هلاوو ورودي🌹
#نيران العشق#🔥🔥
#أسماء#❤🌹
----------------------------------------------------------
عاشرنه النحبهم أحلى الأيام
نشتاك بعطش للعاشرونه
موإحنه الكَطعنه بوصل الأحباب
الزمن هو الغدرنه وفاركونه
ما غير طبعنه طول الفراك
لا إحنه نسينه ولانسونه
على الغالين تعمه هاي العيون
إذا طال الغياب وماإجونه
ود:اريد ارجع لبغداد
فاطمه:هنا الحياة حلوه وكركوك تخبل
ود:عاجبج تبقين هنا
فاطمه:اكيد يعني تريدين نرجع لبغداد ومنام الليل من الخوف
ود: اي ارجع
فاطمه:اعرف ترجعين لزيد
ود:اووف زيد مااعرف وينه وصار بيه ذيج الليله
فاطمه:ميصير شي نصيحه انسي وعيشي حياتج
ود:انصدمت بكلام فاطمه
..تحجين من عقلج
فاطمه:هذا عين العقل
ود:انسى زيد ههه
فاطمه:ود دااتمشين برجليج للنار
ود:اي ومستعده احترك بيها
فاطمه:انتي الي تتاذين
ود:فاطمه اني بالنسبه الي زيد مو بس حبيب زيد اخ واب وصديق وكولشي
فاطمه:مصطفى ميتركج
ود:اني نازله اخذي راحتج
فاطمه:سكتت عنها لان اعرف حبها لزيد جنوني ممتعودين يفترقون هيج وقت طويل بس مصطفى مخليها براسه
ود:نزلت شفت الكول كاعدين عفتهم ورحت كعدت بالمطبخ اشرب جاي وافكر بكلام فاطمه صار وكالت هذا الكلام
ام مصطفى: تعالي ساعديني بالغدا
ود:لعد بنتج وين مساعدج
ام مصطفى:وانتن بس للاكل والنوم
ود:اي رجعوني لبغداد اشتغل بيتي
ام مصطفى: اي والله سوين فضل وترجعين لبغداد
ود: غير انتم متقبلون يااعيني
ام مصطفى: اني عني اتمنى اخلص منج بس مصطفى ميقبل تولن لبغداد
ود: تركتها وطلعت شفت علي كاعد رحت يمه
..بابا
علي:خير
ود:اريد ارجع
علي:ماكو رجعه
ود: مااكدر ابقى هنا اريد ارجع لبغداد
علي:حتى تنهزمين وتخزيني بين الناس
ود:اوعدك مااعيدها بس رجعني ممتقبلين وجودنا ليش باقيين لعد
علي:حتى اذا رجعنا انتي تبقين هنا
ود:شنووو
علي:وجعع اني هناك مااسيطر عليج ويمكن تنهزمين ابقي هنا
ود: مستحيل ابقى هنا
علي:تبقين وانتي الممنونه وصيري مؤدبه تربية سعاد
ود: حرام عليك مره وحده فكر بينا
علي:لج ساقطه ام الولد احمدي ربج ماقتلتج على عملتج تبقين هنا وتزوجين ابن عمج
ود: انصدمت باخر كلمه ازوج ابن عمي
علي:احسن من هذا مسوي نفسه مثقف ويضحك على بنات العالم
ود:هذا الي تحجي عنا نقذني من الموت يوم تركتوني وعلمني الصح من الخطا وكان وياي بكولشي واني لو لا ماكنت موجوده
علي:بنت الكلب تكولين احبه كدامي
ود:هجم عليه ملخني اجه مصطفى دفعه عني
علي:اني باجر راجع وانتي تزوجين ومااريد اشوف خلقتج بعد
ود: انته شنو من اب بعمرك معتبرتني بنت الك وهسه تريد تتحكم بيه
علي:ابوج وغصبا عنج
ود:لا مااعتبرتك اب ولا يوم بحياتي
ابو مصطفى:كافي ود شنو قلة الادب هاي
ام مصطفى:والله بنات مكان ميحمدن ربهن ويسكتن يوميه مشكله الله يساعدك علي شلون متحملهن
ود: شلون متحملنا ؟؟ حقكم لان انتم معشتو الي عشنا اني واخواتي تحلمنا القهر والضيم من ولادتنا ولا تعرفون شنو شعور بنيه يذبها ابوها بيوم ولادتها
