هلاو ورودي🌹
#نيران العشق#🔥
#أسماء#❤
------------------------------------------------------
محبتنه جذب مو كالو تموت
ولتصدّكهم الكالولك نسيتك
لأن أنت شراكة بالنّفس ويّاي
وما أتنفّس أني بغير ريتــــك
تدري أنت شكثر بيك أنّي محظوظ
وأحسّ بختي كعد لمن لكيتك
وإذا فكّرت أعوفك وأنسى ذكراك
ياخذني الكلب كوّة على بيتك
حجولي شكد عليك وكلت عذال
عاندت الحجو عنّك وجيتــــــك
كالو صعب دربه يتعبك هواي
ورغم هذا التّعب كله اعتنيتك
كالو بس أذيه وعوفه وأرتاح
عفت الرّاحة أنا وميّت آب ذيتك
ود:ساعة ١٢و٤٥ الصبح حضرت هويتي والاشياء المهمه ومنتضرتهم ينامون وانهزم انتضرت شوي وبعد مسمعت صوت طفيت ضوا وطلعت على كيف اخذت جنطتي وصلت الباب رئيسيه فتحته
وجان يصيح بيه جفلت من صوته وبقيت على وكفتي
مصطفى:تريدين تنهزمين بنت كلب عبالج غافل عنج
ود: اجه عليه سحبني من ايدي وذبني يم رجل علي ظاهر متفقين عليه اول مره علي ميشرب
علي:تنهزمين وي منو وي هذا سكط
ود:بابا الله يخليك مااريد اروح لكركوك
علي:انجبي مااريد اسمع صوتج
ود:طلع مصطفى وعلي نازل عليه بالرزايل شوي ورجع
مصطفى:يلا كومي نروح سيارة منتضرتنا
ود:مااروح والي تريده سوي
تقرب عليه وكال
مصطفى:كومي ياحلوه لا اخذج هسه وباللحضه ونشوف حبيب كلب يتقبلج بعد
ود:حقيرر اكرهك الحب مو غصب
مصطفى:بلا كلام زايد ويلا
ود:سحبني من ايدي بالغصب وصعدني بالسياره اكيد زيد منتضرني اسفه حبيبي
مشت بينا السياره واني اباوع من الجامه واودع بغداد وزيد الي مااعرف شنو ردة فعله اذا عرف رحت لكركوك فاطمه وعلي ومصطفى ناموا بس اني كاعده
وابجي بهدوء يربي ارحمني سيارة تمشي بينا نام ونكعد الى ان وكفت سياره كدام مزرعة اجه مصطفى فتح الباب
مصطفى:يلا نزلي ست ود
ود:نزلنا اني وفاطمه دخلنا اجة مرت عمو حتى مسلمت علينا تستنكف واسراء بنت عمو سلمت ودخلت لغرفتها اجه عمو سلمنا عليه وصعدنا لغرفتنا محضريها النا بالطابق الثاني
فاطمه:شوف العز والترف ولاتكول اخوه ابو مصطفى وعلي نفس شيء اكل بالاقساط
ود:ذبيت نفسي على الجربايه ونمت تعبانه كعدت على صوت مرت عمو
ام مصطفى:يلا عيوني كعدوا تعشوا
فاطمه:اوو شكد نمنا
ود:كعدت بدون كلام كارهه دنيا كولها غسلت ولبست دشداشه عريضه وحجاب ونزلت
ام مصطفى:هي انتن كول يوم لليل نايمات
فاطمه:طريق وتعبانين يا عمه
ام مصطفى: مبقيتوا عند امكم
ود:والله مستعده اموت ببغداد ولااجي بس ابنج جبرني وغصب عني جابني
ام مصطفى:اي مو زين يخاف على بنات عمه
ود:تركتهم وصعدت للغرفه بجيت ليش ياربي هيج يصير وياي الله اعلم وضع زيد شنو اندكت باب طفرت...منو
فاطمه:تعااي عشا صار
ود:مااريد
فاطمه:على راحتج
ود:رجعت خليت راسي على الباب
غمضت عيوني ذكرت صار
قبل ٢ يوم
ود:امشي وراه ودموعي تنزل بهدوء
دخلنا للحديقه اندار عليه وذب حسره وكال
زيد:شلونج
ود:شمرت نفسي بحضنه وبجيت لا تتركني اموت وانته بعيد عني
زيد:احبج يروحي مااتركج للموت واني مو بعيد عنج
واكف بشارعكم ٢٤ ساعه انتضرج اريد اشوفج بس انتي ماكو
ود:حابسيني بالبيت وميخلوني اطلع بس فاطمه تروح لماما
زيد:سالت فاطمه كالت تروحون لكركوك
ود:بس اني مااريد جبروني مااكدر ابتعد عنك
