بين الألف والكاف (حب)

الحلقه 20

بين الألف والكاف

الحلقه العشرون. ..

...................الكاتبة غفران الخفاجي. ............

گلولهم
ابيوم المشو .
من عندي احس مدري_اشخذو
يمكن فرحتي_بجيبهم

رجعة للبيت وشمرت نفسي ع الجربايه وابجي ليش هيج حظي ليش الدنيا عوجه وياي بشنو قصرت وي أحد حتى الله يحرمني من كلمه ماما 
معقوله عندي ذنوب هواي كاعد اتعذب بسببها ابجي واركع راسي بالجربايه وايمن يلزم بيه يمعوده شبيج تخبلتي صدك تحجين انتي انعل أبو الجهال أني عندي  انتي بالدنيا تسوين كل شي وتسوين الدنيا عندي ..
ولج بس شوفتج بوجهي ياسمين هي فرحتي بالدنيا كلها كومي يا عمري ..
كمت ابجي زايد اني شنو ذنبي آريد اصير أم أريد اسمع كلمة ماما ايمن حطيت راسي بصدره وابجي سمعت ساره وعلي يدكون بالباب ياسمين عمري خو ماكو شي أكدر ادخل .

ابتعد ايمن عني وكلهم ادخلوا شافتني ابجي والكحل نازل على عيوني وحالتي حاله تخبلت شبيها ..
كللها ايمن مابيها شي بس الدكتور كللها بسبب وضعها الصحي هسه متكدر تحبل ويصير عدها جهال لأن كلبها ضعيف ومتتحمل اي جهد لو تعب هي تخبلت شلون مااصير أم بعد ..

اباوع على ساره العيون صارت دم مباشرة اجت يمي حظنتني وتبجي ولج ياسه أني بنتج شنو نسيتي شلون ربيتيني أني وايه احنه بناتج واحنه اللي نصيحلج ماما وهذا ابني حسام هو ابنج ليش تقهرين بنفسج هيج يا عمري اخيتي   .
علي اجه يمي صدك جذب يمعوده عمي احنه كلما ولدج. .
رفعت راسي كتله يعني معقوله أني بعينكم هيج عجوز حتى انتوا ولدي
ضحكوا كلهم هههههههه لا بس غير انتي املخه نفسج على مود كلمه ماما تعاي شوفي ساره اذا يبجي حسام تشيله وتشمره عليه الله وكيلج المفروض انتي تصيرين أم بدالها. .

ها أنوب كلبت عليه مو ابنك هو قابل بس ابني وبعدين أني من الدراسه تعبانه تحملني هاي الفتره ...

لا والله لا فتره ولا امتحانات انتي من يوم يومج هيج تعلميني بيج خاتون ..
صاح ايمن كوموا طلعوا بره مو أنوب تتعاركون كبالها البنيه تعبانه كوموا خلي ترتاح ...
صاحت شذى ها هي هاي مرتك ما راح تخلف مو مو ادري الله راح يجازيك لأن كسرت مرتك من وراها خلي تفيدك هاي ألبومه باوع على خلقتها لا طفل ولا شي  .

يمه ماكو داعي للسم مالتج هسه أني ياسمين عندي تغنيني عن جهال الدنيا كلها أهم شي اني ربحت بيها وماريد شي من الدنيا بعد. .
هو انته بيك حظ اهمداك ظل مكابل هاي العاكر طول عمرك ...
بجيت أكثر من كلامها حسيت صدك أني ضعيفه حسيت الدنيا خلتني علج بحلك هاي الحقيره اللي ماراح تجوز مني ابد ..
عاد ساره ما سكتت كلتلها هي الدنيا متنصف واحد عمه مو كل اللي صارت أم معناها بيهة حظ أبسط مثال انتي عندج ولد منكده عليهم عيشتهم بينما اختي أمنا وربتنا احسن تربيه من غير متخلف. .
خزرها علي ما دارتله دفعتها وطلعت من الغرفه مرات اختي احسها سند إليه ومرات اخاف عليها من الذنوب االي كاعد تسويها آخر شي حسيت شذى تستاهل كل هذا الي صار بيها ...
كتله ايمن اطلع آريد أبقى وحدي باسني من راسي كال رايح عمري ارتاحي انتي وأي شي تحتاجي أني بره ..
سديت الباب وكعدت ابجي والغرفة ظلمتها كلبي محروك ..
حسيت اندفعت الباب صحت ساره طلعي اريد أبقى وحدي حبابه. .
ما سمعت صوت باوعت وحده قزمه عرفت هاي ايه ..
كمت علكت الضوه نزلت لمستواها عيونها مدمعه ها أيوته ليش تبجين .
ليش تكولين ماعندي طفل وإني مو بنتج
يا بعد عمري فدوه حظنتها كتلها اي والله هو انتي بنتي مو اختي أني اللي ربيتج مهما صار بالدنيا تذكري امج نوريه واللي ربتج ياسمين اريدج تشيلين اسمي وتذكريني دوم ماشي  ماما ..