يا دجى الليل يا ايها الليل المخيف
يا من حوى حزن البشر
يا سماء غشتها الغيوم
في صمت حزن اشر
في زحمة الحزن العنيف
وانطوت في وجوم
كنت فيها غريب
فب لحظة
كالصمت في ليلة كالموت الرهيب
كان في روحي ألم
صامت لا نجم فيه كالظلم
كان قلبي متعب ذاو شقي
يرسم الذكرى دموعاً في العيون
وحدي اناجي الاسى في الدجون
غارق في شقاء فضيع
ليس الا الدجى يرتوي من دموع
ماتت الامال خلف النداء البعيد
وانداحت الالام في حزن جديد
انتقام وقسوة محب
ام غايب
زينب العبودي
سيد علي شلونه استحيت اسلم علي والله خوش ولد وسبورتي بس كلت عيب اسلم علي
اني كبل ركزت منين تعرفه
شيرين/اي والله سيد علي خوش ولد دوم واكف ال محب
ام رفل/اي والله اني تعرفت علي بالشمال صاحب وكفات حلوه من عطلت سيارتنا
كبل باوعلي بالمرايه يترقب ردات فعلي اني ابتسمت لا ارادياً ويه ابتسامتي نزلت دمعة عيني ودرت وجهي عل جامه انكسرت مااكدر انكر انكساري رغم مو اول مره يكسرني بس جانت الاقوى الي
شيرين /ها هاي الروحه الي قبل لتجيب هديه
ام رفل/اي مصارلنه هواي حتى سألته على هديه لان تذكرت من رحنه سوه تونسنه عاد كال هديه بالثامن لو مو بالثامن جان جبتهه واتفقنه نعيدهه سوه
والله بذاك اليوم أيست من عطلت سيارتنا لو ما رفل كالت محب بالشمال تره ويه صديقه خل نخابر علي بلكت يجون يساعدونه والله صدك خابره باقر واجونه بسرعه
ومو بس هيج سيد علي يعرف اصحاب الشركه الي رايحين وياهم خلانه ندفع للفندق حالنه حال الرحله
شيرين/هو هذا سيد علي دوم مواقفه حلوه ونعم الصديق ال محب
بقيت دايره وجهي انفاسي صارت سريعه
والدنيا سودت بعيني
ماريد حتى اباوع علي ويشوف انكساري
مااعرف شلون سكتت بهاي اللحظه ومكلبت السياره على روسهم نزل عليه برود بالتصرف مو طبيعي
مدري لان انصدمت
كمت احجي بداخلي وبنفس الفندق يا محب
وهسه بنفس السياره صعدتهه يا محب
مسمعتله حس تجيت راسي عل جامه ومحجيت وكل ماتنزل دمعه من عيني امسحهه
كلبي وجعني حيل واختنكت الهوا صار حسره عليه
مسحت دمعتي باوعت عل مرايه يسوق وعينه عليه
باوعت بعينه وبكلبي كتله ها محب ها
متشوقه اسمع الجذبه الجمعتكم هناك بنفس الفندق
وبهذا الوقت شيرين وام رفل يسولفن كل شويه موضوع
وكفن السيارات من قربنا ندخل للناصريه يسون هوسات ونجم بنصهم ويركصون محب هم وكف السياره ونزل جانت سيارة سيد علي قبلنه بسيارتين كبل راح علي
ابتسمت واني اباوع علي وديجهز جذبه بين علي التوتر حيل
رفل/شبيج هديه شو وضعج مو طبيعي
خوما بيج شي
