مساء الخير
اعتذر عن التأخير واشكركم على تفهمكم
وهاي ٦٠٠٠كلمه تعويض الكم مع السحكات اكيد لان ماعندي مجال للمراجعه 😊 قراءه ممتعه
انتقام وقسوة محب
بقلمي زينب العبودي
صلاح/نوصل الحل نهائي
ومن نطلع من هذا الباب يأما نبدي من جديد او ينتهي كلشي
باعت علي غمضت عيني مجاهزه الهذا الشي ابداً
لان مااعرف مشاعري شنو
دخلي ريام وعافني وكعد على الكرسي جانن بالغرفه كراسي اثنين وبنصهن طبله
بقيت واكفه اباوع علي ومتخاوفه من الحديث الي راح يصير
لتخافين تعالي كعدي بس مجرد نحجي مااتجاوز اي حد
مشيت خطوات جانت ثكيله لان عينه عليه من امشي كعدت كباله عل جربايه صار صمت شويه وراهه
كال
ريام عاجبج الوضع الي احنه بي
شبي
والله شبي شكاعد تشوفين الوضع طبيعي
سكتت
متمجاوبين اني تعبت بالنسبه الي من هذا الوضع
اريد ارسى على بر
واني شنو
ااانت شنووو لا والله جديات عوفي هاي السالفه مو وكت عنادج اني اريد اعرف مشاعرج
اي مشاعر صلاح اني عن نفسي احب وسكتت
تعرف احب منو وانت بالنسبه الي مااكدر اكمل حياتي وياك
متأكده ومصره يعني
اني وياج هواي انهانيت ورغم الاهانه كلت خل اكعد اخر كعده وياج بس اظاهر انت قافله على الوضع ومتنطين اي مجال
سكتت وهو سكت بقينه بالدقايق ساكتين
كومي يلله اظاهر هيج بلا فائده قطعت هاي المسافه
هو احنه شحجينه
انت خصمتي كل الحجي بكلمتين حجيتيهن
اني راح احجي الي جنت مقرر احجي
شوفي ريام اجيت واني احظر للكلام وياج تدرين ليش
اجهز كلام وياج لان انت ارتكابيه يعني الي احجي تخلين عقلج هو يستنتجه مثل ميريد
اني مو هيج
لا هيج انت اني كل غايتي اريد ابقه محافظ على عائلة حسام مااريد ايمن يتربى بدونج او بدون عمامه
صارت ظروف هواي اضطريت اتزوجج ومجنت راغب بهذا الشي لان صعب عليه المس مرت اخوي
وحسام بالذات جانت علاقتي بي دون اخواني قريبه
تزوجنه وصارت بينه صادقه وعلاقه اخويه
انتبهي اخويه الدرجة خليتج تتطلعين على اشياء خاصه بيه هسه كلبت عكسيه ويانه
صار الي صار وتزوجنه واتفقنه وبسببج لتنسين مو بسببي صار الي صار بيناتنه
وراهه من بعد متقربتلج هذا هو انتهت ذيج علاقتنا القديمه مكدرنه نرجع اخوان واصدقاء ساءت العلاقه ميفيد منكدر بعد نخلي علاقتنه عاديه
كتلج بنت الحلال نكون عائله انت قافله
ومو بس هيج امنت بالله ابقي تلى قفلتج لانرحمين ولا تخلين رحمة الله تنزل
اني جبتج هنا كلت اغلط روحي يجوز انت بسبب الغرفه
هيج وضعج واول مدخلنه هم قفلتيهه بوجهي
بقيت اباوع علي كتله انت جايبني هنا حتى تهجم عليه بكلامك لو نتفاهم
اني مهاجم عليج اني كاعد احجي طبيعي الي كاعد يصير
