قسوة محب 3
زينب العبودي♥️😍✍🏻
كلي لتاخذين كل الملابس بقيلي ذكرى منهه لان كلنه ننطي ملابسهه البنيه فقيره تريد تتزوج وماعدهه ثواب ال اديان جريت ملابس مسفطات جان عالي الكنتور وكعن ملابس ومن ضمنهن اوراق
دنكت عليهن تطشرن لان اني من سحبت الملابس حيل سحبتهن شلت كم وحده جانت وجه وكفه مكتوب بس متوقعتهه مذكراتهه لان جانت تقره للامتحانات قدمت بس ملحكت سوده عليه شلتهن صارت عيني على كلمة
مشتاقتله هواي ومااكدر اكرهه
فتحت الورقه لكيتهن مذكراتهه
رأساً بجيت
وسامر هم شال ورقه
سامر/من شفت الاوراق اول كلمه صارت كبالي تعبانه حيل ومكاعد اعرف منو منهم جان يحجي ويايه
هديه/لتقراهن سامر
انطينياهن هديه وسحبهن من ايدي
اذا كملتي الملابس طلعي
مااعرف شنو المكتوب بس خفت مااعرف ليش ماادري شكاتبه اديان ويجوز عتب وراح تخلي يحس بتأنيب الضمير لميت الملابس وبقيت كم غيار
كلبي عصرني اخ يا اديان معقوله رحتي
والله ابد مااستوعب
سامر/كعدت اقره كتاباتهه قريت اوجاعهه الي سببتهن الهه جنت مااعرف وين البدايه ووين النهايه لان الاوراق اكثر من ورقه ومن وكعت تخربطن جنت اقره منهار بداخلي ودموعي تنزل جنت اقراهن بصوتهه واتخايل حركاتهه ودموعهه
وصلت الورقه مكتوبه
فرحانه حيل فرحانه بالاغراض هواي كاعد ارسم بافكاري شلون اصمم البيت ويه الاغراض
معقوله راح يصيرلي بيت الطباخ جان كلش حلوه اتخايل روحي اطبخ بي الاشياء الي يحبهن سامر
احلى شي تكعد ببيت وويه الانسان الي تحبه
ممصدكه الدنيا ضحكتلي
سامر مااعرف ليش كاعد اكتب بس جنت عبالي مترجع
لذلك كلت خل اكتب شلون تعطبت وياك معبالي راح ترجع أأيست من رجوعك جنت احقد عليك مرات بس انوجع من احقد عليك وجنت من ادعي عليك بنفس الوقت اتراجع واخاف عليك اعرف انت متقبلتني لان انت راح تاخذ شهاده عاليه بس راح ادرس بس
خايفه خايفه هواي خاف ماانجح
كلبت الورقه متحملت ابد وابجي خليتهه بكلبي
احبج بدون شهاده ىالله
شلون اديان شلون راح اكمل حياتي من جديد
شلون فهميني حتى واحنه مو سوه جنت احس بحياتي متروسه بيج شلون هسه تعوفيني
حتى ملحكت اخليلنا اغنيه نسمعهه سوه وتصير خاصه بينا جنت عبالي اسمع اغاني الحب هسه خليتيني اسمع اغاني فراك ياريت لو ترجعين اليه
يا ريت لو يطلع حلم والله ماازعلج ابد واعوضج كل يوم نزلت بي دموعج
هديه/مرت الايام والشهور والكل محتار بهمومه
اديان سكنت الكبور وارتاحت من الضيم والقهر
ايهاب اسوء اسوء من ايهاب القديم جكاير ومحد يكدر يحجي ويا اهصاب نايم بالفراش تأنيب الضمير ميكدر يخلي يرتاح وصلت مرحله محب اخذه الدكتور نفساني كام ينطي علاج رخه اعصابه بالزايد ونايم اربعه وعشرين ساعه ميقبل يقتنع اديان منيتهه هو يكول اني دخلتهه الهذا البيت واني لو اكدر اتحرك جان مماتت موتتهه كباله ميكدر ينساهه ابد وهيه سبب انتكاسته
