والله مكاعد اصدك انت هديه منين ابديهه من مدة ايدج على فلوس اختج لو من جذبج عليه
هديه/ليش نسيت انت بيوم من الايام خليتني امد ايدي على ذهب شيرين وماادري ششتريت بذهبهه نسيت لو لا
بقه ساكت ويباوع عليه بغضب
صح كلامج كله صحيح
بقيت ساكته واباوع علي ودموعي تنزل واترقب ردة فعله
عافني وطلع وركع الباب حيل
كعدت عل جربايه ابجي بحركه دخلتلي ريام
شكو يمعوده
شهكت وكمت ابجي حيل
غير تحجين ""احجي شبيج شصاير
عوفيني ريام
خانج لكفتي ويه وحده احجي يمعوده
لا
لعد
اني غلطت هالمره غلط جبير ومو بس غلطه غلطتين
عزه بعينج شسويتي
حجيتلهه واني اشهك وابجي
عزززه بعينج هديه دكليهه لعد شلون تشربين مانع وليش وملكيتي غير محب تتحارشين بي ولج مو تعرفي
اسكتي ريام لتزوديهه عليه
وهاي اختج شكد نذله هيه هاي اختج ومتوبين منهه لج كم مره رادت تهجم بيتج ومتوبين منهه شكد حقيره شلون تكول ال محب هيج
خليت ايدي على وجهي وكمت ابجي بصوت عالي
هسه انت ليش هيج تبجين
لعددد شسووي احجي وابجي
والله تستاهلين
ولي """ولي ريام راح اطلع حركتي بيج والله
هو اخوج هم حقير اني علموده
ولج تبوكين علموده
ولي ريام عني لج ابنهه اكلج انت شبيج
زين هو محب مو عنده فلوسي ليش مياخذهن
شتعرفين محب انت هسه شسوي اني
اسكتي وسوي الامور طبيعيه بما انو هو سكت محجه
اي ولج مو مخلصت السالفه يعني هسه لو هو مصيح وطالع وحاجي الي بكلبه تبقه على المصالحه هسه هو كبل طلع
اي خل يهدء عوفي
بقيت كاعده بالغرفه ابجي وكل شويه تدخلي ريام وتلكاني ابجي وتكلي اسكتي واني ازيد بالبجي كلبي انعصر مقهوره حيل من الي سويته والقاهرني محب
طلع ومااتجرأ اخابره
صارت بالوحده بليل وهو ماكو رحن دخلت ال ريام للغرفه جانت تخابر كبل باوعتلي
ريام خابري محب شوفي وين
هسه اخابره اصبريلي
وكفت يم الباب واباوعلهه
ريام/بس اخابر محب لان تأخر وارجع اخابرك
بقيت واكفه انتظرهه دكت وكالت ميجاوب
اتصلي مره ثانيه
رجعت دكت وكالت هم ميجاوب
ماشي
طلعت من غرفتهه رحت خابرت نجم جاوبني
ها هدو
ها محب شوكت طلع من المحل
ليش
مو بعده مجاي ومكاعد يجاوب
اني طلعت قبله
ها يعني بقه بالمحل
ماادري
خوش
سديته منه ورجعت اتصلت بي ميجاوب بال٦مرات ماكو ظل بالي علي بهاللحظه دخلت ريام
