بين الألف والكاف (حب)

الحلقه 9

بين الألف والكاف. ..

الحلقه التاسعه

.................غفران إلخفاجي .......

رفعت عيني بعينه كتله والله مع كل الأسف عليك هاي هيج ركض صدكت جم جلمه أمك حطتهن براسك وما راح تصدكني لعد على شنو بعد نحجي منا ادير وجهي وارجع وخلف الله عليك من حجيت الصدك ..

درت وجهي جان يجر أيدي حييييل ولج بنت الكلب تلعبين من وره ظهري وتردين افزعلج مو رفع أيده وضربني ...

وي ضربته صرخ عمي ايمممممن. ..

التفتنا اثنينا عمي واكف يم الباب عكاله وعباته لازمها بيده وعيونه تجدح ناااار أني كبل دنكت ما حجيت شي دار وجهه عن أبوه ..

العم -هاي شلون تمد ايدك عليها هاااا منو انته ولي أمرها وتمد ايدك لو شفت البيت ما بي أحد وحلالك الجو جبااان

-يا بويه لتدخلون رحمه للحمزه لو تخافون عليها ما جان اجيتوا حجيتوا الأول والتالي وحركتوا كلبي خليني أني ائدبها هاي الناقصة هجم عليه

رحت يم عمي ركض ختلت يمه صرخ بي عمي أني مو دا احجي وياك انته شو استهترت كدامي تمد ايدك عليها  ..

وين أخلاقك وين تربيتي بيك بعدين انته مالك سلطه عليها وتأدبها سمعت لو لا ..
اني عمها وإني حاسبتها بوقتها وشغله ولت وراحت تنجب وتنلصم وكلام واحد مااسمع منك سمعت لو لا .

-شلون مالي علاقه هاي راح تصير مرررررتي ياااابه عرضي شرفي تطلعون عليها حجي وتالي اصير أني الغلطان

أني اعرف كلش زين ياسمين ما سوت هيج وهاي سوالف أمي بس آريد أريح نار كلبي منكم جزعتوني. .

-مالك مره يمي وانسى سالفه الزواج لا ياسمين مرتك ولا انته رجال الها..
اثنينكم متصلحون سويه وهذا الموضوع سدة واذا فتحته رأسك اكسره سمعت ..

-لا مو هي يكفيك شوكت متريد تعاي انتي إليه وشوكت متبطل روحي أنتي مو إليه ..
اجه يمي لزم أيدي حيل كله وكلام الله أني رايح أعقد عليها سيد هسه واللي يحط نفسه منكم اخذها وانهزم بيها وإكسر خشومكم كدام العرب ..

يجر بيه امشي وإني بس ابجي مااعرف شسوي يربي شنو هاي المصيبة شسويت بنفسي أني  .

اجه عمي صرخ عووووفها رفع أيده وضرب ايمن هو صار وجهه دممم كله ضربتني مو ..من هاي اللحظه اعتبر ما عندك ابن ورجلي بعد متعتب لهذا الباب .

وانتي أني الج اذا مااعلمج شلون تكسرين كلامي من ورأيه مااطلع ابن أبويه أني ..

عافنا وراح نزل وكعت بالكاع أني أيدي وكل جسمي يرجف نفسي كوه أجره من الخوف جان راح تصير مصيبه من ورأيه ابيش مطلوبه أني بله ..

عمي عافني وطلع نزل بقيت بالغرفه ابجي واندب حظي لا أكدر ارجع لبيتي ولا أكدر أبقى ساعة السودة اللي اجيت بيها  للدنيا ..