قبل كلشي 🐵🐵🐵
ليش متصوتون وتتفاعلون
يلله صوتو وتفاعلو حتى تسوولي واهس واشبعكم مفاجئات واليوم مفاجئه بالمناسبه لان مفروض ريست ولتكولون ليش ريست لان مهم الي 🙈♥️
💧💧انتقام وقسوة محب 💧💧
💦💦بقلمي زينب العبودي 💦💦
يقول جبران خليل جبران
لو تمكنت من رؤية قلوب البشر
لرأيت في كل قلب (قصة وجع)
فلنرحم بعضنا بعضاً لعل الله يرحمنا
هديه/تمددت يم محب الى ان غفينه فزيت بال٧الصبح
مااعرف ليش مفتقده امير يكعدني يوميه نومتي بليل
متكطمه لو صدره لو يبجي لو مصخن ومينام
كبل كمت رحت الكركوته
شلته
حبيبي روح الـ ماما
كمت اتلمس بوجهه واكرص بي
امووري يروحي شنو اليوم قصتك
حسيت گلبي نغزني
اميررررر
امووووري
اميررررر ر
احس صوتي انبلع والرجفه تملكتني
خليت اذني على گلبه ماكو اي نفس
رجليه احسهن ميشيلني بقيت اباوع لا صوتي اليطلع ولا روحي التطلع حصرتني الخنگه ولساني ثكل
أأ......أبني صرخت ماادري شلون طلعت هالكلمه
اااااابني مااااااااااات محب
كام مخروع محب حضنته الابني وضميته بصدري
ومحب لزم ايدي يريد يشوف ويفهم الوضع
محب/ شكوو ....شكوو هديه
واني حاضنته كل قوتي وابجي
راااح ""راح ابناااااااا محب
اجتي ريام تركض على اصواتنه ومحب اخذه من ايدي جره جر مني خله راسه على گلبه يريد يسمع صوته
كام ميعرف يتصرف لو شيسوي
محب/مابي شي ""مابي شي
وين غطا انطيني غطا بسرعه خل اخذه للمستشفى
ا
بتوتر انطته ريام البطانيه مالته وغطا بيهه وطلع واني ورا واني اطلع انطتني الجبه ريام لبستهه ماادري شلون حتى ملبست حجاب لان محب طلع
طلعت اركض ورا يمشي سريع يريد يوصل للشارع العام
علمود التكسي واني بورا امشي
مات ""مو مات محب
لا ...اش لتحجين هيج ميموووت
ميموووت ودخل راسه للبطانيه يستمع الدگات گلبه بعدهن لو اختفن بس هنه اختفن مسمعتهن
يمشي وامشي ورا مثل المخابيل نعرف مات بس نجذب الحقيقه ملكينه سياره مشينه مشي او بالاحرى نركض
اني ويا الى ان محب وكف كبال سياره ووكفهه
طلع راسه الولد
خيركم
محب/ابني متخربط راح يموت
اباوع علي برجاء ودموعي تصب كللنه نصعد
محب لافه بالبطانيه وحاضنه بكل قوته ومبينه نظراته خوف
محب/استعجل خويه
الولد/خيره شبي ابنك
محب/ماادري ....ماادري شبي فجأه ماكو حسه اختفه
