اوراق مبعثرة
للكاتبة رقية_ليث
قراءة موفقة
.
.
.
.
علي: يلة هدى حضري نفسج بسرعة
هدى: ليش شكو!!
علي: ضجت و كلت خلي نطلع اني و هدهد نفتر و نتونس
هدى: انت دائما عل الجرح والله اني جنت ضايجة و محتاجة هيج طلعة
علي: يلة امشي خلي نبدل...مو تتأخرين
هدى: دقايق مااتأخر
رحت بدلت بسرعة و طلعنا اني و علي كعدنا نفتر بالسيارة بعدين رحنه للمول
تعشينا و كعدنا نفتر....جنت اريد اشتري شوية ملابس الية كعدت اشوف الملابس.....رفعت راسي شفت شخص كاعد يباوع علية
استغربت كلت هذا شبي صافن ما انتبهت علية كلش
عفت الملابس و رحت...بعدين تذكرت هذا الشخص ملامحة ما جانت غريبة
حسيت نفسي شايفته بمكان...مااهتميت للموضوع كلش غلست و طلعت من المحل
بعدين رحنا ناكل موطة وهم شفت نفس الشخص...وهم جان مركز علية حتى مااعرفت اكل ارتبكت...ردت اكلة لاخوية بس كلت مااريد تصير مشكلة
سارة جنت بالشغل اتصل علية رقم غريب..رديت عل المكالمة و اجاني صوت جنت مشتاقتلة كلش
يزن: هلو سارة
سارة ما اجاني صوته ما عرفت مشاعري مخربطة بين الاشتياق و بين الخوف
يزن: الو..سارة!!
سارة: مرحبا
يزن: شلونج؟
سارة: ممكن اعرف ليش اتصلت علية؟؟
يزن: اني الحمدلله بخير
سارة: اعتقد جان سؤالي واضح!؟
يزن: سارة لتحاحيني بهاي الطريقة...تعرفين الشيء الي صار جان مو بأرادتنا
سارة: هذا الشيء صار بالماضي...وهسه انت متزوج واني متزوجة اعتقد ماكو شيء يربطنا بعد
يزن: سارة سمعيني لمرة وحدة و خليني ابرر موقفي
سارة: لمدة سنة كاملة ادز مسجات و اتصل و انت مترد و لا تشوف الرسائل بعدين تغيير رقمك و حسابك....شنو الي تريد تبررة؟!!
يزن: بس انتي متعرفين الي صار
سارة: و مااريد اعرف....اترخص عندي شغل نهيت المكالمة
حسيت دموعي بعد مااكدر اسيطر عليهن رحت بسرعة للحمامات و غسلت وجهي....المشكلة گلبي مكاعد يكدر ينسى و ينسى حبه
مااعرف شسوي طلعلي بالوقت الغلط ابد مو وقته
اني متزوجة و عندي بنية و هو متزوج...التفكير اكل راسي
اسراء جنت بالمطبخ و مصطفى كاعد بالهول يشتغل
موبايلي دگ و جان بالهول رد مصطفى عل المكالمة و طلع جواد
سمعت صوت صياح و غلط
مصطفى بعصبية: للللك حييووان اني مو كتلك لتخابر بعد...صدك متستحي انت
جواد: للك***** انت واحد خاين..خنت صداقتنا و تزوجت حبيبتي
مصطفى: تلصم و تسد حلكك احسن...انت ولا يوم حبيت اسراء بس من شفتها تزوجت و راحت من ايدك ظليت تركض وراها مثل المطي
جواد: لك اني مطي يا****** اسراء طول عمرها مثل الخاتم الي بأصبعي و اني اتحكم بيها..يجي واحد***** مثلك يأخذها مني
اسراء شفت مصطفى شلون صار دم من كثر العصبية مااعرف شنو جان يكلة جواد بس مبين كلام طايح حظة من اكتشتفت جواد عل حقيقته كرهت كل لحظة ضيعتها وية اخذت الموبايل من مصطفى و نهيت المكالمة: ماكو داعي تحرك اعصابك علمود شخص ميستاهل
مصطفى: بس...
اسراء قاطعته و حضنته: ماكو داعي تحرك اعصابك علمود شخص ميستاهل مثلة
مصطفى مااعرف شنو حسيت من حضنتني شعور مااعرف اوصفة تفاجئت من ردة فعلها حضنتها بكل قوتي اريد احسها قريبة مني
ظلينه واحد حاضن الثاني بدون منحجي شيء حسيتها احلى لحظة بحياتي
اسراء اجاني احساس احضنه..من حضنته حسيت بحب و دافئ و حنان سمعت دگات گلبة حسيته گلبة راح يطلع من مكانه
دگ موبايل مصطفى..
مصطفى: مخرب اللحظات السعيدة....ميصير نبقى هيج و ماارد
اسراء ابتعدت عنا: هههه...ﻻ رد جوز شيء مهم
رد عل المكالمة جانت من الشغل مالته رجعت للمطبخ اكمل شغلي
ورة شوية اجة للمطبخ كلي احبج...اني ابتسمت ما جاوبته شيء
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
