بين الألف والكاف (حب)

الحلقه 15

بين الألف والكاف

الحلقه الخامسه عشر

.......................الكاتبة غفران الخفاجي. .............

أما بعد .. كيف حالُك اليوم ؟
تعرفُ أنني لا أُريد منكَ
سوى أن تكون بخير ..
وأعرف أنك إن قرأت رسالتي
هذه ستعرف أنّك المقصود
بدون كتابة إسمك حتى ..
تعرف جيداً أنني لم أكتب
أحداً كما كتبتُك ..
لكنني أكتُب ،
لكي أتنفس قليلاً فقط ،
هل تعرف أن قلبي يختنق
مِن الفقد أحياناً ..
وأن ساعات الليل تكون طويلة
ومؤذية في مُعظم الوقت ....

طلعت اختي طلعت وراها صاح ورأي انتي اوكفي شكد عمرج انتي باوعت مستغربة ومرتبكه على علي دنك بالكاع ..

ليش تسأل عمو على عمري شني هم تريد تزوجني

جاوبي بدون لغوه زايده شكد عمرج صار

18 سنه عمي

هاا دنك بالكاع وفرك لحيته وكال لابنه يلا امشي راحوا وإني رجعت  يم عمتي عمه متدرين ليش سأل عليه

يمه شمدريني متشوفي شلون يحجي وياي ما جان اخويه هيج أبد تعظ بيدها وتصيح اخخخ كله من الحيه غيرت اخويه عليه ..

هزيت راسي وكمت شريد اسوي وشنو بيدي اصلا تعودنا على هاي السوالف يوميه واحد هاد علينا ..

مرت الأيام والبيت لازم وضع الهدوء وكل شي منكدر نسوي عمتي وصلت خبر لصهيب حتى يطلك ياسمين ومنعرف لسه شنو راح يصير...

ياسمين رجعت مخلصة وكتها كله بالخياط تطب النسوان وتطلع عليها صارت المنطقة كلها تخيط يمها بس هم ما خلصت من الحجي ليش لسه ما تزوجتي ؟ ومنو هذا اللي يجي عليكم يوميه ومدري شنو يحركن بكلبها يوميه ويرحن

الصبح كاعده انظف البره وشايله هدومي وياسمين جانت بالمطبخ اندكت الباب  .
نزلت دشداشتي على رجلي وجريت من الحبل شال لبسته وطلعت فتحت الباب صار بوجهي صهيب عرفته على نياتي لأن طافيه الكهرباء بوجهه ...

أهلا وسهلا خير شرايد

هلا بيج ارد أشوف ياسمين صيحيها

عوجت حلكي وطبيت صحت ياسمين اول ما سمعت دنكت رأسها راحت كالت لعمتي واجت هي تحاجي

خير يمه شتريد من البنيه

يا بنيه هاي عمي هاي مرتي وارد اشوفها ارد أشوف شلون دازتلي خبر بيد الولد تعال طلك ارد أشوف ليش اطلك أني قصرت وياها بشي يحجي ويدك ع الباب حسيتها تريد تنكسر .

لا مو هيج أني اللي دزيتلك خبر مو هيه البنيه متريد تزوج والأفضل تفصخ الخطوبة من هسه قبل لا تصير مشاكل

هههههههههههههههاااااي والله ضحكتيني يابه شني هي بكيفكم اتزوج وبكيفكم اطلك هاي مرتي ومراح اطلكها إلا بمزاجي أني سمعتي لو لا  حجية إلا بمزاجي أني  .
استفزني كلش بطريقه كلامه يحجي عبالك يهدد ما كدرت الزم لساني وكتله انته شنو جاي تهددنا لو شنو ..