اصبحنا واصبح ملك لله
فاقت البطلة ديالنا على الصداع لي في رجليها المهرسة مع حلت عينيها او هي تبان ليها رقية باركة ليها على رجليها منضرها كيخلع حيتاش شعرها واكف او عينيها فيهم دعموش او وجها مغسلاتوش او حالتها حالة مع شافتني حليت عيني او هي تبدا
رقية: نوضي تgعدي غبري عليا زلافتك لمدرسة او نتي مشبحة ليا هنا هاد البيت رديتيه كي شي كوري ريحتو خانزة بالصوارخ لي من صباح او نتي خدامة فيهم بغيت غير نسولك هاد راجل لي غدي تزوجي كيفاش غيدير حتى ينعس حداك غير ليلة وحدة مسكين واقيلا مع غيبغي يغمض حتى تقفزيه بشي نووية حارة من داكشي شي رفيع او غادي يعمى بكري بريحة الخنز
احلام : ( بقا مبوقة بنعاس )شتي داك راجل خليتو ليك ربحي بيه كيشتي نتي مطفراه ياك راجلك مات شحال غير بالخلعة ياك فين ما ينوض كلا صباح حتى بدا يطلق زواكات ديال البنات حيت بكل بساطة كتخلعيه واش نتي كتنوضي شعكاكة واكفة او مكعلة او موسطاجك قد موسطاجو او عين مسدودة او لخرى محلولة او مدعمشين من لفوق شتي الواليدة سيري خلينا ساكتين في هاد صباح
رقية :ياك ابنت لمجدرمة دبا ان كنت كنخلع باك حتى مات واخا عليك سالgوطة تحل لفم ولكن دبا نهرسو ولكن ماشي دبا حتى تبرا ليك رجل عاد نتفاهمو
انا عرفت لقضية حامضة هزيت عكازي باش نمشي لكابينة ساعة مع وقفت زدت جوج خطوات او انا نضربها بواحد مولاتي طيحة راسي لتحت او رجليا لفوق بقيت واحد 5دقايق بحال هكاك حتى جات نوضتني رقية او علمتني كيفاش نتمشى بيه او عاوناتني حتى بشيت لكابينة او درت روتين اليومي او لبست حوايجي او خرجت عند داك المعواق ديال لعربي باش يوصلني لمدرسة مهم بقيت نتسناه حتى سد الحانوت عاد عاوني ركبت في لموطور او ركب حتي هو ولكن العداب مع رجلي خاصها تبقي مسرحة مع جبص كلها تحردت مع شانطي موصلت المدرسة حتى غفر ليا الله ذنوب
مشيت دخلت المدرسة دراري او البنات كاملين كي تشفاو فيا او زعما كيديرو فيا شوفات الشفقة انا درت راسي مشفتهومش كنت الحصة ديال الفلسفة واحد استاذة شارفة او جاتها مراهقة المتأخرة مهم دخلت بركت في طاولة رابعة او بركت نتسنا استادة تدخل حتى بانت جاية ديرا 5كيلو ديال مكياج او لابسة طالون فيه متر تقريبا او كسوة حد ركبة
استادة : سلام عليكم
الكل إلا انا : وعيكم السلام ورحمة الله وبركاته
احلام: استادة فخبارك جيتي فنة كتحمقي
استادة : ( الفرحات )😃😃😃شكرا ليك بزاف احلام نتي احسن التلميدة عندي
احلام :الصراحة استادة كتشبهي لجدتي الله يرحمها تاهي كان وجها مكمش بحالك خسارة هي مكانت كطلس لكمارتها والو الله يرحمها
استادة 😡😡😡دابا انا كنشبه لجداتك اوا الله يمسخك اسالgوطة لاخرة
احلام :ميبقاش فيك الحال استادة عادي واخا نتي كتباني كبر منها ولكن مشي مشكيل
استادة عينيها غرغرو بحالي بغا تبكي او فلخر خرجات مبقات رجعات صونات ساعة او دخلنا عند الإجتماعيات كنكره هاد المادة اوستاد بقا بلا بلا طاطا حتا صونات ساعة او دخلنا عوتاني عند رياضيات عدنا 2سوايع دخلنا تاهو بقا يشرح او يعطينا التمارين نخرجوهم حتى صونات ساعة تانية خرجت قدام الباب المدرسة كنتسنا داك العوج ديال العربي يجي ديني بقيت واقفة شي 10 والو مجاش او انا نمشي على رجلي بقيت حتى دربت نص في طريق او انا نعيا او رجلي عطاتني الحريق او الجوع مع مفطرتش مزيان او شادني العصاب حيت كعما جا ليا لعربي شدني العصاب كحل مهم مستسلمتش بقيت كنتمشى حتى براسي مبقيتش قادرا نزيد او هي تبانليا واحد الحجرة او انا نمشي نبرك فيها
___________________________________
سلام بنات كنتمنى البارت يعجبكوم وخا مكيضحكش انشاء الله البارتات لاخرين يكونو كيضحكو او لعجبها البارت او بغاتني نكمل لقصة دير نجمة او تخلي كمونطير
أنت تقرأ
العروبية و المفيوزي🔥🔥
حركة (أكشن)كتهضر لقصة على واحد لبنت العروبية بالامتياز او قبيحة لواحد الذرجة مكتصورش على البال تقوول لمنطير لا نطيير ايوا نخليكم تكتاشفووها معانا في القصة .