وميسال عنها ٣ سنوات ويبيع اختها لواحد مزوج واكبر منها ويجيب اصدقاءه وليل مينامن من الخوف
ولا مجربين شعور اشوف اختك ميته كدامك والسبب منه واخر شي يريد يزوجني لمصطفى
...احجي وابجي احس قلبي يتقطع من الم
مااعرف شنو كلت بس هذا حاسه بيه
ابو مصطفى:علي باجر ترجع لبغداد وود وياك
مصطفى:لا مترجع واني باجر اعقد عليها
ود:مااريدك انته شنو ماتفهم
ابو مصطفى:فاطمه كومي صعدي اختج
ود:اجتي فاطمه صعدتني ومااعرف على شنو اتفقوا
الليل كوله منايمه وابجي ليش هيج داايصير بيه اووف زيد وينك تعال شوف صار بيه وانته مموجود
صار الصبح واني منايمه اندكت باب طلعت فاطمه وشوي ورجعت طلعت جنطه وتخلي بيها ملابس
..وين
فاطمه:راجعين لبغداد
ود:طفرت من الجربايه اني وياكم موو
فاطمه:اسفه مااكدر اكون وياج بهيج يوم بس مجبوره
ود: طلعت من الغرفه صايره نار نزلت شفت علي محضر نفسه
..اني ارجع ماابقى هنا
علي:مالج رجعه وياي
ود:ارجع ل ماما
علي:فاطمه وين صرتي
ود:نزلت فاطمه
واخذها وراحو ركضت وراهم الله يخليكم لتعوفوني
هنا وركضت نزلت يم رجل علي بابا والله ماانهزم الله يخليك رجعني ابوس ايدك سحب ايده وراح دنكت فاطمه حضنتني
فاطمه:ديربالج على نفسج
ود:الله يخليج اذا صار وشفتي كوليله صار كوله
وكوليله مستعده تموت ولا غيرك يلمسها
فاطمه:اكوله والله
ود:راحو واني على نفس كعدتي وابجي
اسراء: كومي ندخل للبيت
ود:كمت حسيت الدنيا تفتر بيه وكعت
ود:فتحت عيوني شفت نفسي بالغرفه ومصطفى وعمو يمي
ابو مصطفى:شلون صرتي بابا
ود:الحمد لله عمو
ابو مصطفى:اكلي شويه عندج هبوط وراج عقد
ود:ذكرت صار نزلت دموعي مااريد عمو الله يخليك
ابو مصطفى:اخذي راحتج بابا ومتتزوجين الا برضاتج
ود:كلام عمو طمني اكلت شوي ونمت
كعدت على انفاس قريبه مني
فتحت عيوني شفت مصطفى نايم يمي طفرت
مصطفى:شكو شايفه جني
ود: شلون تدخل غرفتي انته
مصطفى:كلت اطمن عليج
ود:وتجي تنام يمي
..نزل مصطفى من الجربايه وسحبني من ايدي صرت قريبه منه
ايدي ترجف والكلام يطلع بصعوبه
...شنو تريد مني
..تقرب مني وهمس
مصطفى:اريدج ود اريدج انتي
ود:تحلم بهذا شي
..تقرب مني اكثر وكال
مصطفى:لا وهسه انتي يمي واكدر كولشي اسوي
ود:ماانطيك نفسي لو تموت
مصطفى: مثل متريدين بس حلم تشوفين بغداد
ود: وانته منو حتى تتحكم بيه
مصطفى: باجر اجيب الشيخ نعقد واتحكم بيج
ود:مااريدك لو عندك ذرة كرامه جان عفتني يااخي احب انسان غيرك شلون تقبلها على نفسك
..سحبني من ايدي وضغط عليها قوي وكال
مصطفى: اكص لسانج اذا جبتي طاريه وسمعيني ست ود اخذج واذلج واخليج خدامه لامي واختي
ود:اموت وماانذل لواحد مثلك
مصطفى:نشوف ست ود باجر ازوجج وغصبا عنج
ود:كلامه خوفني مستحيل ازوج انسان مثله دفعته وركضت طلعت من الغرفه وركضت للسطح فتحت الباب ومقرره اذب نفسي من السطح....
يتبع...
انطوني رايكم بالبارت❤❤
