ملاحظه/التأخير صار بسبب التحديث الجديد جان اكو خلل بحسابي
مااعرف شنو معنا التحديثات اليوميه
انتقام وقسوة محب
زينب العبودي
كملت
وين رايحه
غير نخطبلك
باوع عليه حسيت اكو كلام بحلكه يريد يحجي بس اكتفه بالنظر ودنك وكال اذا كملتي بيهه مجال اريد ابدل
راح اكمل
خوش
كعد عل جربايه طلعت شالي الف بي باوعت من المرايه شفته يباوع عليه نزلت عيني واستمريت بس حسيت توترت حيل سويته شلون ما جان وطلعت وعفته
اخذت حذائي بيدي وطلعت جان اسود هم وكعب عالي
نزلت وكلبي عاصرني حيل
ام فلاح/ها يمه وين راح تروحين
للخطوبه غير
وحده من الكاعدات يمهه
يمه هجم بيتج على هالبرود لو اني جان متت
ابنج ام فلاح شبي شو ورده شنو هالعفه
اااخ يا يمه ذكرتيني ببنيتي فرفح كلبهه من تزوج رجلهه ايام جنت من يمي من اشوفهه اموت قهر عليهه
وترني كلامهم هسه اني طبيعيه وكل شويه واحد يحجي كلمه تسم البدن
خاله مشفتي ايمن
لا يمه
يبووو وين اختفه
دورت علي بالبيت ماكو والبره مااكدر اطلع رحت الام قاسم الغرفتهه دكيت الباب كالت لحظه كاعد ابدل
الى ان كملت تبديل وطلعت
ريومه انت مخبله
عوفج مني بس تعالي طلعي حبابه شوفي ايمن بره
اي اكيد يم قاسم لو واحد من الولد اكلج سناء مأجتي
لا بعدهي
يااا هاي شبيهه تخبلت
عفتهه وكعدت ضجت من نظراتهم صعدت واني اصعد طلع صلاح من الغرفه لابس لبس رسمي يخبل علي وهو من النوع الي مهتم بحسمه معضل دنكت راسي وبقيت واكفه سويتله مجال ينزل نزل من يمي كفخني عطره راش الدنيا علي حسيتنه غربه بشكل مو طبيعي
حتى الكلمات العاديه كامت متطلع
صعدت دخلت للغرفه اختنكت حيل صعب صعب مكاعد اعرف شريد حيره بداخلي جزء يريده وجزء ينفره جزء جبير يريد يوفي ال حسام وجزء بسيط يكلي ابدي ويه صلاح وروحي تجاوبني تكلي انتهى خلص الوقت ضيعتي صلاح وعقلي يكلي شضيعتي هو انسان نسونجي
دمعت عيني متحملت ماابجي مو من شي محدد من التشتت الي اني بي كمت كبال المرايه عدلت روحي وبكل خطوه الكه العبره تخنكني طلعت من الغرفه انهزمت منهه تخنكني اكثر وتشتتني اكثر
صعدت فوك السطح اخذت نفس وتذكرت ايمن نسيت اتأكد يم الولد لو لا
نزلت بسرعه شفت قاسم ديدخل للغرفه
قاسم
ها ريوم شو مبدله
اروح
صدك تحجين كعدي لا اموتج انت مخبله اكلج بشغله تره مبين الانكسار عليج
عوفك مني ايمن بره يمكم
ايمن لا والله ماادري خاف يم صلاح اكيد يم صلاح
