العروبية و المفيوزي🔥🔥

البارت الاول

المقدمة:
نعرفكم براسي انا سميتي احلام في عمري 18 سنة  شعري طويل صفر عينيا زرقين او عندي لاطاي واعرة من لاخر زوينة او تيتيزة او كنسكن في لعروبية او قبيحة لهضر معايا نوريه علاش يقلب عندي ماما او خويا صافي اما بابا مات فاش كان  في عمري  11 سنة نعرفكم بعائلتي ماما سميتها رقية عمرها 42 سنة قبيحة بزاف تشوفني ندير هاه او لا هاه مكين غير gصبة او هاك بلاك ما كتطلقني حتى كنولي زرgة او خويا سميتو عربي عمرو 25 سنة ضريف معايا بزاف كنحسبو صديقي او خويا او بابا كنعاود ليه اسراري كاملين حتاهو كداليك عندو لعضلات كبار بزاف يشد شيواحد يفرشخ مو سنسول ضهرو
ندخلو لمسgي دابا .

انا مكنخدمش غير مقابلة كوري نوكل لبهايم  او  نكس ليهم هوما يزبلو او انا نكس معلانة او ماما غير شقا في دار او كا مرة تجي درب عليا شي طليلة اش ندير او بالgصبة من لفوق باش غير تشوفني درت شيحاجة تبرك عليا بشحيط وخا نكون في لكوري تلوحني فوق زبل او تبرك هاك بلاك او لبهايم يطالو

او معلانا

خويا عندو الحانوت ( الدكان ) او مدخلني لقرايا بزز مني ولكن واخا هكاك قرايا وعندي معا لقرايا شي  شوية  واخا غير على قد لحال كنمشي غير في لمركوب او مرة مرة يوصلني خويا بالموطور سنتروا كلو مخرشش او معوق يتم غدي او يحزق  او  يطزطز او  لغاببر  شانgة  

مهم معلانا.

ليوم فيقتني ماما مع 7 باش نمشي لمدرسة بزز حيتاش انا عندي واحد نعسة عالمية بحالي مدابزة مع ناموسية رجل في جيه او تانية حتا هيا او راس حتا هو في جيه او شخير او حزاق مبغاه حد او مشي ناعسة بحال بنادم تلقايني ميتة واخا تجيبي ليا لبندير منفيقش ولكن ماما فاش مكنبغيش نفيق ليها كتبدا بالقريص او نتيف او زيد عليها لكلام لحلو او لمعسل او حتى انا مسويهلاش معا راسي كلمة بكلمة هادشي غير بقا مgلوبة بنعاس علم الله كون كنت مgدة كون راه لحرب عالمية نايضة في دار  او عاد نفيق   بزز نشوف راسي في لمرايا بحال شي جنية بسم الله رحمان الرحيم بنتيف او لبجامة مخربقة سروال في ليمن او قبية في ليسر او هي تبشي او انا نبقى نبلبل منسكوتش او طالقة عداو حتى تبان ليا جايا بالgصبة نود نجري منزيدش كلمة بغتوني نصدق كلي زرقة او ندوز في الأخبار 

معلانا

نود نقضي روتين ديال صباح او نتوضة او نصلي واخا فرفارة ولكن الصلاة ضرورية او عاد نلبس حوايج ديول لبال سروال في لغوز او لقميجة في لخضر من عام حزق او شم او تقاشر زرقين او سبرديلة بيضة او طابلية معا هي بيضة ولات قرفية بالوسخ او شكارا من بيت سابعة او هي عندي ولات تطلب لعفو ولكن مالقاتوش معايا او انا دابا كنقرا لباك.
مشيت لكوزينة لقيت واحد كاس ديال اتاي ديال بارح زايدة عليه رقيوا لماء حتى ولا صفر بحال لبول او واحد لخبز الله يعطينا براكتو نيكي بيه واحد يسيل ليه دم بكثرة ماهو قاصح خليتو او زدت عند خويا باش يوصلني بداك لخرشاشة ديال موطورو

