اوراق مبعثرة
للكاتبة رقية_ليث
قراءة موفقة
.
.
.
مهند: ليش مدخلين؟!
زهراء: راح يحسوني مخبلة مو؟
مهند: مخبلة؟
زهراء: لان كاعدة اتعالج و الماضي يخلي سمعتي...
مهند: انتي بهذا كلامج راح يحسوج مخبلة....خليج واثقة من نفسج اخذي نفس عميق
زهراء من احجي وية احس بقوة و ثقة دخلنا لبيتهم سلمت عليهم و كعدت
علا: شلونج؟؟
زهراء: الحمدلله زينه
علا: شبيج ليش ايديج يرجفن؟!
زهراء: ماكو شيء
علا: زهراء...احجي شكو؟!
زهراء: متوترة و خايفة صارلي هواي ما كاعدة هيج كعدة و مجتمعة وية ناس غريبين
علا: لتخافين محد راح يحجي عليج...اليحجي ماراح يخلص من لساني لتخافين
كعدنه ناكل و احس لحد الان الرجفة و التوتر ما راحن مني احس مهند انتبه علية....صارلي هواي ما طالعة من البيت احس نفسي بس اطلع الناس كلها راح تباوع علية بنظرة مو حلوة و يحجون من وراية
بس اهله و اخوانه جانوا ناس مثقفين و ما عدهم هاي السوالف
من كملنا رحت اساعدهم بالمطبخ
قبل منطلع مهند كلي انتبهي عل نفسج
اول ما رجعنا رحت سويت تمارين التخلص من القلق و التوتر
فاطمة: هاي شبيج؟
زهراء: كاعدة احاول اتخلص من التوتر
فاطمة: صدك حسيتج متوترة!
زهراء: تدرين بية صارلي هواي ما طالعة لهذا هيج صار وياية
فاطمة: بس والله مهند شخصية و هيبة يمكن اروح اتعالج يمة اكلة من يوم الي شفتك مااعرف شصار بية
زهراء: هههههه...اي هو صح شخصية و تحسي انسان هادئ
فاطمة: بس هو اكيد متعود عل المريضين نفسيا لهذا اكيد من اروح راح يأخذني عل كد عقلي....صدك من كعدتوا لحد من طلعنا هو مركز بيج و احس عقلة كاعد يشتغل و يحدد شخصيتج
زهراء: صدك الكعدة كلها يباوع علية؟!
فاطمة: قابل اجذب عليج
خليل: راح اطلع...
جنى: اخذني لاهلي
خليل: كعدي بالبيت احسن
جنى: يعني حتى لاهلي حرام...بعدين اني صارلي هواي مشايفتهم حتى خالد و سمية مشتاقيلهم
خليل: راح تظلين تنكين فوك راسي امشي يلة بدلي بس بسرعة اذا تتأخرين اعيفج
جنى كمت بسرعة بدلت و بدلت لخالد و سمية و رحنه لاهلي ضجت من كعدت البيت من الشغل للبيت و من البيت للشغل
وصلنا لاهلي كال بليل اجي عليج مو كلساع تخابريني تأخرت وين صرت اعرف سوالفج ما جاوبته نزلت من السيارة
من شافتنا امي كالت والله مشتاقتلكم...ابوية جان موجود بالبيت شفتا لان صارلي هواي مشايفته
كعدنه ضحك و سوالف لان صدك مشتاقتلهم اتمنى ابقى يمهم و ماارجع لذاك البيت
ام جنى: اي يمة شلونه خليل؟؟
جنى تنهدت: شلونه يعني عايش حياته و لا كأنما اني زوجته و عنده جهال و لا يوم فكر يطلعنا يفرنه شوية...حتى صديقتي عزمتني عل عرس اختها
ما خلاني اروح حتى من خابرتها و كتلها عذريني مااكدر اجي زوجي ميقبل زعلت مني كلتلي مو وعدتيني تجين...يوم والله مليت من العيشة العايشتها
ابو جنى: بوية كولي يالله لتيئسين بسرعة...مهما يكون راح يبقى زوجج
جنى: مكاعد تكدرون تفهموني و لا تفهمون الحياة الي عايشتها...اني قررت اريد اطلك
ام جنى: شننوو ياا شكاعد تحجين شنو طلاك و جهالج
جنى: اني اربيهم وحدي شراح يصير قابل
ام جنى: بس مهما يكوو راح يشتاقون لابوهم
جنى: اصلا اني وحدي كاعدة اربيهم هو اربع و عشرين ساعة برة وية اصدقائة
جواد: هلو اليوم منو منورنا
جنى خالد و سمية ركضوا لجواد كلش يحبوا دائما يلعبون وية وهو هم يحبهم.....طلع هو وياهم و كعدوا يلعبون بالحديقة ورة شوية طلعت وراهم
جنى: جواد تعال شوية اريد احاجيك....صح اني علاقتي بي مو مثل الاول بس هو الشخص الوحيد الي يفهمني
جواد: خير شكو؟؟
جنى: اريد اطلك
جواد: شنووو!!
جنى: اريد اطلك شبيك انصدمت؟!
جواد: ليش خليل مسويلج شيء!
جنى: كول شنو الي ما سوا بية...والله تعبت من العيشة وية يعني تخيل اسمعه يحجي بليل وية بنات و يضحك و يسولف لو يجيني سكران والله بعد مااتحمل حتى طلعة من البيت ماكو بس اروح للشغل و ارجع
جواد: هذا كلة صاير وياج و متحجيلي
جنى: شلون تريدني احجيلك واني اعتبرك مثلة
جواد: جنى لتشبهيني بهيج واحد سكط
جنى: ليش الشيء الي سويته باسراء شنوو؟
جواد: كل مااريد انسى تجين و تذكريني بالسالفة
جنى: لان ماراح اخليك تنسى....كمت و عفته
كعدت افكر شنو الشيء الصح و شنو الغلط
اريد اعيش حياتي بحرية مااريد اكمل حياتي وية هيج شخص
أنت تقرأ
أوراق مبعثرة
Romanceطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
