ايشاني : كان هناك اصوات اتية من احد الغرف والتي كانت اشبه بالمعركة وعندما اقتربت من مصدر تلك الاصوات تفاجئت بما لم اكن اتوقعه ابدا ...
الجدة : ماذا ...
فلاش باك
بعد ان وصلنا جميعا الي القصر واتجهت الي غرفتي ، جلست افكر في كل ما حدث ووجدت انني لابد ان اتحدث مع شيفانش وبالفعل خرجت من غرفتي واتجهت اليه وان في الطريق انتبهت الي ان هناك اصوات تاتي من احدي الغرف وعندما اخذت من الاقتراب كانت الاصوات تزداد كما لوكانت مشادة او مجادلة وما ان اقتربت حتي تفاجأت بالاخوة الثلاثة يتجادلون ...
(الحوار سوف يكون بالعامية) ....
شيفانش : انا لحد دلوقتي مش قادر اصدق انكم اتحالفت مع جدتي ضدي ...
دروف : اومال كنت عايزنا نعمل ايه ...
غرام : شيفانش ، انت اكتر واحد فينا عارف جدتنا كويس وعارف انها لم تصمم علي حاجة ماحدش يقدر يقف في وشها ...
شيفانش : اه انا عارفها وزيما انا عارفها عارفكم انتم كمان كويس اوي وعارف ان لو الموضوع مش علي مزاجكم ماكانتش تقدر تجبركم انكم تمثلوا التمثيلية الخايبة دي ...
غرام : خايبة ...
شيفانش : ايوة خايبة وما تنكرش ...
دروف : طب انت ليه بتقول انها تمثيلية وخايبة ...
شيفانش : عشان انتوا اخواتي وهي جدتي وانا اكتر واحد حافظكم لما بتحطوا حاجة في دماغكم ازاي بتعرفوا توصلوا لاخرها ...
دروف : بص بقي من الاخر كدا ، اه احنا كنا بنمثل وكل اللي حصل دا كان خطة ...
شيفانش : خطة ... وايه الهدف منها ...
دروف : نوقعك طبعا ...
شيفانش : نعم ...
غرام : شيفانش اسمعني ... احنا لما وصلتلنا صورتك انت وايشاني اتجننا وكمان لما عرفنا انك اعلنت خطوبتك انت و ايشاني وحددت ميعاد الفرح بعد تلات شهور ... تقدر تقولي لو كنت مكاننا كنت هتعمل ايه ...
شيفانش : كنت هتكلم معاكم ... هسألكم ليه عملتم كدا مش اروح واخطط وادبر عشان توصلوا لنفس اللي كنتم هتوصلوله لو كنتم سألتوني ...
غرام : ولو كنا سألناك كنت هتجاوبنا ...
شيفانش : اكيد كنت هجاوبكم ...
غرام : شيفانش احنا مش عيال صغيرة قصادك عشان تضحك علينا ... انت عارف ومتاكد اننا لو كنا سألناك كنت هتهرب زي عوايدك ...
شيفانش : لا طبعا ...
غرام : متاكد ...
شيفانش : ايوة ...
دروف : ماشي ... ادينا اهو بنسألك ... ايشاني ...
شيفانش : اشمعني ...