زيد:اكيد متروحين وتكعدين بيت هذا سافل
ود:شلون وحتى فاطمه تروح
زيد: حضري نفسج باليل اخذج ونطلع للبصرة يم خوالي وهناك نزوج
ود:ابتعدت عنا وكتله
انته تحجي من عقلك نخاطر هيج
زيد:شتتوقعين اخليج تروحين وتكعدين بيته ووين بكركوك اني هنا والليل كوله مااكدر انام الف فكره تجي براسي
ود:يحجي باعصاب ويشرب جكارة وره لخ
...وماما وفاطمه شلون اتركهم
زيد:انتي تحبيني
ود:تعرف الجواب
زيد:تحبينييي
ود:اي احبك
زيد:اني مجهز كولشي وبعد منزوج اني اجيب امج للبصره هي لان ماعندها احد والاوضاع مطمن
..ليش ساكته مااكدر اتحمل فكرة انتي وياه بنفس المكان ود وافقي وطفي نار كلبي
ود:وياك وين متروح
زيد:حضنتها لعد جهزي نفسج والاشياء الضروريه وهويتج وساعه ٢ طلعي من البيت اني انتضرج
ود:ماشي حبيبي
زيد:يلا رجعي ليحسون عليج
ود:اني اروح لماما
...وصلني لبيت امي وراح دخلت سلمت على ماما وبقيت يمها نص ساعه ورجعت للبيت علي ومصطفى بالاستقبال دخلت للغرفه طلعت فاطمه بحجة اريد انام طلعت قفلت الباب وراها واخذت كم قطعة ملابس وروايتي المفضله وهويتي ضميتها بين الملابس وخليت الجنطه بين الملابس حتى لشوفها فاطمه فتحت الباب وسويت نفسي نايمه الخوف تملكني ومااعرف شنو اسوي صارت ب٨ صليت ودعيت ربي يساعدني خلصت طلعت سويت عشا وي فاطمه حتى ليحسون اكو شيء بس مصطفى ابد ممرتاحتله كملنا غسلت المواعين ودخلنا نام فاطمه نامت
...قطع تفكيري دكت الباب
ود:مااربد عشا
مصطفى: فتحي الباب
ود:فتحت باب
...محتاج شي
مصطفى:انتي شنو من بشر هذا كوله مياثر بيج
ود:مادخلك بيه
مصطفى:دخلني ونص
ود:سديت باب بوجها دفعه
مصطفى:انتي ظاهر متجين بالطيب
ود:سحبني من ايدي ونزلي من درج ودفعني كدامهم
مصطفى:حتى بعد متعاند ومتجي
ود:انته شنو متكلي كولشي عندك غصب مااريد اكل مااريد اكون بمكان بيه انته
ام مصطفى:شكو جايب النا هيج شكولات مثل امها واخواتها
مصطفى:يوم سكتي اني اريد اربيها من جديد
ود:متربيه احسن منك
كلت هي الكلمات وماحسيت غير راجدي فرني فر بيه
مصطفى:منو معلمج هالكلام
ام مصطفى: لعد شتتوقع من وحده امها مطلقه واخواتها وحده هلا هلا وثانيه انتحرت الله اعلم شبيها وتركها خطيبها بيوم العرس
ود: متحملت تحجي عن زهراء
...لتحجين عليها زهراء اشرف منكم
ام مصطفى:لو شريفه متركها خطيبها وفضحها
ود: لان مثلكم ماعنده غيره وشرف
مصطفى:انتي حتى الضرب ميفيد وياج
ود:اكرهكم اكرهكم
ود:وحدي ماكو احد يدافع عني اذا هي اختي يحجون على امها واخواتها ومستمره تاكل مصطفى يضرب بيه وامه تحجي على زهراء وامي لو اقتلهم متطفى ناري تعال زيد شوف حال حبيبتك
مصطفى:والله ود كول متعاندين ازيد بالعقاب عليج خليني هيج لا وحق سماج ود اخليج تتمنين الموت ارحمي نفسج
ود:حاولت فاطمه تكومني دفعتها
..اياج تتقربين مني
سندت نفسي وصعدت للغرفه دخلت وراي فاطمه
فاطمه:اسفه
ود:اعتذارج ميفيد وانتي نسيتي تدافعين حتى عن امج
فاطمه: شنو سويتي انتي من دافعتي عنهم اني مااريد انضرب واتاذه ومبقى شي واخلص السادس وادخل جامعه واعيش حياتي مو مجبوره ادافع عن اشخاص اختارو نهايتهم
ود:طفي ضوا اريد انام
فاطمه:على راحتج
طفيت ضوا وطلعت عنها....
يتبع.....
