قصة جديدة
للكاتبة رقية_ليث
قراءة موفقة
.
.
.
.
فارس: سمعتي بالخبر الجديد؟
هدى جنت كاعدة عل الفون واجاني فارس: خير شكو!
فارس: العرسان راح يروحون شهر عسل
هدى: عل الخير..وشلون عرفت!؟
فارس: هسه من اجيت شفت نرجس كاعدة عل المرجوحة بالحديقة كعدت اسولف وياها وهي كلتلي
هدى: اي من حقهم يروحون ليش لا
فارس: بيج شيء؟!
هدى: لا ماكو شيء...بس قررت بعد ماادخل بيهم و شنو يريدون يسوون خلي يسوون
فارس: صراحة...هذا احسن شيء تسوي
هدى: هم حاجيت علي؟؟
فارس: قبل شوية حاجاني حاير بالامتحانات
هدى: خوش خلي يحير بدراسته احسن
فارس: اني هم كتلة هيج كتلة اهتم لدراستك ماكو احسن من الدراسة
سارة اووف كاعدة انتظر تصير ساعة ١٢ حتى افتح الهدية
احس الساعة مكاعد تمشي...الانتظار صعب
البيت كلة افتريته عشر مرات بس اريد الوقت يمشي بسرعة
عمة زهراء: والله احنه اجيناكم اليوم حتى نشوفكم لان مشتاقيلكم و بنفس الوقت اجينه نخطب بتكم زهراء لابنه منتظر....
زهراء اني سمعت هيج لو تكهربت يريدون يخطبوني لمنتظر لو يبقى اخر شخص هم مااتزوجة
ابو زهراء: نتشرف بيكم انتي اختي و غالية عندي...بس زهراء بعدها صغيرة واحنه نريدها تكمل دراسة
زهراء فرحت من كال ابوية هذا الكلام يعني ماراح يزوجوني لمنتظر
رامي: والله اني اشوف نزوجها هسه بلا دراسة احسن و ماكو احسن من منتظر
زهراء استغفرالله غير يسكت لازم بكلشي يحشر نفسة
ام زهراء: يصير خير ان شاء الله نردلكم خبر
زهراء: صدك تحجي عمتي؟!
حوراء: ولج اني هم تفاجئت ماادري احنه اجينه علمود هل السبب
زهراء استأذنه منهم اني و حوراء و رحنه لغرفتي ورة شوية اجتي علا و فاطمة
علا: شنو رأيج بالموضوع؟؟
زهراء: والله اني لحد الان ما مستوعبة السالفة اني و منتظر مستحيل
علا: مستحيل ابوية يقبل لان يريدج تكملين دراسة
زهراء: هو هذا الي مطمني...بس رامي يطلع من السالفة اني بخير اخاف يكعد يحجي وية ابوية و يقنعة
فاطمة: يعني راح تزوجين و تعيفينه؟
علا: لا حياتي ما راح تزوج
حوراء: لتوافقين كملي دراستج احسن لان منتظر ميفيدج اخوية و اعرفه كلش زين مو راحة
سارة واخيرا صارت ساعة بال١٢ خايفة افتح الهدية
فتحتها شوية شوية.....فتحت العلبة شفتها كلادة نص گلب نفسها الي اشتراها اول مرة التقينا
و جان اكو رسالة يمها....اول ما فتحت الرسالة اجتني ريحة عطرة
اووف ظليت اشم الورقة لان عبارة عن عطرة
كعدت اقرة الرسالة...
هلو سارة بهذا الوقت حاليا راح اكون اني بالمانيا و بعيد عنج احب اكلج كل عام وانتي بالف خير ان شاء الله تحققين كل امنياتج...
اول مرة شفتج بيها من بعد زواج امي بأبوج حسيت اكو شيء جذبني بيج بس ما عرفت شنو هو بذاك الوقت قررت ادرس بالخارج لان جنت اريد اكون بعيد عن المعاناة الي عشتها بس انتي الوحيدة الي بقيتي ابالي رغم جنت مااعرفج كلش و لا حاجي وياج بس بقيتي ابالي
جوز جنتي تكولين علية معقد و بي حالة نفسية...هذا الشيء صح مو جذب بس ورة جم سنة كدرت اتجاوز هذا الشيء جنت كل مااجي للعراق اتمنى اشوفج حتى لو ثانية وحدة....بس للاسف اخر ٣ سنوات ولا مرة اجيت للعراق و شفتج واني جنت مو هواي اجي للعراق...مرة اجيت للعراق و هم جانت عندي نفس الامنية والي هي اشوفج جنت كاعد اشوف صديقي وامي خابرتني كلتلي راح نروح للمطعم تجي بالبداية ردت ارفض بس من عرفت انتي راح تجين بسرعة وافقت
من اجيت و شفتج بالمطعم متعرفين شصار بية حسيت گلبي راح يطلع من مكانه شفتج حليانة و كبرانة و عرفت بذاك الوقت شنو الشيء الي جذبني بيج كلشي جذبني بيج شكلج ابتسامتج عيونج طولج تصرفاتج
جنت اتمنى انتي هم تبادليني بنفس المشاعر
و من حجيت وياج و تعرفت عليج اكثر....حبيتج اكثر
سارة اني احبج مو بس احبج اعشقج و مستعد انتظرج تكملين دراسة
اتمنى تبادليني بنفس المشاعر واذا جنتي تحبيني اريدج دائما تلبسين هاي الكلادة ومن اجي للعراق اشوفج لابستها.......يزن
صراحة كل كلمة اقراها ادخلني بحالة صدمة طلع يحبني من زمان واني ثولة ماادري...شكد حبيته بعد هاي الرسالة
لبست الكلادة و ظليت اعيد بالرسالة يمكن خمس مرات عدتها ما مصدكة الكلام الي بالرسالة
نمت واني افكر و افكر بالرسالة و بيزن فكرت اخابرة و اكلة اني هم احبك و اموت عليك...بس بعدين
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
