أوراق مبعثرة

البارت(8)

قصة جديدة♡♡

للكاتبة رقية_ليث

قراءة موفقة
.
.
.
سارة صار عندي فضول اريد شنو هي الهدية شلون راح اتحمل للسبت: ماشي راح احاول انتظر يجي السبت حتى افتحها لان اني من النوع الفضولية
ابو سارة: يلة تعالوا العشة صار جاهز
سارة: يلة نروح نتعشى..
كعدنه نتعشى و يزن الدولمة نصها اكلها يكول كلش طيبة
طبعا اني فخورة بنفسي كأول عمل الية
يزن: عاشت ايدج عل هيج دولمة اووف يابة والله طيبة
سارة: ولو تدلل
مجد: اني مااحبك..زعلت منك
يزن: وليش زعلت مني!!
مجد: اكلتها كلها و ما بقيتلي شوية...حبيبتي سارة سوتها الية مو الك
يزن: لك هي سوتها علمودي شنو سوتها الك
مجد: لا سوتها اليه..كام يبجي
ام يزن: لا يزن ليش تبجي اخوك
يزن: يلة تعال ابوسك تعال
مجد: مااعبك
يزن: متعبني ليش متعبني...شو انت كلبتها للكلمة ولك خربت اللغة العربية
ساعة مااحبك ساعة مااعبك

