حنين/جنت طالعه من الجامعه اتصلت على ليث
ليث وينك
تأخرت عليج مو
كلش صار ساعه واكفه
ازدحام والله
كتلك خلي اسوي خط
ميت مره كتلج نفس طريق دوامي راح اوصلج ها أها
لمحت سيارته وكتله شفتك سد الخط شويه وطبك السياره اباوع بنيه كاعده بصفه بالصدر جنت مبتسمه بس من شفتهه اختفت الابتسامه انصدمت وتفاجئت
فتحت الباب الخلفي والف سؤال بعقلي منو هاي
كلت السلام عليكم
ليث/وعليكم السلام
اعرفج ايات زميلتي بالدوام
ايات حنين هاي حاجيلج عنهه بت عمي واختي بنفس الوقت
دارت عليه بابتسامه هلو عمري تشرفت بمعرفتج
اهلاً بيج اني هم تشرفت
بكلبي لا تشرفت ولا اريد اتشرف
باوعت البنيه من ذني الي ممحجبات ربع ردن جانت لابسه وشعر مفتوح والشفه منفوخه والخشم تجميل بس مو بنيه طركاعه على راسهه جنهه من ذني الممثلات
ليث/اليوم مدري شكو ازدحام
حنين/والجو تحسه مااعرف شلونه
ايات/اي والله صح خنكه كلش
حنين/بوجودج غير حجيتهه بكلبي واني اخذ حسره بكلبي
درت وجهي على الجامه وكمت اباوع منهه
وتذكرت حقارة احمد الي خسرتني ليث
يمكن لو ممتزوجني جان اني وليث هسه متزوجين
استرجعت ذكرياتي قبل 5سنوات
من بعد ماتقربلي احمد كرهت روحي دخلت للحمام ابجي واجلف بروحي بشاعته ووصاحته انطبعت على جسمي ميروحن ولا ينغسلن ابد شلون اكمل حياتي ويا
وبكل صلافه ولا يمه بقه يتقربلي يوميه واني على نفس الوضع جماد ميتحرك ابد ومن يكمل اكوم اسبح بسرعه
لان اكره روحي بيومهه رجعت نمت عل جربايه ودرت وجهي عنه وابجي
صعب تحس نفسك فريسه الشهوات انسان حقير
راح ترتاحين مني لتخافين
بس الموت يريحني منك
ليش متتقبليني
لان اكرهك تعرف شنو اكرهك اقرف منك
كتلج حاولي
حاولت مو بيدي اكرهك من ايدك تلمس اي شي بجسمي
كمت من يمه متحملت طلعت صار بوجهي ليث كاعد يطلع من جنطته اغراض باوع عليه واني اباوع علي وابجي كام
شسوالج احمد
مكاعد اطيقه اكرهه كله بسببك انت
كل الي اعيشه بسببك والله
مكدرت انقبل احمد لان كل ما يكلي احمد تخايليني شخص زين وتخايلي روحج تحبيني متكرهيني اتخايل ليث جتى مو قاسم ليث
هذا الشي تعبني وأذاني وصار سبب غير ذاك السبب اتقبل احمد
شسويتلج اني
كلشي مسويت دخلت ال مينا جانت نايمه دخست روحي يمهه بالجربايه فزت عليه
شبيج حبيبتي
شبكيني حيل مينا تعبانه وخايفه وكارهه روحي
ليش
كاره نفسي احس نفسي وصخه
لان يتقربلج احمد
مااكدر اكلهه لان يتقربلي ولان احس نفسي افكر بأخو
هو السبب ليث خلاني اشوفه الامان الوحيد الألي
خلاني اتعود علي بحيث باليوم الي جان ميدز رساله احس نفسي مضيعه شي
