#لعنه_الماضى
الفصل الخامس عشر
دخلت "ميرنا" الى الشركه . .نهضت "سها "لترحب بها قائله
- أهلا وسهلا يافندم... نورتى الشركه
قالت فى تكبر
- "يوسف" جوه ؟ .. فيه حد معاه ؟
أجابت" سها" قائله
- ايوه عنده اجتماع مع المهندسه" هنا"
-" هناا".. ااه ..طيب
دفعت الباب فجأه ..لتجد "يوسف" و "هنا" يتحدثان ويبدو عليهم السعاده
قالت فى خبث
-سورى مكنتش اعرف انك معاك حد ..
-تعالى يا" ميرنا"
نظرت لها" هنا" بحنق وتذكرت مافعلته بها المره الماضيه
- دى" هنا" اظن شوفتيها قبل كده
قالت فى مكر وهى تنظر اليها
- ااه طبعا ..وانا اقدر انساها ..اهلا يا "هنا" ..باين عليكى شاطره اوى
أجابت "هنا" كأنها تبصق الكلمه
- أهلا بيكى ..متشكره
فى حين تجاهلت "ميرنا" نظراتها وهى تقول ل"يوسف"
- كنت عايزاك فى حاجه مهمه بخصوص" آدم"
- خير فيه ايه
قالت
- لا مينفعش ..لازم اقولك واحنا لوحدنا
شعرت" هنا" بالاحراج وقالت
- طيب انا خلصت شغل ..هسيبكم تتكلموا
أحس يوسف بإحراجها فقال بمسانده
-استنى يا" هنا" ...مفيش اسرار عليكى ..و"ميرنا" عارفه كويسه انك هتبقى مراتى
-ااه .. طبعا..انا بس مش عايزه اشغل بالها بحاجه وهى عروسه
- مفيش مشكله يا "يوسف "ونظرت الى "ميرنا" بتحدى قائله
- انا ورايا حاجات كتير ف البيت لازم اعملها علشان ميعادنا بكره
تركتهم وخرجت وهى تغلى من الغيره
......................
فى الداخل
- مش عاجبانى الطريقه اللى بتتكلمى بيها مع" هنا" دى
- انا مقولتش حاجه يا يوسف ..انا كان ممكن اتكلم قدامها بس انت اللى كنت هتزعل وقتها
مش فاهم يا" ميرنا" ..كفايه ألغاز واتكلمى على طول
إنت تعرف" هنا" دى كويس ؟!
- ايه السؤال ده ..اكيد أعرفها كويس
ضحكت "ميرنا" بسخريه وهى تقول
تعرف عنها ايه ؟
قال فى تحدى
-أعرف انها انسانه ملتزمه ملهاش فى الحفلات والسهر ومش مغروره ولا كل همها الفلوس زيك ..وده كفايه عندى
- واضح ان هى عرفت تضحك عليك كويس .. واتخدعت فيها
وقف يوسف فى عصبيه وأشار اليها بيده وهو يقول
- انتى اتجننتى ؟!! .. ازاى ...
قاطعته وهى تقول
- استنى بس قبل ما تتعصب عليا ..انت تعرف حاجه عن ماضى" هنا" دى ..تعرف أصلها ايه ..أهلها مين
- ايوه طبعا أعرف أهلها ..حضرت عزاء والدها وقابلت والدتها اكتر من مره
فجرت" ميرنا" قنبلتها قائله
- قصدك والدتها بالتبنى ..
جلس يوسف فى مقعده والكلمه تترد فى رأسه
- بالتبنى ..بالتبنى ازاى؟!
- "هنا " مش بنتهم ..دى مجرد طفله جابوها من دار ايتام علشان كانوا مبيخلفوش...
وقالت بنبره خاصه وهى تبث سمومها
-طفله لقيطه .. عارف يعنى ايه لقيطه ؟!!.. يعنى جت فى الحرام ..وأمها اتخلصت منها
ورميتها قدام دار الايتام .. هى دى بقى اللى عايزها تربى ابنك؟!!...
قال فى تشكك
- إنتى عرفتى الكلام ده ازاى؟؟
أكملت بث سمومها وهى تقول
- اما طنط قالتلى انك هتتجوزها ..بصراحه غيرت شويه ..لكن قولت انه من حقك
طالما انا معرفتش اخليك سعيد معايا ...
لكن من جوايا خوفت على "ادم" زى أى أم ..قولت أسال عليها واما سألت عرفت كل حاجه ..
أنا طبعا مش قصدى أبوظلك الجوازه ..انت حر فى نفسك لو عايز تكمل معاها بعد اللى سمعته ده..
لكن" آدم" انا مش هتطمن عليه بعد اللى عرفته.. مش بيقولوا" العرق دساس " ..
وأنا مش هقبل ان واحده لقيطه هى اللى تربيه ...وامه بنت الحسب والنسب اللى يشرف بعيده عنه ..
وقتها يبقى من حقى أخده..فكر فى كلامى كويس قبل ما تورط نفسك ..
آاه.. ده عنوان دار الايتام لو عايز تتأكد من كلامى ..باي يا "يوسف"
.........................
أنت تقرأ
لعنة الماضي بقلم /مي محمد (مكتمله)
Romanceتحت ستار الظلام ترددت أنفاسه العاليه وسط السكون أخذ ينظر خلفه وهومستمر فى الجري حتى وصل الى مبنى من عده طوابق يحيط به سور ضخم... نظر الى الرضيعه بين يديه وقال فى ندم _"سامحينى..مش هقدر أخدك معايا ولا هقدر أحميكى منهم..ده أحسن مكان ليكى.. هنا هتك...