جواد: وين انتي هسه
اسراء: بالطريق اجيت
جواد: اوك منتظرج...اتفقنه اني و اسراء بعد ما جربنه جميع الطرق وية جنى ز ما وافقت لا اني اريد اخسر جنى ولا اسراء قررنه اسراء تجي لبيتنه عل اساس زيارة عادية حتى نحاول نصالحها ثنينه و طبعا هذا الشيء بدون علم جنى
اندكت الباب طلعت اني فتحتها...
جواد بصوت ناصي: مشتاقلج
اسراء بخجل: واني اكثر
ام جنى: هاا جواد منو اجة؟!
جواد: ااااا...يمة اجتي اسراء صديقة جنى
ام جنى: يا يمة لعد ليش موكفها بالباب تفضلي بنيتي تفضلي...شو ما كلتلي جنى راح تجين!
اسراء: والله خالة حبيت اسويلها مفاجئة و اجيها بدون متدري
ام جنى: اهلا و سهلا بيج نورتينا...ماما جواد روح صيح اختك وانتي بنيتي تفضلي
اسراء: لا ماكو داعي اني اروحلها اريد اسويلها مفاجئة و اروحلها لغرفتها
ام جنى: تفضلي حبيبتي تفضلي..تندلين غرفتها موو؟!
اسراء: اي خالة اندلها...صعدت لغرفة جنى
جواد: اني راح اصعد لغرفتي تريدين شيء؟
ام جنى: سلامتك مااريد شيء
اسراء وكفت كدام الباب انتظر جواد
جواد: ندخل ثنينه لو بس انتي؟
اسراء: اني اكول ثنينه احسن حتى نفهمها كلشي
جواد: اوك..دگي الباب
اسراء دكيت باب غرفتها
جنى: منووو!!
جواد: اني
جنى: ما مسموحلك تدخل..روح
اسراء دخلنه اني و جواد للغرفة جنى ظلت صافنه ما حجت شيء
جواد: سررربرايز..
اسراء بصوت ناصي: مو وكت السربرايز مالتك
جواد: اوك راح اسكت
جنى: شتريدون!؟
اسراء كعدت يمها عل الجرباية: حبيبتي جنى سمعينه للمرة الاخيرة و حكمي اذا تصالحينه او لا...
جنى: اعتقد ماكو شيء نحجي بي...
جواد: هسه انتي سمعتينا حتى تحكمين...لج انتي توأمي المتوأم مااعرف شلون رهمت بس اوك غلسوا
اسراء: جنى اعرف اني و جواد غلطنه لان ما كنالج عل علاقتنه و عرفتي بطريقة غير مناسبة بس والله احنه ندمانين عل هذا الشيء سامحينه
جنى: اصدقاء طفولتي هيج يسوون وياية و يضمون علية علاقة حبهم..لو جنت اعرف اكيد راح افرحلكم اكيد اتمنى تصيرين مرت اخوية و صديقة طفولتي....
جواد: جنى والله اذا سامحتينه غير اول طفل النا حتى لو جان ولد نسمي جنى
جنى حاولت ماابين ضحكتي عل كلامة
جواد: والله ضحكتي شفتج شفتج
اسراء: جوااااد...شبيك اسكت
جواد: اوك
اسراء: حياتي والله احنه اسفين سامحينا
جنى: اسامحكم بس بشرط
جواد و اسراء: وهو؟؟
جنى: اول طفل الكم تسموا عل اسمي...ههههه
اسراء: لجج مو تدللين اسطرهم عشرة كلهم جنى
جواد: ولج هواي عشرة شنو شعدنه فريق
اسراء: بس لو تسكت احنه بخير...بدل متساعدني بالكلام بس كاعد تصنف و تذب حجي
جنى حضنتهم ثنينهم: احبكم
اسراء بأبتسامة: يعني سامحتينا؟؟
جنى: اي سامحتكم
جواد: اييي و اخيرا...والله لو تدرين شكد تبهذلت بدونج
جنى: واضح متبهذل كلش جدا واضح
جواد: لازم ناخذ صورة لتوثيق الصلح بيناتنه...اخذنه صورة تلاثتنه
اسراء حضنتها مرة ثانية: لتزعلين مني مرة ثانية اوك
جنى: لتحاولين تضمين علية سر مثل هذا بذاك الوقت ماراح ازعل
اسراء: لا التوبة بعد ابد مااعيدها
جنى: يلة جواد خلص دورك اطلع برة
جواد: هاااي شنووو...يعني اني حاليا كاعد انطرد؟!!!
جنى: اي كاعد نطردك لان نريد نبقى صديقات وحدنه نسولف و ندردش
جواد: واو يعني اني صالحتجن وكاعدات اطردن بية...والله بنات اخر وكت
جنى: يلة اطلع بلة مطرود
جواد: ليش هو انتي بقيتي بيها بلة مطرود كاعدة اطردين بينه علني
جنى طلعته من الغرفة و سديت الباب: لازم الشلة تعرف بهذا الشيء
اسراء: اكيد..يلة نخابرهم عل الكروب واهم شيء صورة و صوت حتى يصير توثيق مضبوط
اتصلنه من موبايل جنى عل الكروب....طبعا اني ما طلعت نفسي بالكاميرا بس جنى
