بين الألف والكاف (حب)

الحلقه 3

بين الألف والكاف.

الحلقه الثالثه

..............الكاتبة غفران الخفاجي ............

_
سافر بروحك لحد اخر بچي
و لم فشلتك حطها بالجنطة متاع ،
و امشي عنهم وين ما عد الله گاع 

ياسمين -كملت لبست عباتي وقفلت الباب وطلعت اول ما التفتت شفت رجال كاعد يم أيوته بمستواها يحجي وياها وهي دايره وجهه عنه صحت أيوته تعالي ..

التفت عليه اول ما شفته انصدمت معقوله السنين هيج تغير الأنسان ؟؟ معقوله هذا ايمن نفسه نظرته إليه بهذيج اللحظه جانت شي مينوصف مثل كأنه نظره عتب أو استغراب على حاله ياسمين اللي تبجي كأنه طفله مكبرة نفسها وتريد نشيل حمل ومسؤولية وهي مو كده ..

تمنيت لو الدقائق تسرع أكثر ولو أنه كان هذا شي اسمه حلم تمنيت لو الأرض تأخذني لمكان ثاني مااشوفه وما يرجع كلبي يدك من جديد ...

ايمن -لهاي الدرجه استغربتي من جيتي حتى ما كلتي شلونك
-ااا اي لااا مو هيج بس شويه استغربت صح وفكرتك واحد ثاني من رده فعل ايه لأن متعرفك

-صح ايه متعرفني يمكن بس انتي ! تعرفيني

-اي جنت جايه أشوفك هسه واطمن عليك الحمد لله على سلامتك خويه شلونك أن شاء الله تكون بخير ..

-تقرب مني خطوتين وابتسم ونزل رأسه وكلي الحمد لله يا اختي اجيت اطمن عليج واكلج البقيه بحياتج

-حياتك الباقية ايمن تسلم يبن عمي  .
صفنت شويه عليه هو ساكت ميحجي شي كتله اي تفضل ما معقوله تظل واكف بالباب ..

-لا بغير وقت خاف تصير زحمه عليج
-وين الزحمة تعال تفضل انته ابن عمي مو غريب

-نزل يم أيوته جان يكلها شتكولين ادخل لو لا

ايه - لا لتطب آريد اروح لثاره اوديلها لفه جوعانه

ياسمين -ولج ايه شنو هذا الحجي عيب احجي واخزر بيها

-له له له انعل أبو الجوع تعاي تجين وياي نودي اللفه أني وياج
ايه -لا اني مااعرفك أريد اروح ويه ياسه

-ياااااااسه آه رفع رأسه عليه وهو يباوع عليه وإني مدنكه جان يكلها هذا الاسم مالتي ليش تبوكي الياسه ياستي محد يكدر يأخذها حتى انتي  

-رفعت وجهي عليه وعيوني انترست دمع وكلبي يريد يطلع من صدري معقوله لسه ما نسيت معقوله لسه تتذكر كل لحظه مرت ..

بس. . انته  متوهم أني مو ياستك أني هسه وحده ثانيه كبرها القدر والأيام ..

-هاا ياسمين وين صفنتي راح أخذ ايه وياي قنعتها للمدرسه واجي ..
-خاف تصير زحمه عليك يخويه
-جان يحجي بنبرة قويه لا متصير يا اختي حجاها وهو يباوعلي بطرف عينه أخذ ايه وراحوا. .