اوراق مبعثرة
للكاتبة رقية_ليث
قراءة موفقة
.
.
.
.
سارة: مااكدر اجذب عليك و اكلك اني كدرت انسى يزن و حبه اصلا هذا الشيء جان واضح عل تصرفاتي...بيوم العزيمة من شفته مااعرف كل المشاعر الي بداخلي رجعت حيت من جديد اتمنى متزعل مني
حسام: ليش انتي بقيتي شيء احجي...شنو تريديني اكول ها؟
سارة: اريدك تزوج وحدة تحبك و تعتني بيك مثل ما تعتني بيه مااريدك تكمل حياتك وياية
حسام: واذا جنت اريد اكمل حياتي وياج!
سارة: مااعتقد راح تكون سعيد وياية
حسام: لان تحبين يزن و متحبيني...زين خلال سنة ماكدرتي تحبيني؟
سارة ما جاوبته ظليت ساكته
حسام: عرفت الجواب ماكو داعي تجاوبين
سارة: راح نطلك؟
حسام: نطلك بس بشرط
سارة: وشنو هذا الشرط!
حسام: رنا تبقى يمي و انتي وين متروحين روحي
سارة: حسام تدري بية ماااكدر اعيش بدون رنا و انت تريد تاخذها مني
حسام: لعد ماكو طلاك....رجع نام
سارة ظليت كاعدة افكر ماااكدر اعيف رنا و لا اكدر اعيف يزن شنو الحل؟!
هدى كتبت منو انت مستمر تكتب
اني امجد
منو امجد مااعرف هيج شخص
انتي متعرفيني بس اني اعرفج
و شلون عرفتني؟!
عرفتج بالمانيا ومن اجيت للعراق هم شفتج
ظليت صافنه هذا منو؟؟وين شفتني!؟
بالمانيا بالمول جنت بمحل ملابس اطفال وانتي بالغلط وكعتي غراضي و اني كلش انعجبت بيج ومن اجيت للعراق هم شفتج و ظليت ادور عليج معلومة منا معلومة منا كدرت اوصل لحسابج
تذكرته بس مو كلش...و هسه شتريد مني؟؟
اريد نتعرف اكثر...واني متأكد من راح تعرفيني راح تحبيني
شنو هل الثقة الزايدة!!
جربي و شوفي
و اذا جنت مااريد اجرب؟!
راح تندمين
ممكن تبطل رسائل لان اني مااحب هاي السوالف
والله صراحة اني هم مو مال هيج سوالف ولا احبها بس شسوي اعجابي بيج جبرني اسوي هيج
استغفرالله هو انت شفتني مرتين منين اجة هل الاعجاب
ماادري جمالج طولج عيونج كلشي بيج سحرني
هذا تخبل....رجاءا كافي رسائل واني راح اروح و اذا حاولت ادز رسائل بعد راح احظرك
ما عندي مشكلة اجيج من غير حساب
اللهم طولج يا روح و تاليتها!
نتعرف
شلون لزكت يعني....ما فارغة لهيج سوالف
باليوم ساعة ماراح تضرج
ما رديت علية مااعرف شلون راح اخلص منا
نزلت شفت حنان كاعدة تنظف كعدت انظف وياها و امي كاعدة يم حسوني فارس بالشغل و علي طلع
موج رجعت لاهلها ورة الثالث ما بقت
مرت ابوية لحد الان تبجي عل احمد حقها مهما يكون ابنها الوحيد
نرجس هم خطية حايرة بالبيت و بأمها و بدراستها ابوية هم مقهور عل احمد
جنى صارت بال١٢ بالليل و خليل لحد الان مااجة اخابرة ميرد كتلة لجواد وصلني رحت للبيت شفته ما موجود بالبيت سمية و خالد ناموا اني ظليت انتظرة لان اخابرة ميرد
صارت بال٢ بليل سمعت صوت سيارة فتح الباب و جانت حالته حالة سكران و جهه ازرك يعني متعارك مااعرف شبي
جنى: خليل هاي شبي وجهك؟!
