العروبية و المفيوزي🔥🔥

البارت 15

فين خليناها اه صافي تفكرت خليناها فاش احلام خرجت كتجري هاربة من هاد لعائلة لي عطاها سيدي ربي او حتا بنت لكافرة بالله معارفاش راسها اش دارت راها تحدات رياض ومن لا يعرفه او دايرة راسها صعصع gاع هاد صعيصعة غيخرجها منك او معرفاش اش كيتسناها او مفخبارهاش بلي مني خرجت من لباب ديك ساعة رياض هز تلفون او عيط على لكادكورد ديالو او قاليهم تبعوها او بقاو حاضينها او يتسناو منو شي اوامر اخرى

نرجو عند ديك صgعة ليام لباقة كتجري بحر جهدها حتى رجليها ولاو كيضربو ضهرها او كتبكي فنفس الوقت حيت حست بالشمتة او ذل بقات كتجري كتجري حتى بانت ليها واحد طوموبيل جاية معيطة لونها كحل او باينة جاية قازداها اما هي بديك لخلعة لركبتها بقات واقفة بحال دوك تماثيل ديول مومياء بحال هكداك مفاقت من صدمتها غير على صوت لفران ديال طوموبيل حتى تسمعت ديك كغييييييييط حتى غمدت عينيها فاش حلاتهم تصدمت كانت طوموبيل مفوتة معاها غير بش سنتيمات صغار كن زاد شوية كن بغجها او ردها كفتة

بقات واقفة مصدومة حتى بان ليها داك مول طوموبيل هابط او كبير لحجم او لابس غير لكحل في لكحل او داير بحال واحد شال على نص في وجهو او هبطو معاه تقريبا شي تلاتة خرين حتاهما ملتمين او مسحلين او كلهم داربين غير لكحل في لكحل او لوجاه ديالهم كيخلعو صراحة بلا كدوب بلا كدوب لبطلة ديالنا تخلعت شدتها ترعيدة من صبعها لصغير ديال رجليها حتى لزغب ديال راسها لوقف او مع دالك بقا ضافعة جبهة شتو انا بعدا رفعت ايدي لسما وابزاف هاد درية معمرني شفت بحالها

احلام: ( مخلوعة او في نفس لوقت مبينة ليهم قناع لبرودة) اش واقع هنا مالك اخويا مكتشوفش شوية او مدخل فيا مالك عور لمرة جاية سير دير نضاضر اصلا شكون هاد لحمار او لا هاد لمكلخ لي عطاك لبيرمي مالك خارج ليا او جايب ليا هاد تلاتة معاك زعما حتال هاد درجة انا كنخلع

ديك دربها ليها بواحد تخنزيرة تحست براسها شوية مطلق لبولة في سروالها او ولات غير تسرط في ريقها حتر قال بصوت فيه نبرة حادة او بالأمر

شخص: طلعي في طوموبيل بخاطرك او لا بزز لكي الاختيار

اما هي غير سمعاتو اش قال او هو يبرد ليها لما في ركابي او حست براسها في خطار او بغات تستنجد بشي واحد ساعة لقات غير ربي او رحمة مكين تاوحد او اصلا هاد لبلاصة باينة فيها خاوية او هي تهز راسها بانو ليها باركين كيوشوشوا ديك ساعة او هي طلق رجليها ريح اما هوما غير شافوها غدا هاربة ديك ساعة تبعوها كيجريوا بقاو جري عليا نجري عليك حتى شدوها او بغاو يكتفوها او هي مضاربة معاهم ضرب هدا او تعض لاخر وا ولات كترطا فايديهم فحال لاستيك حتى سخفتهم او هو يخبد واحد فيهم كلينكس او دار فيه منوم او حطو ليها على نيفها حتى طاحت ناعسة بين ايديهم ديك ساعة كتفوها مزيان او داوها لطوموبيل ركبوها او هم يكسيريوا نخليوا هادوا يتبعوا لأوامر ديال رئيسهم او يله نمشيوا حنا عند رقية او لعربي لي منوضين لحيحة فداك لقصر اشوية او مايريب فوق منهم كل واحد او يلغي بوحدو احتا هضر لعربي معصب كثر من لقياص

لعربي: الله ينعل بوووو نهااار لي فكرت نجي لهاااد جايحة لكحلة لدربكوم كاملين او نتهنا منكم اتفوووو دبااا هاااد احلاااااام فين غتكون بشااااات او نتا كااان موجه صبعو جيهت محمد او هو يخبط واحد طبلة برجليه حتى قفزاااتو او برك يخبط فيها بالبونيات ااااااااع شكون نتااا لي تهز عليهاااا يابن الكلب وجهك داير لحماااار هاااااا كنتي كتولد فيها كنتي كتربي فيها هااااا قوليا نتا لي كبرتيها نتا لي كنتي كتحامي منها فين كنتي زتا فاش كانو دراري فالمدرسة كيضحكو عليها او كيحgرو عليهت حيت معندهاش اب لي يحميهة فين كنتي حتال دااابا عاااد باااش جااااي او كملتيها او جملتيها فاش ضربتيها ممنحقكش تهز فيها حتى عينيك يابن لقرد لاخور اتفوووووو

رقية:🤬🤬🤬🤬صافي داااابا بردتي او عجباك لحال ياك هاااا فرقتيني من ولدي لوسطاني او حرمتيني منو بقات ليك غير احلااام حتى هي فرقتيني منها سير انا دعيتك لربي اهئ اهئ اهئ اهئ وليت تنكرهك دابا فين غتكون بشات بنتي الله ياربي الله الله ينعل نهار لي تفكرت فيه نتوزجك سير الله ينزل عليك نعلة سير انا بغيت ليك غبارة تغبرك عليا منهنا سير الله يعطيك الوعص سير الله يعطيك شي موصيبة سير انا بغيت ليك شي كسيدة تشتك او نتهنا منك سير الله يعطيك الضوسة انشاء الله شتي انا بغيتك معمرك تشوف نهار لبيض في حياتك

واهنا غتكون سلات لحلقة الى اللقاء❤❤