قصة جديدة♡♡
للكاتبة رقية_ليث
.
.
.
.
ابو زهراء: و انت شبيك بس تصيح و تضرب بأختك هاي اختك مثل متحترمك تحترمها..
رامي بعصبية: ليش هي...
ابوية قاطعة و كلة: اششش و لا كلمة تعيف اختك بحالها واني هم عندي شغل واصلة حدها ترة يلة لغرفتك و انتي زهراء هم لغرفتج مااريد اسمع صوتكم افتهمتوا
صراحة فرحت عل الكلام الي كالة ابوية لرامي
حتى يبطل يأذيني و يسمعني كلام طالع نازل
صعدت لغرفتي و كعدت ادرس
هدى: كلش مشتاقتلك والله احس البيت هدوء بدونك
علي: طبعا لان اني الي جنت ابو المشاكل
هدى: لا لتكول هيج انت جنت مو بس اخوية جنت صديقي
علي: والله حياتي اني هم مشتاقلج
هدى: كاعد تدرس و تاكل زين؟؟!
علي: لتخافين اموري تمام التمام..و صار عندي اصدقاء
فارس: هاي وية منو تحجين؟؟
هدى: وية علي ليش؟؟
فارس اخذت منها الموبايل: ايي عيني استاذ علي بس عل اختك تتصل متكول عندي اخو خطية اخابرة احاجي
علي: والله اني الحمدلله انت شلونك؟
فارس: طول عمرك راح تظل لوتي و تريد تغيير الموضوع...تعال كلي شلونهن الصاكات هناك؟؟
علي: تدري بية مااباوع استحرم
فارس: خلي يولن هاي سوالفك مو علية
علي: يعني تدري بيهن حلوات شكو تسأل
فارس: ضملي وحدة بعد اخوك
علي: ليش هنه شنو حتى اضملك وحدة...تعال و اختار عل راحتك
هدى: انطيني خلي احجي وية مشتاقتلة هستوني كاعدة احجي وية انت اجيت
فارس: لج خلي نفتهم الوضع شلونه هناك
هدى: ادري بيك كل همك البنات لا الوضع ولا هاي الخاربيط مالتك
علي: ههههه هسه منو الي طلع لوتي هااا؟؟
فارس: فضحتني الله يفضحك هههه...تفضلي احجي وية اخوج المؤدب المؤدب
ورة اسبوع داومت اسراء و سوينالها حفلة بسيطة بالمدرسة
جنى: والله الكيكة طيبة خرب عاشت ايدج زهرة ماادري بيج ام بيت و طباخة و كذا
زهراء: حبي اني طباخة من زمان بس محد يكتشف مواهبي المدفونه بقاع البحر
هدى: ايباا غير تكعد راحة الطباخة زهرة اقلها اختج علا سوتها وانتي بس زينتيها
زهراء: شبيج خليني افتخر بنفسي لمدة خمس دقايق عل الاقل...وبعدين التزيين يرادلة مهارة و وقت
جنى: حبي عاشت ايدج عليها عل عناد المضغوطين
هدى: هيج صارت طلعت اني مضغوطة...بسيطة الايام بيننا...نسيت اكلجن اكو شخص يريد يتعلم الدولمة احم
اسراء: بس لا الفايروس مال الحب يريد يتعلم الدولمة و غمزت
سارة: ليش متنجبن و بعدين شنو هاي مال فايروس الحب لتخافن مااحب
اسراء: ليش هو منو كال اسمج انتي حبي حتى اخذتيها عل نفسج هههه
سارة: اعرفجن كلش زين و اعرف منو تقصدن و بعدين يعني اذا تعلمت الدولمة يعني احب!!
زهراء: ماكو صورة منا منا؟؟
سارة: صورة شنوو؟!
زهراء: غير صهرنه المستقبلي يزن اكو غيرة
سارة: طفح الكيل...استسلمت بعدين وكتيش صار صهرجن و زوجتنه و قررتن اسماء اطفالنه بالمستقبل و شنو تلبسن بالعرس ههههه ضحكتني صراحة
و بعدين حتى لو احبه هو اكيد يشوفني صغيرة و جوز يعتبرني اخته لا اكثر و لا اقل
جنى: ﻻﻻ هيج السالفة يرادلها كعدت عشاير شنو نخليج تنهين علية
اسراء: ههههه متت تنهي علية
جنى: بكيفكم اختاروا تنهي علية لو تاخذة فصلية؟!...شنو يعجبكم
سارة: اوووف الموضوع مو مال استهزاء بطلن سوالفجن البايخة
زهراء: بس سؤال لان بعد مااكدر راح اموت من الضحك لو يصير تنهين علية جان نهيتي؟؟
سارة: لو بيدي انهي علية و اخذة فصلية ههههههه
هدى: ﻻ هاي قوية..حبي اني اعلمج شلون تسوين دولمة و بعد مياكلها راح يذوب بيج من الحب و العشق
سارة: بس ترة اني بعدني ما متاكدة من مشاعري يعني مااعرف اذا احبه او لا
زهراء: حلو لو لا؟؟
سارة: حلو و شخصية
زهراء: هاهية مابيها مجال تضيعين هيج واحد
أنت تقرأ
أوراق مبعثرة
Storie d'amoreطفولة برائة عناد مشاكل حب دراسة صداقة مستقبل عائلة ذكريات هل سوف تستطيع كل من جنى،هدى،سارة،زهراء،اسراء الاحتفاظ بكل هذه الاشياء.....
