- الاسم: سجاد سلمان علي عباس أبو رغيف
- المواليد: 4/6/1999
- السكن: محافظة واسط / قضاء العزيزية
- المهنة والتحصيل الدراسي: كاسب / الثالث المتوسط
- العمر عند الاستشهاد: 20 سنة
- سبب الاستشهاد: طلق ناري في الرأس
- تأريخ الاستشهاد: 15/11/2019
- مكان الاستشهاد: بغداد / ساحة الخلاني
- قصته: الشهيد سجاد سلمان، فرد في عائلة من خمسة أشخاص، له أخ وأخت. هذا هو وهذه قصته على لسان العائلة: "سجاد جان خلوق ومحب وصديق، يحب يساعد بكل شي يكدر عليه. حنين الى درجه حتى ويه الحيوانات، اجه نسمة للدنيا وراح نسمة. من هو وصغير يحب يساعد وما يطلب مقابل وما يفرق بين غني او فقير.
معلماته من الابتدائية لحد المتوسطة يبجون عليه، لان هواي ترك مواقف متنسي بالمدرسة، مثلًا جان اذا شاف واحد بصفه فقير ينزع جاكيته وينطي، وكل اعماله لوجه الله خالصة حته من ينطي ما يكول اني انطيت. بفاتحته عرفنه هواي شغلات مساعد بيها الناس وما كايل عنها، الناس اجت تسولف عنها.
من ناحية الاهل جان مطيع وصديق وقريب من امي وابوي، جان يساعد والدتي بشغل البيت، والدتي لحد الان تكعد بالباب المغرب تنتظره وعدها امل يرجع، بكل مكان بالبيت اله ذكرى. ملابسه وفراشه لحد ال
