بين الألف والكاف (حب)

الحلقه 5

بين الألف والكاف (حب)..

الحلقه الخامسه

.......................الكاتبة غفران الخفاجي ............

شطين ياخذنه الندم
ونضل عطاشه أبابكم

جبنه الفرات بـهيبته
وماطفه حر صوابكم

جا ليش ..
خاويـتو الجفه
وگلوبنه محمله وفه
لافض جرحنه ولا شفه
ولا بخت عدنـه وجابكم

حسبالنه ..
الشايل تعب
بأجر تشيله أولايتـه

ماندري ..
ابو كلب الصدك
لو طاح تخلص عازتـه

سولتنه ..
تبدي من الكلب
واليل چتال الغرب
كل ساعه يلچمنه الدرب

ونطيح طيحة خايفه

صلفه ..
اليالي أبلا صبح
وشينومه البـجرحه ملح
وچماله لو حن الجرح

يرجع الـ الأول سالفه

بغياب
عطر أچفوفكم
ماضحك سن بـيبانـه

نصرخ
وأسمكم لو رجع
نشبگ صدى حيطانـه

-أهلا وسهلا باجي تفضلي نورتي

-لا هلا ولا مرحبا بيج أني مااخلص منج بنت الفكر مجلبات بولدي عفتن علي أنوب ايمن لعبتي بعقله تردي يتزوجج والله لو تموتين وعلى جنازتي ..

-سويت نفسي مااعرف شي وحجيت باستغراب ، يتزوجني. .؟!!!!...

-اي مسويه نفسج فقيرة مو ومتدرين ليش منو مجلب بي تعال تزوجتي هاا
منو اللي مخلي يوميه يطب ويطلع عليج الله اليعلم شنو من بنات انتن هم بنات الليل مو مثلجن

-خايبه لهنا واسكتي دير بالج تكربين يم سمعتنا احنا اشرف من الشرف وأشرف منج بعد سمعتي يمرة عمي أن جان احترمتج لأنج مره جبيره حسبه امي الله يرحمها بس مال توصل وياج تندكين بيه بسمعتي وهنا أبيتي لا والله اطلع بنت شوارع صدك واشوفج لساني شلون زفر

-ولج اني هيج تحجين وياي والله لسود ايامج أني ما عودت أخلص من امج تجيني انتي نسخه منها تردين تكابلين خلفتي وتأخذين ابني هه ولج وينج وين ابني دير بالج تباوعين ليفوك لا ركبتج تنكسر. .

-ما تنكسر ركبتي لاني مااباوع ليفوك بس من آريد احجي وي ربي ..خايبه جايه تهدديني لهاي الدرجه صايره انتي ضعيفه ومو كادره تلزمين ابنج 😂😂 والله خطيه أنتي باجي يعني اذا ابنج يحبني أني شسويله اطرده مثلا !!

-ولج أنتي أكبر ساقطة جايه تضحكين كبالي ولج ابني تقشمر بيج والا أني محظرتله مره تسوه راسج

-احترمي نفسج انة محد يسوه راسي ولا حتى انتوا ع الأقل مااكلت حرام ولا أكلت ورث غيري ولا فرقت بين الأخوة ولا اتهمت الناس بشرفها ولا اشتغلت وي الحزبية على مود الفلوس والجاهه
اذا آريد اطلع تاريخ أحد ماني خايفه ولج صح أني صغيره بس عندي عقل ما ينسى يمره عمي احسنلج ترحين وبعد لتجين هنا ولا تصغرين نفسج أكثر من هيج لأن بنت راضي ما راح تكلبكم بيوم من الأيام ..