أوراق مبعثرة
للكاتبة رقية_ليث
قراءة موفقة
.
.
.
.
اجة خليل كعد خمس دقايق عل اعصابة و بعدين طلعنه
طول الطريق يصيح و يغلط لان طلعت بدون مااكلة بس اني ساكته ما حجيت شيء
دخلت للبيت بدلت لخالد و سمية و نيمتهم
رحت للغرفة شفته كاعد عل الجرباية و يحرك برجلة...خفت من نظراته و حركاته
خليل: انتي شنو حاسبة نفسج ها؟
جنى: خليل اني ضجت منك لان نسيت خالد و سمية اكو واحد ينسى جهاله و بعدين اني ساعة كاعدة انتظرك تاليتها طلعت يم اصدقاءك...ما فكرت تخابرني زين اوك لو جبت خالد و سمية و كتلي..بس كافي تحملتك هواي
خليل: لا انتي صدك تخبلتي وبعدين اني حر اروح لاصدقائي مااروح بكيفي منو انتي حتى تحاسبيني
جنى: تعرف اني كل يوم اتندم عل حبي الك...بس لازم اتحمل نتائج اختياري
خليل: دوخري وخري كاعدة تخرطين خرط زايد تعبان و اريد انام يلة ولي منا....
جنى بصوت ناصي: استغفرالله
هدى: متأكد فارس راح ينتظرنه بالمطار؟
علي: اي هو خابرني وكلي..يلة صعدي
هدى نمت بالطيارة جنت نعسانة و علي هم نام
علي: هدى..هدى يلة كعدي وصلنه
هدى نزلنه من الطيارة و كملنه شفنه فارس منتظرنه برة رحنه سلمنه علية و توجهنه لبيتنه
وصلنه للبيت سلمنه عل الاهل شفت حنان و البيبي فدوة شلون كيوت و حلو
انطيناهم الهدايا و حنان كلش فرحت بيهن و شكرتنا عل الهدايا كلش عجبنها
رجعنه التمينا مثل قبل نسولف و نضحك
ورة شوية اجتي نرجس اتسلم علينه مشتاقتلها صارلي هواي مشايفتها
كعدت شوية و بعدين راحت كالت خاف امي تصيح علية
كعدنه اني و علي نلعب وية حسوني ما مصدكين ثنينه نحب الاطفال
فارس: طالع عل ابو حلو
علي: بدينه بسوالفك..اصلا شوفه يشبهني طالع عل عمه
فارس: وخروا..وخروا راح تفسدون اخلاق ابني
هدى: والله ماكو غيرك راح يفسد اخلاقة...ههههه
سارة: اووف هسه هي مال عزيمة منين طلعلي هذا صديقة
حسام: حبيبتي رجعت من الشغل وينج؟
سارة: تعال اني بالمطبخ
حسام: كاعدة تحضرين للعشة؟
سارة تقرب يريد يبوسني ابتعدت عنه: اي كاعدة احضر للعشة
حسام: حبيبتي شبيج ضايجة؟
سارة: مابية شيء..بس راسي يوجعني
حسام: سلامتج حياتي....رنومة وين؟
سارة: نايمة
حسام: راح اروح ابدل و انام شوية و كعديني
كعدت اطبخ ورة شوية سمعت رنا كاعد تبجي رحتلها للغرفة
شفتها هستوها كاعدة من النوم كعدت العبها و اخليها تسكت
نص ساعة اني افر بيها و اوكلها يلة سكتت خليتها يمي كاعدة تلعب و اني كعدت اطبخ
كملت كلشي رحت غسلت و بدلت و حسام كعد هم غسل و بدل و كعد يلعب وية رنا
خابر صديقة كلة احنه بالطريق خمس دقايق احنه يمكم
كعدنه ننتظرهم كاعدة صافنه عل حسام و رنا شلون كاعد يلعبون سوية و فرحانين....اندكت الباب طلع حسام حتى يفتحها و اني واكفة و شايلة رنا
دخل صديق حسام هو و مرته اني جنت العب وية رنا شفتهم دخلوا رفعت راسي و انصدمت شفت يزن!!
ظليت صافنه و يزن هم ظل صافن ما مصدكة بعد كل هاي السنين شفته كدامي
فزيت من الصفنه من كاعد يعرفني عل صديقة و زوجته
حسام: هذا صديقي و هاي زوجته داليا
سارة بأرتباك: اهلا..اهلا وسهلا بيكم تفضلوا
يا ربي من قررت انسى يزن و اعيش حياتي رجع طلع بحياتي
كعدنه بالاستقبال كعدوا يسولفون واني كاعدة احاول اطلع من الصدمة الي دخلت بيها
داليا: شلونكم اخباركم؟
سارة: الحمدلله..انتوا شلونكم؟....احس يزن يسولف وية حسام بس نظرة و تركيزة كلة يمي هذا الشيء خلاني ارتبك اكثر
داليا: الحمدلله...شسمها الحلوة؟
سارة: اسمها رنا
داليا: حياتي فدوة شلون حلوة...دائما اكلة ليزن خلي نسوي اطفال بس يكلي بعد مو هسه
سارة: صارلكم شكد متزوجين؟
داليا: صارلنه خمس اشهر
كعدنه نحجي بعدين كمت احضر حتى نبدي ناكل اجتي داليا و ساعدتني مبين عليها حبابة و هادئة
كعدنه نحضر الاكل و يزن و حسام يسولفون...يزن كاعد يلعب وية رنا يسولف و يضحك...شفته شلون شكلة مو كلش متغير جنت كاعدة اباوع علية هو هم رفع راسة و صارت عيونه متقابلة اني بسرعة
نزلت راسي و رجعت كملت شغل...رتبنه الميز و كعدنه ناكل
أنت تقرأ
أوراق مبعثرة
Romansaطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