هدى: هلوو ولجن كيف الحال..؟
زهراء: هلا هلا بالعيال
سارة: نورت و نور الكروب
جنى: هلا بيجن عيني وحدة وحدة
زهراء: لعد اسو وين؟؟
هدى: وكتيش ناوية تصالحين وياها...ترة ميصير هيج تبقى الشلة ناقصة
جنى: مااريد اصالحها ولا تفتحون هاي السيرة بعد....طبعا اسراء تسمع و ميته ضحك
سارة: اوووف هاي من شوكت گلبج صار قاسي هيج جوجو..هي غلطت مرة بعد متعيدها اكيد
اسراء: هاااااااي گايييييزززز
هدى: يمةةة هاي منو
زهراء: صخام اخترعت
سارة: شنوو ولجن تصالحتن من ورانه؟!
اسراء: تم الصلح بنجاح
زهراء: اوووف واخيرا
هدى: كللللييشش..هاي هلهولة بسيطة من هدهد
جنى: حاليا مجتمعين كلنه و الشلة كاملة
سارة: ما طول مجتمعين خلي اكللكم شنو صار وياية اليوم
هدى: ايييي عل الجرح غردي بيب
سارة حجيتلهم كلشي صار وياية: بس شلون راح اتحمل افتحها منا ليوم السبت ماادري
جنى: اووف يابة هل يزن شلون رومانسي
زهراء: زين متحملة و ما فتحتيها...لو اني اول مااوصل افتحها
سارة: ولج الفضول اكلني اكل من وصلت لحد الان اريد افتحها بس بعدين اتذكر شلون طلب مني ماافتحها و اتراجع
اسراء: برأيج شنو راح تكون الهدية
سارة: والله مااعرف...اوف راح امووت اريد اعرف
هدى: تحملي حياتي تحملي ازمة و تعدي
زهراء: صدك لج هدهد راح تروحين لعرس اخوج؟؟
هدى: وانتي شلون عرفتي راح يتزوج عن قريب ما كلتلكم بعدني بس كلت لسارة
زهراء: ولج شفته ناشر عل الانستا و الفيس لان قبل فترة تابعته
هدى انصدمت: جذذذذب
زهراء: ولج والله شبيج
هدى: يالله شكد حقير هل الانسان طبعا اني متأكدة نشر حتى يضغط علي واني حاولت بكل الطرق مااخلي يعرف راح يتزوجون خلال يومين
جنى: لتحاولين تسوين شيء غبي هدهد ادري بيج مرات يطبكن عندج
هدى: شلون تريديني اسكت عل هيج شيء
اسراء: بنات اني راح اروح ابوية اتصل علية و اجة علية يلة تشاو
هدى: واني هم اروح...
سدينه المكالمة و رحت بسرعة لبيت مرت ابوية
دكيت الباب طلعتلي مرت ابوية
مرت ابوها: خيرر شتريدين؟؟شعندج جاية!
هدى: اريد احمد...صيحيليا
مرت ابوها: نايم...سدت الباب بوجهي
هدى دكيت الباب حيل: احمد...احمد..طلع ابوية عصبي و اجوا فارس و امي
ابو هدى: خير شبيج...ليش اصيحين بنص الليل منا الجيران هسه شيكولون علينه...
فارس: هدى شبيج شعندج هنا؟!
هدى: اريد احمد صيحوا...
احمد: ها خير شبيج تصيحين...شتريدين  مني
هدى: ليش ناشر عل الفيس و الانستا موعد زواجك و تدري علي راح يشوف المنشور
احمد: و شنووو يعني و اذا شافها قابل شراح يصير
هدى: تعرف حالته الصحية مو زينه و تعرف حاولنه نخلي يتعالج...و اني خايفة علية خاف يسووي شيء بنفسة اذا شاف المنشور
ابو هدى: لتعلين صوتج عل اخوتج احترمي
هدى: حسبي الله و نعم الوكيل عليكم...ماراح اكول شيء بس اذا صار شيء بأخوية فهذا الشيء راح يكون بسببكم
فارس: هدى كافي تعاي وياية تعاي ميفيد الحجي
ابو هدى: ربيهم لولدج زين صايرين ميحترمون الواحد هي هاي تاليتها لتربيتج
ام هدى:اني مربيتهم احسن تربية واعرف بيهم ميحجون بس الحق...دخلت و عفته
هدى: ليش ما عفتني احجي وية ليش حاولتوا تسكتوني ها ليش؟؟
فارس: هاي شبيج تخبلتي لو ضاربج ابوية
هدى: خلي يضربي عادي مو اول مرة
ام هدى: روحة لذاك البيت بعد ماكو افتهمتوا...معليكم بيهم
هدى: بسس الشيء الي سوا احمد...
ام هدى قاطعتها: اعرف الشيء الي سوا كلة علمود يشوف علي و يعرف بالموضوع...بس كافي مشاكل بهل البيت خليهم همه بحالهم و احنه بحالنه و اني و اثقة علي تحسن و ماراح يسووي شيء
فارس: ان شاء الله