قصة جديدة
للكاتبة رقية_ليث
قراءة موفقة♡♡
.
.
.
.
سارة بعصبية: كلة بسببج انتي...انتي الي خربتي حياتي..كعدت ابجي
ام سارة: كلشي سويتة لمصلحتج..
سارة: شنوو هو الشيء الي لمصلحتي..اني حياتي ادمرت تعرفين شنو ادمرت كلشي جنت مخططتلة انتي خربتي بكلمة وحدة منج
ام سارة: كلتي اريد اصير محامية اني ما حجيت شيء كلت عندها احلام و طموح خلي تصير محامية...بس مال تجين و تكليلي تجبين يزن و تريدين تزوجي لا هاي واكفة و كلش هم
سارة: جنت احجيلج كلشي و مااضم عليج شيء بس انتي شنو سويتي بية تاليتها حطمتيني...حطمتيني من كتيلي متزوجين يزن و رفضتي هذا الزواج بدون متسمعيني
ام سارة: بس هو....
سارة قاطعتها: اعرف شنو تريدين تكولين..هو ابنها لمرت ابوج تعرفين ما جنت متوقعة تفكيرج هيج و ادورين هيج شغلات بس للاسف خاب ظني
ام سارة: بس فهميني شنو ناقص حسام..ها شنو ناقصة شاب مرتب و حلو و محامي شتريدين بعد
سارة: بس مااحبة فهميني مااحبة طول هل السنة اني عايشة وية بس جسد روحي راحت وية يزن...لحد الان احبه و ما نسيته من بالي تعرفين شنو علاقة حب دامت ٥ سنوات و انتي بكلمة وحدة خربتيها و هسه تجين و تكليلي انسي كلشي شلون تريديني انسى ها شلون؟ بس فهميني
ام سارة: هاي العلاقة من البداية جانت غلط و انتهت بالطريقة الصحيحة و حاليا انتي مرة متزوجة و زوجج هو حسام انسي شخص اسمه يزن...صارلج سنة متزوجة و كل مرة تجيني بيها متذكريلي غير بس اسم يزن يزن و لا فد يوم حجيتيلي عن زوجج حسام عن علاقتكم
سارة: مااريد استمر بهذا الزواج مااريد اظلم حسام وياية...طلعت من البيت و عفتها
هدى اوووف الحياة هنا غير هادئة و نقية تكعدين عل صوت العصافير و نسيم الهوى البارد
علي: شلونه الحلو اليوم؟
هدى بأبتسامة: تمام التمام...كاعد يزيد حبي لهذا المكان يوم عن يوم
علي يحجي و يشرب كهوة: كتلج راح تحبين هذا المكان لان هادئ و يحسسك بالامان
هدى: بما انو اليوم عطلة وين نروح؟
علي: مااعرف امشي شوية نتمشى..الجو حلو اليوم
هدى: دقايق ابدل و اجي...رحت بدلت و رجعت يلة نطلع
علي: يلة....طلعنه نتمشى جان الجو حلو يساعد عل المشي
هدى: هم خابرت فارس؟؟
علي: لا والله ما خابرته
هدى: من نرجع اخابرة اريد اشوف مرتة جابت لا
علي: تخيلي فارس راح يصير اب
هدى: ههههه...ولك هو ومرته نفس الخبالات شتتوقع جهالهم اكيد راح يطلعون عليهم
جنى كعدت من النوم اشتميت ريحة مو طيبة درت وجهي شفت خليل نايم بهدومة الي طلع بيهن البارحة اشتميت ملابسة ريحتهن مقرفة كلهن ريحة شرب لعبت نفسي كمت من الفراش غسلت وجهي و رحت شربت مي
مااعرف شلون تاليتها وية هاي الحياة الي عايشتها
مااكدر اكول بس شيء واحد وهو هذا الشخص الي انتي اختاريتي و انتي الي لازم تتحملي بس مااعرف شكد راح اتحمل العيشة وية
ورة شوية سمعت صوته يمكن كعد...طلع من الغرفة جان غاسل و مبدل
خليل: صباح الخير...
جنى تقرب يريد يبوسني اني ابتعدت عنه: وين جنت البارحة؟؟
خليل: جنت يم اصدقائي
جنى: جنتوا تشربون مو؟...وبعدين شلون تعيف مرتك و جهالك وحدهم و تجي بنص الليل متخاف علينه؟!
خليل: جبيبتي شبيج كلما اكلج يم اصدقائي تكليلي كاعد تشربون...و بعدين ادري بيج متخافين واني ماادري اخذتنه السوالف و تاخرت
جنى: تدري ملابسك و الغرفة كلها جانت ريحة شرب وهسه كاعد تنكر بكل بساطة
خليل: اوك كاعد اشرب...شنو كاعدة تحققين وياية من الصبح
جنى: مو وعدتني راح تبطل شرب؟
خليل: اووف شبيج من الصباحيات اسئلة اسئلة...واحد حتى بيته ميرتاح
جنى جانت العبرة خانكتني بلكوة منعت دموعي تنزل
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
