اجاني محب هسه راح يجيب رقم الدكتوره صلاح
مااتحمل بعددد محب
لتخافين حبيبتي اني وياج
محب رأساً بجيت اخاف اني والله اخاف
حنين/توني كعدت بعد ما طلعت الزفه دخل صلاح
صلاح/ريام ،،،،ريام
باوع عليه وين ريام حنين مشفتيهه
حنين/لا والله
صعد بسرعه ورجع نزل
شوماكو فوك
حنين/خوما اكو شي
صلاح/هديه وضعهه تعب
حنين/صددددك وينهه يا الله ردت اطلع كلي
صلاح/وين يمعوده شباب بره
وين ريام اريد رقم الدكتوره
مينا/الدكتوره الي اني اراجعهه هم زينه
هاك رقمهه
حنين/انطته الرقم مينا وطلع ،،طلعت ورا لان بالي يم هديه ووكفت وره الباب اريد افتهم فتح الباب قاسم
قاسم/شعندج واكفه هنا
حنين/اريد اطمئن على هديه
قاسم/خابرو عل دكتوره
حنين/وشكالو
قاسم/راح ياخذوهه للمستشفى كبل
بهاللحظه طلعت مينا كالتل ها شصار كتلهه حياخذوهه
قاسم طلعني من يم الولد اريد اروح وياهه
مينا/يمعوده رياض خابرني وصل للفرع
حنين/يبو كلبي مينطيني والله
عفتهم ودخلت ،،،رحت الموبايلي جنت مخليته بالجنطه لكيت ليث داك عليه ٣مرات دكيت على هديه
مجاوبتني دخل صلاح
ريام منزلت
لا
عجيب جانت رفل تلعب وايمن يبجي ابو مدري شمسويله ومدخله رحت سكته
نزل صلاح،،ووووين ريام
والله ماادري
رفع موبايله ودك عليهه مبين
ريام/صعدت بالسياره ماعولتهم يطلعون قبل ليلكفني
شويه مشت السياره مسافه الهلاهل طرشتني والاغاني
وكلبي يوجعني من الخوف مخلالي غير هذا الحل
لان ميخليني اروح الاهلي واسوي حد السالفته مال سفر وكلبي بقه يم جهالي بس اذا اخذهم يرتاح
دك عليه خفت اكثر مجاوبت
رجع دك شغلته
بقه يدك عليه واخاف اجاوبه
حنين/خاف راحت بالزفه
صلاح/اي. راحت نسيت اني متفق وياهه تروح
بس دخت بهديه
حنين/باوعت علي صار اعصاب بين علي بس راد يلغمط السالفه علمود الي موجودين رحت للحمام دخلت دكيت عليهه جاوبتني
ريااااام وينج بس لا رحتي للزفه ولج
اي
عززززه بعينج مو كلتي صلاح مقبل شلون تروحين
ولا عايفه جهالج
شسوه كليلي
كال نسيت اتفقت وياهه تروح بس وجهه ابد ميطمن
ريام/واني احجي ويه حنين وصلتني رساله عل خط
وروح امي يا ريام ولا اعديهه الج هاي السالفه
ديلله حنين
امداج هسه شحيسوي بيج صلاح
خفت بالزايد منه وتندمت على هاي الخطوه
ماادري لو كايله ال محب احسن الي
دكيت على محب مجاوب رجعت دكيت على ايهاب وخليت ايدي على حلكي حتى محد يسمعني
جاوبني بسرعه اني اشوفه بالسياره كاعد
