اليوم الي صار بمدرسة الفوز مو شوية ✋🏻
ببداية الاصطفاف كالوا حنسوي "حداد للشهداء" جبنه اعلام وشموع وجبنه قرآن عسى ولعل يخلونه نقرة قرآن
واعتقد الحداد يعني منفتح اغاني نفتح قرآن ونقرة قرآن
اليوم لا كاموا يفتحون اغاني!!!!😔
وحتى الشموع الي علكناهن لكيناهن ماكو ومخلونة نقرة القرآن
وربع ساعة خلو بس فاتحين اغاني ونشيد وطني وكل واحد يطب لصفه 🤷🏻♀
احنه صفنه الوحيد الي مدخلنه اجتي مدرسة ورزلتنه وما دخلنه وضلينه واكفين بالساحة وما طبينه للصف
وراها ب شوية اجتي المعاونة." ست خولة" وهاي كل ما نريد نسوي اعتصام تخرب علينه ومتريد نسوي أي اعتصام
ضلينه واكفين وتصيح علينا وترزل
طالبة من عدنه ما حجت شي غلط مجرد كالت ست هي شنو الربع ساعة علمود نسوي هيج وترة صح الوضع ديزداد سوء وهمة ما مهتمين
جان تجر ايد الطالبة واخذتهه واتصلت على اهلهه
واحنه دخلونه غصب ردنه ننزل نشوف الطالبة محد خلانه نروح نشوف الطالبة شبيهه
جتي الطالبة عيونهه بس دموع زين ليشش هيج؟؟!
اول شي اعتصام ما خلونه نسوي وهاي كل مرة نعيد الاعتصام ومشيناهه
ثاني شغلة فاتحين اغاني وعلى اساس حداد وهم مشيناهه
بس مال تجر طالبة وتتصل على اهلها وترزل بيها على يا اساس؟؟؟؟! 🤷🏻♀
لهلدرجة وصلنه من مرحلة الحقد يعني
#ثانوية_الفوز_للبنات
اكثر مدرسة مندسة وخالفت الاعتصام والإضراب
ومنعت كل الطالبات من اي اعتصام
اسم المدرسة المندسة صار لازم ينعرف بكل الكروبات والبيجات✋🏻
تعبنه حييييل والله كل ما نتفق على اعتصام لا احد ويانة ولا أحد يساندنه ولا المدرسات ويانة
شنو فرقنه عن باقي المدارس لعد🤦🏻♀
بالإضافة محد ديرحمنه من ورة الامتحانات
والله امتحانات دك وين اكو صف يمتحن. ٣ امتحانات بيوم واحد ومن نجيب درجات قليلة يحاسبونه ويسويهه محاظرة
آسفة على الإطالة
بغداد حي الصناعة
المديرة حياة محمود يونس
