حنين/ جنت نايمه بالطريق دخت من السياره فزيت مخروعه كلشي بلحظه وحده اختلف كمت مااحس بشي
بس عيوني مفتحه ووجهي لاطش بالجامه والجامه مفطره مااكدر اشوف منهه شي ومااكدر اتحرك ممستوعبه شديصير بقيت صافنه ومااسمع شي نهائي
كلبي دكاته صارت سريعه
تذكرت ليث جان يسوق واني نايمه وفزيت على صوت السياره من شحطت مااعرف شصار فززني صوت
ولكيت نفسي مكلوبه مااكدر اتحرك
حجيت بصوت مخنوك ليث —ليث -خفت نصه صوتي اكثر ليث فجأه حسيت بضجيج وناس تحجي واني بقيت مستمره ليث سمعني صوتك جنت مااكدر اشوفه لان وجهي عكس الاتجاه الي بي ومااكدر احرك راسي
ليث لتسويهه اموت والله
ليث —ليث
مااحس اله سحبوني مااعرف شلون كل بالي يم ليث اريد شي يبشرني مابي شي ماله حس
ليث -ليث عفيه
ليث احجيهه بصوت كوه يطلع وعيوني تتوسلهم زلم جانو هواي سيارات واكفه بقيت اباوع عل سياره جنت مااحس بوجع جسمي فجأه احس كلشي بجسمي يوجعني واحس شي ينزل على ركبتي ووجهي بي وجع مو طبيعي
وراهه ماادري شصار فتحت عيني السكف كبالي
درت وجهي لكيت نفسي بالردهه وكومه أسره وضجه وهوسه كمت اصيح بصوت كوه ينسمع
ليث -ليث
اريد بس واحد يطمني على ليث روحي رادت تطلع
تقربت عليه ممرضه
الممرضه/تسمعيني
ليث -فدوه ليث عايش لو لا فدوه كليلي
شكاعد تحسين
احس ريجي يابس حيل
ليث -ليث فدوه كليلي
شيصير منج
ابن عمي
زين - ضغطت بيدهه على ايدي
توجعت
كالت وهنا هم توجعت
تشوفين طبيعي
اشوف وكلشي مابيه بس كليلي وضع ليث فدوه
زهكتني اني راح اموت من الخوف على ليث وهيه تسألني رغم شكد جنت موجوعه بس كل بالي يم ليث
مو كتلج زززين ليش تلحين
شكد كرهتهه بهاي اللحظه وتمنيت امد اللساني عليهه بس المشكله صوتي كوه اطلعه وروحي يم ليث اخاف اجاوبهه ومتنطيني خبر عنه
خلتلي مغذي
كتلهه فدوه بس طمنيني عنه وين هو هسه والله راح اموت
وضعه الحد الان ممستقر انت جنتي لابسه حزام اظاهر لان مو كلش متأذيه بس هو متأذي لان ملابس حزام
مااتذكر اني جنت لابسه حزام امان
كمت ابجي وادعي ربي ميصير بي شي اموت اذا صار بي شي مااتحمل الحياة بدونه
الممرضه /مروه عينج عل مغذي خاف يكمل
جاوبتهه اي
بقيت ابجي ومحترك دمي وماكو احد يطمني علي
باوعت عل مغذي ردت اوخره واكوم مااكدر احرك ايدي الثانيه ابد من الوجع ولا اكدر ارفعهه نهائي زادت بجيتي راح اموت ياربي شلون بيه اريد بس اعرف خبر عنه
كمت ابجي بصوت عالي اجتني البنيه الي اسمهه مروه
شبيج شتحسين
اريد اعرف خبر عن ليث
زوجج هو اوف يا عيني
من كالتلي هيج كلبي كامريوجعني باوعت عليهع انتظر نطق شفتهه شبي
الله يعينج للأسف توفه
