قراءة موفقة😊
.
.
.
.
خليل بصياح:كااااافي مليت منج و من سوالفج التعبانة كاااافي...كسر المزهرية
جنى مكاعدة اكدر اسيطر عل دموعي:انت سبب هاي المشاكل كلها مو اني
خليل بصياح: هسه صرت اني سبب المشاكل...فوك هذا كلة رحتي لاخوج جواد حتى تحجون علية براحتكم مووو والله انتي فد وحدة ملعبة مشايف مثلج
جنى انهرت من سمعت الحجي الي كالة: كافي عاد كااااافي تعبت منك ومن سوالفك تشرب كلنه هسه يبطل و يتوب تحجي وية بنات عل الفيس كلت ميخالف مشيها هاي المرة بعد ميعيدها ترجع للبيت سكران مشيتها كلت اجة مرة هيج هم بعد ميعيدها بس الظاهر سكوتي هذا ماراح يجيب نتيجة متحملتك لخاطر جهالنه لا اكثر و لا اقل...عفته ورحت
خليل ضربت الميز برجلي كلامها نرفزني: راح اسافر حتى اخلص منج ومن سوالفج و لتسأليني وين رايح
جنى كلت بگلبي روحة بلا ردة انشالله: لتخاف ماراح اسألك بس روح
ظليت كاعدة بالغرفة اتصفن لا اراديا الدمعة نزلت من عيني حسيت نفسي بعد مااتحمل امنيتي انفصل عنه بس جهالي راح يتبهذلون شنو ذنبهم
تذكرت من جنت حرة ما متزوجة عايشة حياتي صح بيها مشاكل بس مستحيل توصل لدرجة المشاكل الي كاعدة امر بيها
تذكرت ايام الاعدادية وية صديقاتي
اتمنى نرجع مثل قبل نرجع الصديقات الخمسة الي محد يكدرلهن الي بالهن يسونه حتى لو جان من سابع المستحيلات يصير
من جنه نجتمع جان صوت الضحك مالتنه يوصل لسابع جار
طلعاتنه خباثتنه ضحكتنه كلها جانت حلوة
مشاكلنا همومنا من نجتمع و نلكه حل لمشاكلنا
بهاي اللحظة طلعت ورقة و قلم و بديت اكتب كل ذكرياتنه
كل لحظاتنه الحلوة و كل لحظاتنه المرة
كل يوم ضحكنه بي و كل يوم بجينه بي
القلم وحدة بدء يكتب بدون تفكير بدء يكتب بسلاسة
جنه مسمين صداقتنه اوراق مبعثرة
رغم حياتنه جانت مبعثرة و كل وحدة مشاكلها شكل بس الضحكة ما راحت عن وجهنه
و بدء شريط الذكريات بأيام الاعدادية....
.
.
.
.
زهراء بصوت ناصي: جنى جنى لج جنى
جنى بصوت ناصي: هاا...شكو
زهراء: هاي الورقة مرريها عل الشلة كلها...غمزتلها
المدرسة: انتباه بنات كااافي حجي يلة عيفوا الاقلام و انتبهوا
جنى فتحت الورقة حتى اشوف شبيها (شوفي ست سعدية ام الرياضيات طالعه جنها جذع مال نخلة خخخخههه فوك هذا كلة لابسة بنطرون اعرض من حياتي و النظارات الي منزلتها اربع امتار هاي كارثة وحدها: هههههههه خرب يومج زهرة..انطيت الورقة لسارة و هدى
قرن الورقة بلكوة حابسات ضحكتهن
هدى: اشتعلواا ههههه...انطيتها لاسراء
اسراء: عزززة متتت بنطرون اعرض من حياتج ههههه
المدرسة: بنااات هدوء شنو هل الضحك كم مرة كتلكم ممنوع الضحك داخل الصف
دگ الجرس...طلعت المدرسة
زهراء: اييي دطلعي...خفتا و راحة
اسراء: خررب يومج زهرة لازم كل مرة تصنفين عل ست سعدية
زهراء: ولج هي الكارثة وين الكارثة بملابسها الي ماادري وين تلكاهن
هدى: بالبالات ميبيعون هيج ملابس...ههههه
جنى: مصممة خصيصا لست سعدية
سارة: ههههههه...يلة بنات منو تكوم تحل هذا المثال(تقلد ست سعدية)
هدى طلعت جبس ليز حجم الجبير و جنى طلعت جبس برنگلز و كعدنه نأكل و نحش بالناس ما خلينه واحد يعتب علينه
خلص الدوام طلعنه كل وحدة لبيتها
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
