داخل غرفة العمليات
كانت تحاول جاهدتا ان تجري هذه الجراحة الا انه لم يتركها فكان كلما حاولت ان تضع المشرط علي جسده والا به يتحدث في اشياء ليس لها اي اهمية ولكنه كان دائم التصميم ان تتجاوب معه وجميع من معهم في غرفة العمليات يتمالك نفسه بقوة حتي لا ينفجروا في الضحك علي هذا الثنائي ...
وها هو للمرة التي لا تعرف عددها فقد سئمت من العد يثرثر في شيئا لا تعلمه ... لتفقد القدرة علي التحكم في اعصابها لتنفجر به صارختا ...
ايشاني : شيفانشششششششش ...
شيفانش "ببرود" : ايشو حياتي ، بتصوتي ليه ... وطي صوتك شوية يا حبيبتي ... احنا في اوضة العمليات ...
ايشاني : لا يا راجل ، تصدق ماكنتش اعرف ...
شيفانش : طب كويس ان انا موجود والا كان زمانك فاكرة نفسك واقفة في الشارع وعمالة تصوتي زي المجانين ...
ايشاني : عااااااااااااااااااا ... انت ... انت ...
شيفانش : عارف ... حبيبك طبعا ...
ايشاني : ااااااااااااااااااه ... يا رب الصبر من عندك ...
شيفانش : ايشو انتي اتحولتي والا ايه ...
ايشاني : انا فعلا هتحول لو ماسكتش ...
شيفانش : ايه دا هتتحولي ، طب هتتحولي وتبقي ايه ، كات ومان والا افروديت ...
لينفجر كل من بالغرفة في الضحك ...
ايشاني : شيفانششششششش ... ممكن تسكت بقي ...
شيفانش : ليه ... ها ... ليه ...
ايشاني : عشان انا عايزة اشتغل وانت عمال لوك لوك لوك ... حرام عليك ... انا بقالي نص ساعة مش عارفة اعملك العملية...
شيفانش : وهو انا ماسكك ... انا نايم قصادك اهو ومابعملش حاجة خالص ...
ايشاني : اااااه ... كل اللي بتعمله دا وبتقول مابتعملش حاجة ...
شيفانش : طب قوليلي كدا انا عملت ايه ...
ايشاني : عملت ايه ... "ونظرت لمن حولها" ... دا بيسالني عمل ايه ..."نظرت اليه" ... شيفانش ، انا من ساعة مادخلت وانت مابطلتش كلام ومش مخلي حد يشتغل ... انت فرحان بالسكينة اللي راشقة في جسمك دي ...
نظر الي من حوله ...
شيفانش : طب انا راضي ذمتكم ، انا اللي بتكلم يعني بستخدم لساني ، هي بقي مش عارفة تشوف شغلها تبقي دي مشكلة مين ... "ونظر اليها" ... مشكلتك انتي مش مشكلتي ...
ايشاني : لا يا شيخ ..."لتقلده" ... مشكلتك مش مشكلتي ... اذا كنت انت اساس المشكلة ...
شيفانش "باستغراب" : ليه بقي ...
ايشاني "بعصبية" : عشان انت كل ما بتتكلم بضطر ارد عليك وعشان ارد عليك لازم اكون مركزة في اللي انت بتقوله وعشان اكون مركزة معاك مش هعرف اركز في العملية اللي المفروض تكون خلصت من نص ساعة فاتت ...
شيفانش : طب انتي متعصبة ليه ... خلاص يا ايشو ، ركزي في العملية ومالكيش دعوة بيا ... ماشي ...
ادارت عيناها بقلة حيلة ...
ايشاني : اوك ... "ووجهت كلامها لراهيل" ... يلا نكمل ...
راهيل : بالتأكيد ...
ليبدءا في اجراء الجراحة ...
وعلي الرغم من احساسه بما يحدث والآلام التي بدأت تهاجمه الا انه لم يظهر ذلك ...
لاحظه واقترب منه ...
كاران : انت كويس ...
شيفانش "مغمضا عيناه" : ايوة ...
كاران : قولتلك لازم تتخدر بس انت رفضت ... وادي النتيجة ...
شيفانش : ما كنتش فاكر الموضوع هيكون فيه كل الوجع دا ...
كاران : طب انا ممكن ابنجك دلوقت لوحبيت ...
شيفانش : لا ...
كاران : لا ليه ... البنج هيريحك من الوجع اللي انت حاسه دا ...
شيفانش : وانا قولتلك اني مش هقبل بحاجة تخليها تبعد عن عيني ...
كاران : طب والعمل ...
شيفانش : ماعرفش ... شوفلك طريقة توقف الوجع دا غير البنج ...
صمت للحظات ...
كاران : ايه رائيك تحكيلي اول حاجة تفكر فيها ...
شيفانش : عايزني احكيلك حدوتة ...
كاران : لا ، انا قصدي تتكلم عشان تتوه تركيزك عن العملية وما تحسش باللي بيعملوه ...
شيفانش : ماشي ...
كاران : يلا بقي قولي ، ايه اول حاجة جت في دماغك ...
شيفانش "وعيناه عليها" : ايشو ...
ابتسم كاران وهو ينظر الي ايشاني التي كانت مندمجة فيما تفعله ...
كاران : هتحكيلي عنها ...
شيفانش : اه ...
كاران : طب هتقولي ايه عنها ...