خليل: وخري من يمي..
جنى: هاي منو سوا بيك هيج؟!
خليل: لتسوين نفسج متعرفين شيء
جنى: و شلون تريدني اعرف و اني اتصل عليك و مترد انتي منتبهه عل الساعة؟!....اكو واحد يجي لبيتا بهيج حالة
خليل بصياح:كااااافي مليت منج و من سوالفج التعبانة كاااافي...كسر المزهرية
جنى مكاعدة اكدر اسيطر عل دموعي:انت سبب هاي المشاكل كلها مو اني
خليل بصياح: هسه صرت اني سبب المشاكل...فوك هذا كلة رحتي لاخوج جواد حتى تحجون علية براحتكم مووو والله انتي فد وحدة ملعبة مشايف مثلج
جنى انهرت من سمعت الحجي الي كالة: كافي عاد كااااافي تعبت منك ومن سوالفك تشرب كلنه هسه يبطل و يتوب تحجي وية بنات عل الفيس كلت ميخالف مشيها هاي المرة بعد ميعيدها ترجع للبيت سكران مشيتها كلت اجة مرة هيج هم بعد ميعيدها بس الظاهر سكوتي هذا ماراح يجيب نتيجة متحملتك لخاطر جهالنه لا اكثر و لا اقل...عفته ورحت
خليل ضربت الميز برجلي كلامها نرفزني: راح اسافر حتى اخلص منج ومن سوالفج و لتسأليني وين رايح
جنى كلت بگلبي روحة بلا ردة انشالله: لتخاف ماراح اسألك بس روح
ظليت كاعدة بالغرفة اتصفن لا اراديا الدمعة نزلت من عيني حسيت نفسي بعد مااتحمل امنيتي انفصل عنه بس جهالي راح يتبهذلون شنو ذنبهم
تذكرت من جنت حرة ما متزوجة عايشة حياتي صح بيها مشاكل بس مستحيل توصل لدرجة المشاكل الي كاعدة امر بيها
تذكرت ايام الاعدادية وية صديقاتي
اتمنى نرجع مثل قبل نرجع الصديقات الخمسة الي محد يكدرلهن الي بالهن يسونه حتى لو جان من سابع المستحيلات يصير
من جنه نجتمع جان صوت الضحك مالتنه يوصل لسابع جار
طلعاتنه خباثتنه ضحكتنه كلها جانت حلوة
مشاكلنا همومنا من نجتمع و نلكه حل لمشاكلنا.....
ظليت ابجي لحد ما نمت و ما حسيت عل نفسي
كعدت ثاني يوم عل صوت الموبايل صديقتي دنيا خابرتني و كالت ليش مااجيتي للدوام اليوم...من انتبهت عل الساعة اخذتني النومة ما حسيت عل نفسي حتى خالد و سمية ما اخذتهم للروضة اليوم رحت لغرفتهم شفتهم نايمين...خليل ما موجود تذكرت العركة الي صارت بيناتنا البارحة
اتصلت علية ميجاوب اتصلت عل جواد
جنى: شسويت البارحة؟؟
جواد: شنو شسويت!
جنى: ليش ضارب خليل؟
جواد: كل هاي الاشياء يسويها بأختي و تريديني اسكت
جنى: ما طلبت منك شيء ليش تصرفت بكيفك
جواد: من واجبي حمايتج
جنى: لتدخل بحياتي مرة ثانية ماشي و مااريد تحميني
جواد: شنو ضربج النذل حتى هيج كاعدة تحجين؟؟
جنى: اذا كتلك ضربني شنو راح تسوي و اذا كتلك ما ضربني هم شراح تسوي....تعرف شنو تسوي اني انطيك الحل ابتعد عن حياتي
جواد: وكتيش راح تسامحيني
جنى: ماراح اسامحك.....نهيت المكالمة
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
