اوراق مبعثرة
للكاتبة رقية_ليث
البارت الاخير
قراءة موفقة
.
.
.
.
فارس: ميخالف راح احجزلج لو ما اني عندي شغل جان اجيت وياج
هدى: لتكبر السالفة اني اعرف طريقي هناك....يلة راح اروح احضر غراضي و لتنسى الحجز
فارس: ميخالف تدللين
مصطفى: اسراء حضري نفسج
اسراء: ليش شكو!!
مصطفى: اهلج عازمينا عل العشة
اسراء: لعد ليش خابروك الك دائما يخابروني اليه!
مصطفى: كالوا خابرناها ماكو مترد
اسراء: ماكو ما سمعت
مصطفى: المهم هسه روحي حضري نفسج واني راح اغسل
اسراء بدلت و خليت مكياج خفيف مصطفى طلع من الحمام بدل و شسور شعره و رحنه لبيت اهلي
الطريق كلة مشغل اغاني و فرحان
اسراء: خير شكو اليوم؟!
مصطفى بأبتسامة: ماكو شيء هيج فرحان
اسراء: الله يديم الفرحة
مصطفى: ان شاء الله
وصلنا لبيت اهلي فتحت امي الباب سلمت عليهم دخلنا للاستقبال اول ما دخلت اشتغل الضوء و كلهم صاحوا بصوت واحد مفاجأة
ظليت بس اضحك مااعرف شنو اسوي طبعا اني جان عل بالي عيد ميلادي بس ما توقعت يتذكروا و ماادري مصطفى يعرف اليوم عيد ميلادي...حضنت امي و ابوية و اختي ريم و صلت لمصطفى ظل يباوع علية و يبتسم و اني نفس الشيء حضنته و كتلة شكرا عل المفاجاة
كعدوا يغنولي و يصفگون و مصطفى وياهم عل الواهس
تمنيت امنية و نفخت الشموع....قطعت الكيكة و كلتهم كلهم
كلش تونسنا بوقتها مفاجاة ما جنت متوقعتها
انطوني الهدايا و مصطفى هديته متوقعتها كلادة حرفي و حرفة داخل قلب كلش حبيتها و كلش نازكة
رجعنه للبيت الساعة بال١٢ بليل كلش تونسنا و فرحانين
مصطفى: تونستي؟
اسراء بأبتسامة: كلشش تونست
مصطفى: عجبتج الهدية؟
اسراء: اكيد عجبتني..
مصطفى: اريدج توعديني تظلين تلبسيها دائما
اسراء: وعد
مصطفى: ممكن اسئل سؤال؟
اسراء: اسئل!
مصطفى: شنو تمنيتي امنية؟؟
اسراء ضحكت: اذا كتلك شنو الامنية ماراح تتحقق
مصطفى: شسوي فضول
اسراء: ههههه الظاهر بعد متتحمل
مصطفى: صراحة اي هههههه
اسراء: واني ما راح اكول لان ما راح تتحقق...كاعدة اكوم جرني من ايدي و صار فوكاية
اسراء بخجل: مصطفى شكاعد تسوي
مصطفى: اذا متكولين الامنية ابوسج
اسراء: اووف منك
مصطفى: ها ابوسج ما عندي مانع
اسراء: ادري بيك متقصر
مصطفى: اكيد...و غمزت
اسراء: بطل هاي سوالفك والله اخجل
مصطفى: فديت الي يخجل...يلة بسرعة اختاري الامنية لو بوسة والله اذا تختارين بوسة احسن
اسراء: اختار الامنية
مصطفى: عنادا بية تختارين الامنية ادري بسوالفج
اسراء: ابقى وياك طول العمر
مصطفى: شنو ما فهمت؟!
اسراء: تمنيت ابقى وياك طول العمر
مصطفى: تعرفين هاي احلى امنية اسمعها
اسراء تقرب مني و باسني بسرعة وخرت عنه و ابتعدت
مصطفى: و تعرفين شيء ثاني هاي احلى بوسة سريعة
اسراء دائما يخجلني بكلامة ابتسمت و رحت مااعرف احجي من الخجل حسيت الحرارة صعدت و صرت طماطاية
أنت تقرأ
أوراق مبعثرة
Romansaطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
