قصة جديدة
للكاتبة رقية_ليث
قراءة موفقة
.
.
.
.
مصطفى: هذا الحيوان سوالج شيء؟
اسراء: لا لتخاف هو بس خابر مثل كل مرة يعتذر و متندم بس اني كتلة بعد لتخابر مااريد اسمع صوته بعد
مصطفى حضنتها: والله خفت عليج...بعد اذا اتصل لتردين و كليلي ماشي
اسراء ابتعدت عنه: اوك بعد ماارد...كاعد اروح للمطبخ
مصطفى: بعدج تحبي؟؟
اسراء صفنت شوية بعدين جاوبته: كرهته..كرهته اكثر مما تتصور بس مكاعدة اكدر انسى الشيء الي صار
مصطفى: اني و عدتج راح تنسين ان شاء الله اكون كد وعدي....باجر اهلي عازمينه عل عشة تريدين تروحين لو اعتذر منهم
اسراء: لا عادي نروح ليش تعتذر منهم
مصطفى بستها بخدها: احبج
اسراء ما حجيت شيء بس كتلة راح اصب الاكل و انت بدل
هدى: هلو حبيبتي شلونج؟
حنان: الحمدلله بخير
هدى: البيبي شلونه؟
حنان: الحمدلله زين...لو تشوفين فارس طاير من الفرحة ما مصدك
هدى: ياااي حبيبي والله تمنيت اكون موجودة يمكم و اشوف البيبي
حنان: يلة ان شاء الله عن قريب تجين
هدى: ان شاء الله اجي لان كلش متحمسة...شنو راح تسمون البيبي؟
حنان: فارس يريد يسمي حسن و اني وافقته عادي
هدى: يااي حبيبي حسوني...من هسه حبيته قبل لا اشوفة
علي: سلميلي عليها
هدى: علي يسلم عليج
حنان: الله يسلمة
فارس: هاي شكو شنو هذا الصوت؟؟
ام هدى: شتدري بموج و احمد كل يوم متعاركين اكيد هاي همه
فارس: يعني شلون ماراح تخلص مشاكلهم
ام هدى: يمة عيفهم شعلينه بيهم
فارس: يمة حبيي وليدي طالع حلو عل ابو
حنان: ليش مو عل امه
فارس: لا عل ابو دشوفي العيون الحلك الخشم...هو اصلا من ضحكته الساقطة مبين علية طالع
حنان: هو هل الكبر و تحجي هيج كدامة اذا يكبر شتحجي...
فارس: احاول الزم لساني شسوي...
ام هدى: يمة تعال شوف هذولة شبيهم صوتهم وصل لسابع جار
فارس: استغفرالله ربي...رحت حتى اشوف موج و احمد شبيهم
هاي شبيك صوت واصل للشارع شكووو؟؟
احمد: شكو؟ ليش اجيت
فارس: شبيك تصيح عل موج شكو شصاير؟
احمد: معليك انت روح
موج وهي تبجي: خوية انقذني منه والله راح اموت عل ايدة
احمد: كافي لج سكتي لتلغين لغوة زايدة...وانت امشي اطلع برة يلة
فارس: مااطلع اذا متكلي شصاير....ولك البنية راح تموت عل ايدك ارحمها
موج: كافي اريد اطلك والله مليت...تحجي و تبجي
احمد: طلاك ماكو افتهمتي...انجبي و كعدي بالبيت
فارس: ولك هو هذا احترامك لمرتك...مااطلع منا اذا مااشوف شنو مشكلتك وية مرتك بعدين ابوية وين؟!
احمد: راحوا هو و امي و نرجس لنجف يزورون...وهسه كلي شنو مشكلتلك؟
فارس: ولك انت شنو مشكلتلك مو اني..
احمد: كل يوم مسويتلي مشكلة و بس تريد تطلك
فارس: صدك تحجي انت...حقها تريد تطلك اذا انت كل يوم تضربها لك احترمها شوية
احمد: فارس كافي عاد لتصير فهمان برأسي...اني مدخل بيوم من الايام بينك وبين مرتك
فارس: اني عل الاقل احترم مرتي و مااضربها....خوية اذا ضربج بعد كليلي اني اعلمة
احمد: شنوو شبيك انت ترة هي مرتي لتدخل...يلة اطلع برة
فارس: اذا سمعت صوتك بعد...محد راح يكدر يخلصك مني فاهم!!..عفته و طلعت
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