شيفانش "مبتسما" : هقولك انها اول واحدة قدرت علي شيفانش سينغ اوبروي ...
كاران : واووووووو ...
شيفانش : ايوة ... اصلك انت ما تعرفش انا قبل ما اشوفها كنت ايه ...
كاران : كنت ايه ... كازانوفا ...
شيفانش "بسخرية" : اه كازانوفا بسمن غير ستات ...
كاران : ههههههه ... ازاي دا ...
شيفانش : عشان انا ما كنتش بكره حاجة في حياتي قد كرهي للستات وتقريبا ما كانش ليا اي علاقات ...
كاران : يعني ايه ماكانش ليك علاقات تقريبا ...
شيفانش : يعني كنت بس بستغل اي ست عشان مصلحتي وبعد ما تخلص المصلحة ...
كاران : ترميها ...
شيفانش : بالضبط ... كان عندي يقين اي ست هتقرب مني فقربها دا هيكون وراه سبب والسبب دا هو فلوسي وبس ...
كاران : طب وليه الفكرة دي ...
شيفانش : هتصدقني لما اقولك ان السبب الرئيسي وراء الفكرة دي هي امي ...
كاران "مصدوما" : انت بتتكلم جد ...
شيفانش : كنت عارف انك مش هتصدقني ... بس فعلا سبب عقدتي هي امي ... امي اللي استغلتني وانا طفل صغير عشان تاخد فلوس ابويا وبعد كدا قالت عليا اني ابن راجل تاني وان الراجل اللي انا شايل اسمه مايبقاش ابويا واستغلتني لتاني مرة برضو عشان تاخد فلوس جوزها التاني بعد ما مات ... ولما ابن جوزها ضحك عليا ورجع جزء من فلوس ابوه جريت علي جدتي واتنازلتلها عني ووافقت انها تختفي من حياتي عشان جدتي اشترطت عليها انها لو رجعت وظهرت تاني هتاخد كل فلوسها وفعلا بعدت وسابتني ... اختارت الفلوس ...
كاران : وانت كنت عارف كل دا ...
شيفانش : اه كنت عارف ...
كاران : وليه ماحاولتش تنسي ...
شيفانش : عشان كان لازم افضل فاكر ... فاكر خيانتها ...
كاران : خيانة ...
شيفانش : ايوة خيانة ... اوعي تكون فاكر ان الخيانة بس في الحب بين راجل وست ، لا الخيانة موجودة في حب الام لابنها او الابن لامه ... وامي خانتني وفضلت الفلوس عليا ... يبقي كان لازم افضل فاكر ...
كاران : وجدتك ...
شيفانش : جدتي اخدتني انا واخواتي وسافرنا ... ولما سافرنا لندن حاولت تعملي عملية عشان تمحيلي ذكرياتي ...
كاران : تمحي ذكرياتك ...
شيفانش "ضاحكا" : اه ، بس انا ايه بقي غفلتهم كلهم وهربت من المستشفي قبل ما يدخلوني اوضة العمليات ...
كاران : وبعدين ... ايه اللي حصل ...
شيفانش : اللي حصل انهم حطوا واحد تاني مطرحي وعملوله العملية ...
كاران : يا سلام ...
شيفانش : ايوة ... اصلك ما تعرفش جدتي كانت مكهرباهم ازاي ، دي كانت ممكن تقفلهم المستشفي لو قالولها الحقيقة ...
كاران : وبعدين ...
كان سيكمل الا انه انتبه ...
شيفانش : هو انا ليه مابقاتش حاسس بحاجة ...
ليجدها تهمس باذنه بعد ان جلست علي ركبتيها ...
ايشاني : عشان خلصنا يا حبيبي واديناك حقنة مسكنة عشان ما تحسش بالوجع ...
ادار وجهه اليه ليصبح وجهيهما ملتصقان ببعض ...
ليحدثها وشفاه تقريبا تتحرك علي شفاهها ...
شيفانش : مش عايزاني اتوجع ...
ايشاني : ايوة ...
شيفانش : ليه ...
ايشاني : عشان ما اتوجعش ...
شيفانش : وانا عمري ما هكون سبب لوجعك ...
ابتسمت ...
ايشاني : وعد ...
شيفانش : وعد ...
لتستعد للنهوض ... الا انه اوقفها وجذبها بقوة لتسقط عليه لتصبح في حضنه ...
ادار يده علي خصرها وجعلها تلتصق به اكثر ...
ايشاني : شيفانش ، ايه اللي انت عملته دا ...
شيفانش : عملت ايه ...
ايشاني "بخجل" : شيفانش ... احنا مش لوحدينا ...
شيفانش : عارف ... بس برضو مش قادر ابعد عنك ...
ايشاني : طب سيبني عشان يخرجوك علي الاوضة بتاعتك وبعدها نقعد ونتكلم ...
شيفانش : بس علي شرط ...
ايشاني : ايه هو ...
شيفانش : تفضلي معايا وماتسيبنيش لوحدي خالص ...
ايشاني "ضاحكتا" : وانا موافقة ...
شيفانش : يبقي يلا بينا علي الاوضة ...
وغمز لها ،،،،
ايشاني : شيفانششششششش ...
ليضحك الجميع علي هذا الثنائي الذي اجتمع في ظروف لم يكن ايا منهما يعلم انهما سيجتمعان لتتحول كراهيتهما الي حبا كبير ...
انتظروا النهاية ...
