بين الألف والكاف
الحلقه الرابعه عشر
.......................الكاتبة غفران الخفاجي ............
ايمن يكول ...
عمرج ليش يگضي وياي وتظلين مختنــگه
انتي سنينچ موردات وانه سنيني محترگه
دوريــــلچ حضــن دافــي
وشفه اترف من شفافي
ومن وداعي لاتبچين والله ارحـــملـچ الفرگه
حـــرام ايـظل شبابچ هاذ تـايه منتظر مرسى
عليج انقهر كلما اشوف وحده بعمرچ معرسه
چفچ حلقه يستاهل
يلوگ بحضنچ الجاهل
طفلچ لــو لـعـبتي وياه يبرد بروحچ الحرگة
غـــرگتـــيـني بالضحكات غرگتچ قهر ودموع
اريد بعرسچ اشعلچ بخور ومي ورد وشموع
زفــتچ انه اسويها
وايدچ بيده اخليها
روحي بحضنه لاتفكرين حضنچ مشتهي الشبگه
عوفـــينـــي بـــلايا اوداع لتــدنگيـن ابد راسچ
واختاري گلب غيري گلب يسـتاهل احـساسچ
ردي حچاية الكرهوچ
لتخجلين اذا سئلوچ
عرسي وشيلي راسچ فوگ المـن ضاله مدنگه
رحت كعدت يمها كملت التفتت عليه ها ماما خيرج
باوعتلها وعيوني مليانه دموع كتلها عمه أني موافقه
حجيت هيج وبجيت ابتسمت واجت حظنتني يمه الله يقدملج اللي بي الخير صدكيني كلش فرحتلج كون يطلع ابن حموله وخوش انسان يخاف الله بيج وبخواتج. .
عفتها ورحت بالغرفه ابجي واملخ بوجهي مااتخيل أني هيج صارت حياتي وراح أعيش وي وأحد غير ايمن
كعدت ايه باوعت عليه
-شبيج ياسه ليش تبجين
حظنتها وإني دموعي بعيني كتلها ماكو شي يا عمري اجه صوت ساره وهي تكوللها راح تصير عروس ياسه
رفعت راسي وإني متفاجئه شلون عرفت ساره اجت كعدت يمي ياسمين واالله حقج أخذه من شذى لو عمري يوم الأ اخليها متشوف الراحه بعينها. .
انجبي انتي معليج متدخلين علينا خلصانين منها وحتى انتي غيري رأيج وعوفي علي خايفه تسوي بيج مثلي يا اختي
يمعوده والله لو آخر يوم بعمري هم مااعوفه أني آريد اطلع كل شي من خشمهم وانتي تكليلي عوفي بعدين علي يا ياسمين أني احبه حجت هيج ودنكت
شغلتنا مو شغله انتقام مثل ما انتي تتوقعين وبس .
يمكن كثرة اهتمامه ييه وكل شي قدمه إليه بهاي الفتره تعودت عليه ومن ميجي أختنك بدونه واضوج
تدرين أني حتى صديقات بنات ما عندي هواي غير بس وحده وأكثر مشاكلي وأسراري هي يمه وبدون لا احم ولا دستور حبيته وشلون ماادري .
-لج يا بعد اختج اني اخاف عليج ساره الحب مو حلو اكو حب يصعدج فوك ويحطلج جناحات واكو يدمرج ويسود عيشتج مثل حالي هسه
-لتخافين عليه اني ابدا ماراح اصير مثلج .
حجت هيج وباستني وكامت يلا تعالي نتريك قبل الهجوم الي راح يصير علينا من روميو
أنت تقرأ
بين الألف والكاف (حب)
General Fictionفتاه أفنت حياتها تواجهه قسوة الحياة لحماية أختيها بلا تفكير لنفسها لكن مالذي ستواجهه؟؟!
