للكاتبة رقية_ليث . . . . ام اسراء: انتي صدك ما عندج احساس و ضمير امداج اي والله اسراء وهي تأكل: المطلوب مني شنو اطلع معدل و تفرحون هو هذا المطلوب ام اسراء: ولج انتي لازم تقدرين التعب و الفلوس الي كاعد نصرفها عليج اسراء: اني حاطة شيء واحد بالي وبس ادرس بالخارج ماشي ام اسراء: دراسة بالخارج ماكو مفهوم اسراء: للاسف غير مفهوم ام اسراء: حرامات التربية بيج
اسمي اسراء عمري ١٦ سنة من بغداد عندي اخت وحدة بس والي هي ريم اصغر مني عمرها ١١ سنة بس اشطر مني و دائما تطلع الاولى عندي احلام هواي بالي احققها بس مو بالعراق خارج العراق بس جيب الي يقنع اهلي بهذا الشيء كلش عنودية ورأسي يابس امي دائما تتعارك وياية لان مااقرة عايشة حياتي بفوضة حياتي ما مرتبة ابد اتمنى تترتب بيوم من الايام...عايشة بالخيال زيادة عن اللازوم وهو هذا سبب مشاكلي وية اهلي بالنسبة لشكلي بشرة بيضة عيوني رصاصي طوخ محجبة طولي وسط بالنسبة لجسمي متروسة شوية صورة اسراء👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سارة: يلة فتحي كام خلي اشوفج جنى: ولج شعري مكفش و مبهذلة بين قوسين مو مال افتح كام ابد سارة: لج دفتحي هسه ليكلك اني انجلينا جولي مخربطة من راسي لرجلية جنى: اوك راح افتح سارة: هلو لج بومة مشتاقتلج جنى: مو اليوم التقينا بالمدرسة شبسرعة اشتاقيتيلي سارة: احم مو اريد منج شيء جنى: خير يا طير اكول ليش اتصلت بية و فتحي كام ومااعرف شنو سارة: شبيج مو تدرين ابن خالي راح يتزوج يوم السبت جنى: ايي!!!؟ سارة: باجر خميس جنى: يعني؟!..المختصر المفيد من هذا الخريط شنو سارة بأبتسامة: اريد باجر ورة منخلص دوام العصر نطلع اني وياج لمول المنصور لان اريد اشتري فستان مرتب للعرس...بليز وافقي جنى: والله حياتي الشغلة مو بهل السهولة سارة: شبيج انتي مو علاقتج بأخوج الصاك قوية دكليلة هو خلي ياخذج للمول و حتى لو يبقى ويانه عادي ماعندي مانع جنى: هذا يصيحولة زحف علني عل توأمي سارة: ليش تخليني اغلط عليكم ثنينكم بلة انتي عادي بس توأمج لا هاي واكفة..المهم باجر رديلي خبر بليز جنى: اشوف جواد اذا يقبل يوديني باجر اجي وياج..صدك ليش ما خابرتي الشلة الباقية سارة: والله حياتي خابرت هدى جانت تدرس و كلتلي مابية حيل اروح باجر خابرت زهراء مترد خابرت اسراء كالت مااكدر اروح الظاهر متعاركة وية امها لان جانت ضايجة فبقيتي بس انتي فديتج و اتمنى تروحين جنى: كتلج اشوف جواد لتلحين يلة ولي اريد اكمل دراسة..تشاااو سارة: تشااو رحت لجواد جان كاعد يدرس بالاستقبال جنى: شلونة اليوم توأمي؟ جواد: اتذكر البارحة هم كتيلي شلونك وطلبتي مني اشتريلج اليوم شرايدة جنى ابتسمت: كشفتني بسهولة للاسف جواد: حافظ سوالفج الطايح حظها..تفضلي كولي شتريدين جنى: تكدر تأخذني باجر لمول المنصور؟ جواد: لا جنى: واو جوابك مليان ثقة..ماشي لعد اني جنت ناوية اليوم اسويلك الكيكة الباردة لان ادري بيك تحبها بس ماطول متأخذني بعمرك ماراح تأكل منها جواد: هيج صارت جنى: للاسف هيج صارت...يلة تشاو توأمي اروح اسوي الكيكة الباردة و اكلها وحدي و مااخلي احد يمد ايدة عليها جواد: دقيقة دقيقة وكتيش تريدين تروحين باجر؟؟؟ جنى: العصر.. جواد: ماشي اخذج..صدك نسيت اسئلج ويامن راح تروحين؟ جنى: وية الفريند سارة جواد: خوش..عود سويلي الكيكة الباردة مو تنسين جنى: من عيوني ام جنى: خيرر يا طير شو كاعد تسولفون مكاعد ادرسون جنى: لا اكيد كاعد ندرس بس اجيت اقنع ابن
