوف وشوي وسمعت صوت مصطفى كلت هاي نهايتج ود
مصطفى: وينها ساقطه والله اخليها تتمنى الموت
فاطمه: كان شكله يخوف وعيونه حمر ردت اهدي دفعني وهجم على ود
ود: كاعده واسمع كلام مصطفى يعني موافقو الله لاينطيهم نزلت دموعي ومااحس الا نجريت من شعري ودخلني بالغرفه وقفل الباب ملخني ويضرب بالحزام واني ابجي مااعرف على زيد لو من الالم
مصطفى: باجر اعقد عليج ومثل كلبه توافقين
ود: دفرني وطلع شاغت روحي
بقيت بمكاني دخلت فاطمه حضنتني وتبجي
فاطمه: اسمع صرخات ود ومكدرت اسوي شي كسرت باب وماكو ركضت للاستقبال شفت علي كاعد ولا كان صاير شي
...بابا ود رح تموت بادينه الحكني
علي: عار متموت لتخافين عليها
فاطمه: رجعت للغرفه طلع منها مصطفى
مصطفى: انتي اكيد تعرفين باختج الساقطه وساعدتيها اني اعلمج
فاطمه: خفت من كلامه ليزوجوني قررت ابلغ عمار وانهزم واخلص كافي العشته بس ود شلون
ود: كافي شبيج
فاطمه: اسفه والله بس مجبوره
ود: مافهمت كلامها كمت تمددت بفراشي ونمت تفكير يتعب
فاطمه: ود تركتني وراحت نامت طلعت من الغرفه ملكيت مصطفى
..بابا مصطفى وين
علي: راح لكركوك وباجر يجون هو وعمج
فاطمه: لكيتها فرصه ركضت للغرفه اتاكدت من كولشي رغم الخوف بس حاسه جاي احلا
طلعت من البيت صعدت كيه وصلتني للمستشفى يشتغل بيها عمار دخلت للمستشفى سالت عليه كالو عنده مريض انتضرته يطلع ودخلت
عمار: هلا حياتي اكو شي
فاطمه: اي وحجيتله كولشي
عمار: اني ماعندي شي محضر كولشي
فاطمه:اليوم ضروري باجر يرجع ابن عمي وصير طلعتي مستحيله
عمار: ود شلون تركيها وحدها
فاطمه: اكولك ابن عمي هددني ويمكن يزوجوني ود
بس نوصل وتتعدل اوضاعنا نسحبها يمنا
عمار: اوك اني اخابر ولد صاحبي افهمه الموضوع
فاطمه: واهلك
عمار: شبيهم
فاطمه:تكولهم
عمار: اكيد لا نزوج وبعد فتره اخبرهم
فاطمه: ماشي رايحه اني
عمار: انتضريني ثواني اجر سياره توصلج
فاطمه: رجعت للبيت مخنوكه وخايفه اذا اني كدرت انهزم ود شلون تركت التفكير وحضرت كولشي
وكتبت رساله ود وفهمتها كولشي بس ماذكرت عمار واي مكان اني رايحه صارت ساعه ٩ حضرت شربه بالغرفه
علي: ليش خليتي هنا
فاطمه: مو باجر يجي عمو وعدنا عقد قران اريد انظف
علي: بس بدون صوت
فاطمه: صار
خليت دخل للغرفه بدا يشرب اخذت الجنطه طلعتها واني باقي مستمسكاتي عند عمار ورجعت للغرفه بست ود وخليت الرساله على الميز وهمست سامحيني ياعائلتي اي ود عائلتي الوحيده اني اخواتي مريم وزهراء مااحبهم لان انانيات وضعيفات وامي هم ابد محبيتها هي بسببها وصلنا لهي الحاله لهذا اعتبر ود عائلتي مسحت دموعي وطلعت مشيت شوي شفت سياره صعدت بيها وهنا انتقلت الى حياة ثانيه
ود:كعدت بوقت متاخر عطشانه كمت شفت الساعه ٣ الصبح ملكيت فاطمه دورت البيت كوله مخليت مكان
شربت مي ودخلت للغرفه فكرتها يم ماما خليت راسي على المخده صارت ورقه كدامي عدلت كعدتي وفتحتها
( ود سامحيني بس والله مجبوره اسوي هيج ماكدر اعيش نفسكم واعرف رح يزوجني غصب اسفه رح ابدي حياة جديده بعيده عنكم بس صدكيني مراح انساج فتره واتواصل وياج احبج يا عائلتي اختج فاطمه)
.. اقرا ودموعي تنزل صدمات متتاليه اجتني شكتت الرساله وذبيتها ولعنت فاطمه وكول احد بحياتي الله لينطيكم دمرتوني بقيت كاعده للصبح اندكت الباب طلع علي فتحها دخلو عمي ومصطفى وجوهم ثكيله عليه دخلو حتى بدون سلام وميحجون وياي
ابو مصطفى: فاطمه عمو فاطمه..
