العروبية و المفيوزي🔥🔥

البارت 11

احلام: وااا كوااك  اعيباد كيفاش غنفهمو بلي لواليد راه مات سمعتي مات  فاش كان في عمري هديك 11 عام

اما اب احلام فهو اتصدم صدمة لعمر  مكانش كيصحابليه بلي رقيوة قالت لولادو بلي راه مات او هي عارفاه باقي حي مكانش متوقعها منها هو عرف راسو دار بزاف  الأخطاء  معاها ولكن ماشي حتى لديك درجة تحرمو من ولادو او تكذب عليهم تقوليهم باكم ميت او هو باقي حي تم تم دار عندها بحال داك جاهل عينيه حمرين بالأعصاب او هو يتم غادي قازدها غير مع وصل هز ايديه حتى لسما سابعة او هو  ينزل عليها لحنك حتى  تسمعت صلاااااي

اما احلام غير شافتو صرفق مها ديك تصرفيقة او هي عينيها يخرجو مامتيقاش اش شافت غير استوعبت بلي داك كيلو لاروب صرفق مها او هو يسخن ليها راسها او لقرودة بركو يلعبو ليها فوق راسها او حست بودنيها يصفرو عليها او هي تم غدا قازداه بحال داك لمنيوش غير وصلت او عي تقول بالغوات كشاكشها خرجين او جها حمار دليل على انها معصب لأقصى درجة

احلام:🤬🤬🤬 شكون نتا لتهز ايديك لمسخة على لواليدة دوي الكلب اش كيسحاب ليك راسك مالك الكون  مسيفط لينا دوك لفيران ديولك قلنا مكين باس ولكن تهز ايديك  مسخة على لواليدة  ابن........... لاخرة منسمحش ليك اوجه......... دلقوشك كبر من راسك او عينيك خارجين عليا تم كي موكة اتفوووووو عليك لا نتا او لا دوك جريوات ديولك ( او هي تقاطعها رقيوة)

رقيوة:( بالغوات) احلااام هداك لي كتعايري فيه راه بااااك ( او وركت عليها) سمعتي باك كعما مات باقي حي غير طراو واحد لمشاكيل انا وياه او تفارقنا اه او نزيدك عندك خوووك سميتو ايمن خداه معاه او نتوما بقيتو معايا او نتي كنتي صعيرة كنتي كتبقاي تبكي عليه حيث كان عزيز عليكم نتي او لعربي هداكشي علاش اضطريت نكذب عليكم سمحوليل اولداتي

احلام:( بصوت باكي او مجروح) هادشي لكنتساهلو من عندكم اه دوي عاد دابا فهمت حولك فاش كنتي كتسهاي كتبغي تعيطي على لعربي او كتقولي ايمن فاش كنا كنسولوك شكون هو ايمن كتقولي غير خويا حتى لهاد درجة حنا مكنهموكش عشنا معاك لجحيم او بقينا ساكتين كنتي كتنتاقمي منا على شي حاجة حنا معرفينهاش او ما لينا فيها حتى شي دخل كنت كنتمنى غير شي نهار تعيطي عليا بنتي بحال جميع امهات ولكن لا كنتي دايما غير كتعايري فينا انا او لعربي على والو مهم خاصك تعرفي واحد لحاجة هي انني وليت تنكرهك من اعماق قلبي اوا ربحي بولدك ايمن دبا او عيشي ليك لحياة

رقيوة : 😭😭😭( ببكاء) احلام ياك غير كضحكي معايا ياك ابنتي دوي مالك ساكتة عفاك قولي شي حاجة ابن( قاطعتها احلام)

احلام: اولا انا ماشي بنتك او متبقايش تعيطي ليا ببنتي تانيا انا مكنضحكش معاك هداكشي لي فقلبي قلتو ليك ثالتا انا وليت كنكرهك بزاف

رقيوة: ( او هي تمشي عند لعربي او هي تقول ليه) لعربي ولدي ياك احلام غير كتكذب عليا حيث خبيث عليكم لحقيقة ياك سير هضر معاها او رجع ليها عقلها نتا خوها لكبير او كتسمع ليك كثر مني حتاش كنتي قريب منها بزاف او كتعاود ليك كلشي عفاك اولدي لما سير هضر معاها

لعربي: هههههههه فخبارك ضحكتيني كيفاش ولدك ياكما نزل عليك لوحي فجأة انا ماشي ولدك او نزيدك انا مغنهضرش معا احلام حيث هديك لهضرة كاملة لgالت انا متافق معاها عليهاحيتاش بكل بساطة كل حرف خرج من فمها كان صحيح

______________________________

سلام لبنات لباس عليكم نتمنى تكون بألف خير سمحوليا الى تعطلت عليكم مهم كنتمنى يعجبكم لبارت او لي عجبها دير شي نجيمة او لا كومونطير فصلا وليس امرا