صار الليل وجهزت نفسي مثل منفقت وياي ولبست من ذني الدشاديش القصيره كلش
الي جابهن الي ومكيجت واني افكر بيني وبين نفسي
معقوله هو هيج واذا مو هيج وتقربلي يعني شسوي اني
خفت حيل وكلت ولا اسوي الي كالته شبيه تخبلت
رأساً فتح الباب اني ارتبكت حيل ودنكت راسي ورجعت باوعت علي مبين مصدوم
هو رفع حاجبه وراهه دخل للغرفه راح للكنتور طلعله ملابس واني بقيت واكفه بمكاني مصطكه
رجع طلع للحمام
اخذت نفس""""اوووف ياربي شكاعد اسوي هسه شيكول عليه شحجي عليج يا ام قاسم
رحت دكيت عليهه بسرعه
الووووو
ايمان/ها ريوم
ريام/عمو فلاح يمج
ايمان/اي
ريام/سويت مثل مكلتيلي
ايمان/وبعدين
ريام/ولا يمه دخل للغرفه باوع عليه ودخل للحمام
ايمان/اي يعني زين الوضع
انطي خافض حراره
ريام/ال صلاح ليش هو مصخن
ايمان/ال ايمن يمعوده
ريام/ها قصدج تغيرين الموضوع يم شيخ فلاح مو
ايمان/اي عفيه """الحمدلله انت حاولي واذا مو زين ناخذه للمستشفى ال ايمن
ريام/لا عيني بطلت اخاف
ايمان/يلله تصبحين على خير
ريام/اجمعين
بقيت واكفه وافتر بالغرفه بقلق ردت ابجي اني شكاعد اسوي شعليه بي دخلت لفراشي توني كاعد اغطي روحي
دخل صلاح هم باوع عليه باستغراب
شعجب مفارشتلي فراش
نسيت
دار عليه ورفع حاجبه وكلي وين الفراش اني افر ش
صدك جنت ناسيه افرشله وملتهيه وخايفه من هاي السالفه
اني افرشلك
لا كليلي وين
اني افرشلك
بكيفج بس ستري روحج اول
باوعت علي احس البوخه طلعت من اذاني
يافضلة الفشله شحجي عليج يا ام قاسم
حتى دمعت عيني من الفشله تمنيت تطمني الكاع يمه گلبي اخخخخ يا گلبي شسويتي ولج شسمعج كلام ام قاسم
كبل غطيت راسي بالبطانيه ونفسي صار سريع
شو نمتي فراشي وين
بالكنتور
ياخانه
الي يم الميز
مكدرت انام بيومهه ابد استحيت وخجلت من روحي على موقفي كعدت لكيته طالع للدوام وحتى الوقت متأخر نزلت مختنگه وضايجه
كلت صباح الخير الوجوه ثكيله خالتي ام فلاح وسناء لان كاعده بالعشره