ود: واكفه ومااعرف شنو اسوي مصطفى راح للمطبخ ودخل للغرفه
مصطفى: وين ولت ثانيه
ود: مااعرف
مصطفى: يمكن يم امها اروح الها
ود: منطقت راح مصطفى ورجع واني على نفس وكفتي
مصطفى: بنت كلب مهزومه حتى ببيت امها ماكو
ابو مصطفى: الله يعينك يخوي على مابلاك مربي عواهر بيتك
ود: متت خوف اجه مصطفى سحب الحجاب من راسي وشمره وسحلني من شعري
مصطفى: تبيعين شرف براسي ولابسه حجاب ساقطه
ود: اويي اتركني
مصطفى:وين اختج كلبه يلا كولي
ود: مااعرف
مصطفى:انتي ساعديتها والله لاراويج نجوم الظهر
ود: والله لو اعرف بيها تنهزم مبقيت هنا ومااحس اله راجدي فرني فر وسحبني من ايدي شمرني بالغرفه وقفل الباب عليه صار الليل وصوت ماكو اني بدون اكل وخوف وجسمي يرجف مرت ايام مصطفى يشمر الي الاكل مثل الحيوانات مر اسبوع واثنين ومكدرو يوصلون لفاطمه واني خلال اسبوعين اوصل للانتحار واتراجع اخاف من الحرام بيوم كاعده كدام المرايا اباوع على وجهي ذبلان وتحت عيوني سواد وعيوني منتفخات من البجي وانفتحت الباب
دخلت اسراء اخت مصطفى سلمت من وره خشمها
اسراء: شلونج ود
ود: انتم شوكت اجيتو
اسراء: اليوم الصبح
ود: اريد اطلع فدوه
اسراء: هو رح طلعين اليوم يعقد عليج مصطفى
ود: اليوم ؟؟؟
اسراء: اي بخت قبل بيج اخويه والا على سمتعتجن انتي واخواتج محد يكلبج
ود: بقيت ساكته مااعرف شنو ارد عليها
شمرت علي علاكه
..هاي شنو
اسراء: فستان لبسي وشوي اجي امكيجج
ود: فتحت العلاكه بيها فستان طلعته قديم شبعانه لبس بيه وانطته الي ملبسته
اسراء: ليش بعدج ممبدله
ود: شنو هذا حتى وسخ
اسراء: احسن من ملابسج مينطلع بيهن للسوك لبسي احسن مااكول لمصطفى وهو يقنعج على طريقته الخاصه
ود: لبسته لونه احمر وبيه باودر واثار مكياج خففتها بالمي ومكيجتني اسراء طلعتني اخوف خلت كول الالوان ولبست حذاء كعب منها ورشيت عطر
اسراء: من يجي الشيخ يلا طلعين هسه ابقي
ود: طلعت اسراء واني اباوع على نفسي بالمرايا اليوم رح ازوج غير الانسان الي حبيته نزلت دموعي مكسوره اصعب شي على الانسان من يجبروا على شي هو ميريده اذكرت كول مواقفنه اني وياه ودموعي تجري دخلت اسراء
اسراء: على كيفج عيوني معاجبج اخويه
ود: اي معاجبني ومجبوره عليه
اسراء: بله على شنو حبوج اثنين لا شكل لادراسه لااخلاق صدوك لو كالو حظ العواهر جواهر
ود: سمعت صوت الشيخ اجه دفعتها وطلعت اباوع
بالوجوه مااكو احد احبه موجود الكول تخلو عني كعدت على كرسي متقربو مني ويبسبسن بينهن منتظره امي ماكو هاي ٣ مره تتركني نزلت دموعي ليش حتى اهلك ميريدوك اووف
ام مصطفى: باع العياره مسحي دموعج ونجبي لتفشليني
ود: كرهت الكول لو اشرب من دمهم ماارتاح بهاي اللحضه كرهت حتى زهراء كول كلمه تنكال وكول طعنة شرف اجتني بسبب اخواتي ٣ دمروني
كالو الشيخ يريدج قريب على الباب لبسوني عبايه وكفت يم الباب يحجي الشيخ واني بالي مو يمه بعدين كال
الشيخ: ود بنت علي هل توافقين على الزواج من مصطفى ابن عباس زوجا لكي على مهر مقدمه ٥ ملايين ومؤخر ١٠ ملايين
ود: هههه اصلا الف ماشفت وهو يسولف بالملايين
عادها اكثر من مره واني ذكرت زيد شكد حارب وانذل لعمامه ماسالو عنا بيوم وكال مستحيل احجي وياهم بس اتوسل الهم لخاطري اذكر دفاعه عني وغزله وحبه
الشيخ: بنتي موافقه على الزواج
ابو مصطفى: البنيه تستحي شيخنا اساله مره ثانيه
ود: رجع سال ومرة عمي تهدد وتكول يقتلوج اذا موافقتي بس اني كلت مستحيل اخون زيد واخذله
الشيخ: ود بنت علي هل توافقين على الزواج من مصطفى ابن عباس زوجا لكي على مهر مقدمه ٥ ملايين
ود: احس كول حرف يكوله يموتني الى ان وصل قولي نعم وانته وكيلي اجرات اخذت نفس وكلت
...اني مموافقه على هذا الزواج
يتبع.....