بغينا ندبرو على شي بيمو او لا شي نص خبزة فيها فرماجة باش نحايدو لخنز من فمنا  ساعة عاق بيا سد لحانوت قبل منهضر معلانا ركبني داني حنا غدين في طريق او لغبابر نايضة شانgة في سما مهم وصلنا انا هبطت او هو رجع لدار او انا دخلت لمدرسة مع دخلة كيبان ليك الناس غير شافوني شي ولا كيخاف مني شي ولا باغي يبول في سروالو اما واحدين فبركو يضحكو بيناتهم او يوشوشو عليا انا درت راسي مشفتهومش معلانا دخلنا للقسم لحصة ديال فيزياء مع دخلة وقفو عليا جوج بنات ديول لعياقة او شيكي او دايرين راسهم شيحاجة ام لاخرين راه عارفيني اش نسوا او هادوك جوج دايزين من حدايا او كيقولو بيناتهم او بصوت مسموع

هودا : شوفي هاد لمسخة لابسة كل حاجة من جيهاو باركة تصنطح   علينا  او  تصبح  راسها  جينفر  لوبيز  .

اية :و لاهيلا بصح طابلية عندها كيف لقرفية بحال كانت  تمرغ فوق زبل تبهايم او لا مليوحة في شي ضاية ديال لغيس يخ تفو ريحتها  فمها  تسمك  او  تعمي .

ناضت احلام جوباتهم او هي في قمة العصاب

احلام: 😡😡😡😠😠😠شوف على جعوقات عوجات لاخرين جايين يهضرو فيل او هوما مربين  الضفراان  كي الكلاب باركين مزوقيين كي نونوس ديال درهم او شعرهم لكرد مغاطينو بالشيشوار   او  جاايين  يفوحو  علينا  انا  بزاااف  عليكم اتريكة  لبزق  .

هدى : شوفي شكون كيهضر ضحكتني بزاف ناري خفت شدوني غدا نسخف

اية : او لا هيلا هاد بنت زنقة باركة تبات في زناقي جايا دوي  فينا 

احلام : شوف هاد💩💩💩لخريات لمطلسات باركين يدويو .
بانو  لينا هادوك لكلبات او  هو  لقسم كامل تفرشخو بالضحك او نقوليه نتوما علم الله الا حيدتو هاديك صباغة معرفت كيف غتوليوا تخلعو بنهار يعلم الله بالليل .

يالله بغاو يهضروا حتى بانت ليك احلام طارت عليهم بواحد نتفة ولاو يغوتو بحال زواية ديال عيشورة او شي مونيكة او طيحتهم الارض بدات عليهم هاك بلاك مطلقتهم حتى ولاو بجوجهم دمايات تواحد مقدر يفكهم لا من التلاميذ او لا من الأساتيذة لا من المدير كلهم يتفرجو او هي بردت فيهم غدايد مها فاش فايقاتها مع صباح بكري  حتى بردت فيهم لغدايد .
عاد  ثم جاي لمدير يقيزقز زعما باغي يفك يعوج في قليقزاتو باش يفك مع بغا يفك جاتو دقة وسط  الجبهة  حتى تدخلو  التلاميذ حتاهما بداو يفكو او مع  مع ذلك خايفين تجيهم شي دقة هما بقاو يفكو بزز باش طلقاتهوم فاش فكوهم دارت عند لاخرين قالت ليهم كل واحد يبشي لقيسمو او هاديك بانت ليك ساحة خوات   او في لاخر بشات دخلات بركات في بلاصتها (مكانها) .
سالات لحصة كل واحد فيهم مشى لخربتهوم نمشيو عند البطلة ديالنا مشات لخربتهوم دبرت على شيحاجة دورت بيها لمعدة او دخلت واحد لبيت مبني بالقصدير راشي تقيسو يريب (يطيح) عليها على راسها .
_____________________________________

الكاتبة أحلام :
اول قصة  ليا  كنتمنى  تعجبكم  او  تصوتو  ليا او  تشجعوني  الى  جاات  على  خاطركم    بااااش  نعرف  شحال من  وحدة  تبعتني او  بغااني  نكمل وشكرا هااد  الشي  اللي  نقدر نقولو  ليكم  ذرك .