ذكريات ايام دوام المندسين💔
بس ثواني !!
برأيكم هذا سؤال بكل صراحه يعني
باجر دوام؟
صدك يعني
محد يفكر يعني محد بقه عنده احساس محد بقه عنده ضمير !
تره والله العظيم والله العظيم
لمفروض الجواب يكون عدنه كلنه ميحتاج نسأل ولا اصلا نتناقش
سالفة الدوام تره ابد مو حرية
ولا شي نتناقش بي ولا نفكر
"هذا واجب!!"
واجب علينه من اصغر واحد بهل بلد لاكبر واحد
انت اليوم من تروح وتدري بس كلي شنو اللي تستفاده؟
من المدرسين الزينين؟ (مع احترامنا لكل الاساتذه لكن اكيد الحجي مموجه للكل)
من المدارس اللي تخبل
بابا حندخل ب ٢٠٢٠ واحنه رحلات معدنه
بنكات بالصيف ماكو
بالشته الطلاب تشبع برد لان الجام مكسر
هنا تردون داومون؟
بهيج وضع عاجبكم؟
انتو اذا مو اليوم يصحه ضميركم
وتكعدون من النوم اللي انتو بي من ١٦ سنه
ف صدكوني ولا اي شهادة بالعالم حتفيدكم وتعوض الوقت اللي وقفتوا بي ضد بلدكم ومساندتوا بالوقت اللي هو بأمس الحاجه الكم
اللي يجيني ويكلي اني سادس ومستقبل بابا بس فهمني اي مستقبل!!!!!
كاتل روحك تريد تصير طبيب؟
قبل متصير طبيب اعرف الطبيب شنو اصلا ماشي
واللي يكلي صار سنتين و٣ بالسادس واريد ادوام
زين ثواني فكر انت لو ببلد بي خير حتعيد هاي السنوات؟ حتضطر لكل هاي المدرسين والكتب وتالي تعيد؟!
ولكم منو يقبلهه واحد معدله ٩٥،٩٦ ويعيد سنه؟!
والموضوع جداً بديهي وميحتاجله اي تفكير
شلون تعيش حياتك طبيعي وانت تعرف كل هاي العشرات اللي استشهدوا وهم ديدافعون عن حقك وحق غيرك وحقهم
ليا مرحلة وصلنه من انعدام الضمير...
“هذا واجب مو حرية”
🇮🇶
تخيل انك شاركت ولو بنسبه 0.1% بتغيير بلدك ،تخيلك شعورك لمن تكبر وتحجي تفاصيل هاي الايام الي هسه بنظرك عاديه لابناءك واحفادك ،
تخيل كميه الفخر الي راح ترافقك طول حياتك🇮🇶
