انتقام وقسوة محب
زينب العبودي
بابا انت خبله والله غبيه كتلج مااريد اثبت التهمه عليه تكلي بس كول هيج اكلج انت عقلج شافط ولي يلله طلعي من يمي
احمد
طلعي بابا يلله طلعي ناقصج اني
ااانت شنووو فهمني شنو من بشررر
اني هيج يلله شتريدين
حسبي الله عليج الله ياخذ حقي منك والله
لزمني من ايدي وكلي يلله يلله مناقصني دوخه اني
وطلعني وطبك الباب
كمت ابجي بحركه الله ياخذك يا احمد الله ياخذك
اخذت غيارات الي لان مااعرف شوكت ارجع ونزلت حتى موبايلي يم ليث وليث جان مموجود ومااعرف من يعرف رحت شيسوي بس احتاريت اذا مااروح قاسم مخبل يسويهه
ام ليث/ميصير تروحون للزياره قبل الاربعين
ام قاسم /لا عادي ماكو مشكله دوم احنه نسوي هيج كلشي مصار
ام ليث/هاي حنين بس تبجي ابد متسكت ولا لحظه
ام قاسم/اي غير امهه اذا متبجي على امهه على منو تبجي يلله بنات
رحت ويه خاله اجرتلنه تكسي واني طول الطريق ميته خوف شراح يصير وشيسوي قاسم وشنو مصيري
معقوله يصدك بيه مظلومه
اكيد يصدكني لان يحبني هو يحبني وراح يتفهمني
وصلنه للفرع احس كلبي كام يوجعني حيل
والي زاد خوفي من شفت قاسم واكف بالباب واعصاب
وكفت السياره لزمت مينا
لتخافين نزلي
فتحت الباب واني زدت بالبجي من الخوف ودنكت راسي من نزلت عيني بالكاع مرفعتهه ابد
دخلت من يمه وكل جسمي يرجف
ام قاسم/قاسم على كيفك هسه نكعد وياهه ونفتهم
اني امشي واسمعهم
مااحس اله انطبك الباب حيل
درت وجهي رأساً علي ومن شفت الحديه الي بعينه رجعت كملت طريقي ودخلت للبيت
مجان احد موجود بس ام فلاح سلمت عليهه ماادري شلون
قاسم/صعدي فوك حنين
رأساً باوعت على خالتي
بسرعه
مااريد
تقرب من يمي بسرررعه اكلج
باوعت على مينا
ام فلاح/خيركم خوما صاير شي
ام قاسم/لا عمه ماكو شي بس حنين ضايع موبايلهه وقاسم عصبي علمود الصور الي بي
مينا/على كيفك قاسم
ااانت لتتدخلين ابد
صعدت بيأس كدامه وصعدت خاله ويايه
دخلني الغرفته الي هيه بالاصل جانت غرفة عمه رافد
طبك الباب حيل
ام قاسم/اهدء قاسم منويد فضيحه محد هنا يعرف خوش تريد تسوينه علج بالحلوك
يمه انت لتدخلين ابد
انجب ولك اسكت وكافي اني حاسبتهه
على شنووووووو على شنو حاسبتيهه
ولج اني تسوين بيه هيج
تخوووونيني اااااحجي
والله مظلومه
تقرب علين شلوووون مظلومه ولااااا مو بس هيج تذبيهه براسي يا عاااار
خفت حيل وخرت من يمه ورحت وره خاله صارت بيناتنه كام يصك بسنونه ويحجي
