انتقام وقسوة محب
بقلمي زينب العبودي
محب/وين ريام
هديه/جوه بالغرفه
محب/صيحيهه
هديه/ليش
محب/لازم تدخل تسلم شنو قصتهه كل شويه اگول هسه تدخل صيحيهه بسرعه
هديه/ماشي هسه راح اصيحهه
دخل للاستقبال يمهم واني رحت الـ ريام دخلت گبل بدون ماادك الباب لكيتهه لازمه صورة حسام وتبچي
دخلت رأساً
شبيج ولج
ريام/شبيه يعني ""مخنوگه وكارهه الدنيا
حسام وماكو واهله الي اكرهم ومرتاحيت بحياتي وياهم هنا """خايفه حيل
هديه/لتخافين ماكو شي شبيج
دگومي يلله محب يصيحج يكول تعالي سلمي عليهم
ريام/خل يگللهم عده
هديه/بس انتِ العده مالتج فوك الخمس شهور
دگومي """كومي ولج
ريام/ايمن يمهم
هديه/اي وصلاح جاي من السفر
ريام/صلاح شعجب
هديه/ولج من توفى حسام رجع """بعدني ممفتهمه خل ندخل ونفتهم
كامت لبست حجابهه وطلعنه رحنه للاستقبال
***************^^^^^^***************^^^^^^^***
ريام/الخوف متكلكني من يوم وفاة حسام احس الضياع تعبني لا عيونه ولا صوته يفارگني ومن اشوف ايمن اموت قهر علي تستم بصغره
من سمعت بيهم جايين انكربت روحي اعرفهم ناس مادديين وادري بيهم خايفين خاف اخذ فلوس المحل
الي حسام شريك بي ويه صديقه حاسه راح يساوموني بي واني اكيد راح اتنازل عنه مقابل ابني
من اجوي دخلت للغرفه الي تقريباً صارت غرفتي من يوم الي اجيت واني كل اغراضي بيهه
طلعت صورة حسام وكمت اشكيله خوفي واعاتبه شلون يعوفني ***صورته ونظراته جانت تحجي وياي هيج جنت احسه
دخلت عليه هديه وكالتلي يصيحج محب لازم اسلم عليهم """"لبست حجابي وطلعت
دخلت للاستقبال جان ايمن بحضن صلاح
وفلاح يسولف ويه محب """فلاح شيخ العشيره
اكبر اخوته ولبسه كله عكال كلت
السلام عليكم
ردولي السلام كعدت بصف محب ودنكت مااعرف ليش
صلاح/شلونج ام ايمن البقيه بحياتج عذريني من اجيت من السفر مكدرت اشوفج لان عندج عده
هلو صلاح شلونك
فلاح/شخبارج بويه شلونج
هو من زمان يگلي بويه لان عمره جبير حيل
بقه يسولف على حسام ويذكر سوالفه الحلوه
وهو يسولف عيوني كامت تصب لا ارادياً
بعد مانهه كلامه عن حسام
فلاح/فأحنه يا بويه منريد ابن حسام يتربى يم الغرب
محب/اني خاله ابو قاسم والله يشهد عليه ايمن مثل امير ابني فلاح/مامنك قصور ابو امير ونعم الخال اله بس احنه منقبل ابنه يربى بعيد عنه
لذلك اتقدم بخطبتهه الاخويه رافد
