العروبية و المفيوزي🔥🔥

البارت 2

نمشيو عند البطل ديالنا نتعرفو عليه

كنعرفكوم عليه سميتو رياض عندو عضلات كبار بزاف او زيد عليه لوشام ديال سبع من لاخر بوgوص  (ليشاف هادشي كامل يقول هنا نبات) عمرو 26 سنة لباس عليه خدام رجل اعمال في شركة او هو لمدير ديالها او هو صارم فالهضرة معندوش معا لمزاح غير تبغي تمزح معاه يفرشخ بوك عصا (يرد ليك ضهرك رطب من كرشك) مهم نمشيو لحاضر

فاق لبطل ديالنا على تليفون معمرو باش يفيقو ناض دار روتينو صباحي توضة او صلى حيتاش صلى ضرورية او لبس حوايجو عبارة عن كوستيم  كحل (ماشي بحال بطلة الله يعطيها ذل سروال مدابز مع قميجة او هما بجوج مدابزين مع تقاشر او سبرديلة) مهم طلعات ليه لخدامة قهوى كحلة شربها او من تم شد طريق لخدمة بقا غدي او حادي طريق مع مشي هو لسايg  شيفور هداكشي علاش مهم وصلو قدام واحد شركة كبيرة بزاف او الناش غير هيكلاس هبط من طونوبيل تم داخل gاع الناس كيحتارموه اما البنات فراهم غير حالين فامهم (نتوما سدو فامكم راه موت كدور هههه) مهم تم داخل دخل لبيرو شحال واعر غالب عليه الكحل كبير بزاف عندو واحد لبيرو شحال زوين او منظم تبرك فيه متسخاش تنوض منو دخل برك على كرسي كيتسنا لخدامة يجيو يوريوه مشروع ديالهم اما هو فعلن على اجتماع بعد 5 دقايق بانو ليك الموظفين داخلين باش يبداو في الخدمة مهم كل واحد فيهم علق على  مشروع ديالو او ناضو خارجين يكملو خدمتهم حتى هو مشا كمل الخدمتو من بعد مسالاو كل واحد بشا لمعشوشتو

نرجعو عند البطلة
من بعد مدخلات لبيتها متقولوش بيت قفز او لا  عشة   ذيال  لحمام ولي عندهوم لعشة  ذيال الذجاج حسن منها هي معلانا عندها هداك لبيت نايضة فيه لحرب العالمية كل شرويطة في جيه معلانا بدلت حوايجها باش تخرج تنكس بهايم لبست لحوايج ديال نكيس بعد دخلت تعلفهوم مشات خلطت ليهم الماكلة فاش سالات من تخلاط يالله غدا تبدا تفرق عطات اللول عطات التاني يالله غتعطي التالت حتى بان لك ردحها  لعجل  الثاني  واحد ردحة عالمية   اما هي  فراها ضربت واحد طيحة عجبية ولاو يبانو ليك رجليها معلقين في سما او ولات كلها عامرة زبولات ولات تبان بحال لعزاوا الكحلين بحال هكاك بدات تغوت سمعتها رقيوة مها زعمة جايا تشوف  أشكاين  او جايبة مسويطة في ايديها هي البنت فرشخة او الام جايبة مشحاط معاها مع وصلات شافتها بديك لحالة او هي طلق العداو .

رقيوة  : واهديك لمسخوطة لكحلة وتي سيري الله يعطيك حكة او قلة ظفران سيري بغيت ليك لهرس (وانتي سيري واش نسيتي راها مهرسة عاد زايدا دعي فيها) سيري الله يعطيك موصيبة و لحبس

احلام: و رقيوة ونتي تشوفي حالتي او زايدة فيه اه يسلامة ياربي واش انا بنتك او لا عدوتك

رقية :اتي  سكتي هاديك وجه نحس سير الله يغرق ليك شقف انشاء الله

احلام : و عاونيني نوض نتي من صباح او نتي دودودو ياربي سلامة بحالي سارطة كسيطة (ولي سارط كسيطة راه كيسكت ماشي بحالها هيا مردتش لسانها لور)

مشات مها عند احلام عاونتها حتى وقفات او تمت غاد شادها او مع دلك مردتش لسانها لور بحا حنش بوسكة لمهم بشاو دخلو لدر عوناتها حتى مشات هاديك لقفز ديال دجاج( زعمة بيتها) مشات تمغطت فوق واحد لهيدورة ديال عيد فاش كانت عندي 14 سنة عرفتي تشوفيها تقياي فوق منها لمهم تمغطت فوقها او هي كتمرغ حتاش مهرسة .

بشات مها عاد خوها لحانوت باش تقوليه يديها لسبيطار ديال لحومة وصلت عند ولدها لعربي قالت 

رقية : سد اوليدي الحانوت او جيب معاك هداك خرشاشة ديال موطورك باش توصل هاديك لمجحومة ديال ختك ردحها عجل

لعربي: واش مقسحة او لا مهرسة او لا شنو واقع ليها  من لاخر نتوما زبلوها اجيوا عندي انا

رقية:  وزيد قدامي هداك منونخ قبل منصدق خابطاك هداكشي لخلاتو المجحومة ديال ختك زيد كما تانتا

لعربي: هاهو غدي غيرهانينا .

مشات رقية سبقاتو او هو خلاتو بشا يجيب خرشاشتو هداك لمعوق ديال موطور معلانة مشاو لدار دخلو عندها هداك قفز مهم لقاوها مغطة تمرغ مشا عندها خوها هزها داها حطها فوق لموطور تم غادي بيها فيما دوز شي طونوبيل بسرعة يبان ليك الموطور بشا او جا يتمايل مهم وصلنا لسبيطار ديال لحومة مع دخلنا لسبيطار بان ليك بشار منشور شي بارك في كراسة شي في الارض او شي واقف او شي فوق شي بحال باطة سردين مهم سبيطار تبارك الله نقي تشوفيه تبغي تقياي فوق منو معلانة  بقيت شادة نوبة حتى وصلاتني نوبة او دخلت عندو بقى يعربط عليا هزيت ايديا لقيتها معاه بواحد تسرفيقة حتى دار ولا يتمتم مهم قاليا راكي مهرسة من رجل ليسرا او دخلني دار ليا راديو او دخلني باش يدير ليا لgبس معلانة دار ليا لgبس او عطاني واحد شاسية ديال دوا نشريها او قال ليا مشي مشكيل الى مشيتي لمدرسة او لعgاز تاهو مهم بشيت لدر حطني خويا او هو بشا باش يهز واحد صرييف باش يشري ليا دوا اما انا فدخلت لقيت رقية تسنا فيا دارت ليا ستيجواب او هي تسول او انا نجاوب في لاخر بدات بالعداو مسكتتش بحالي راديو او خدام واخا تسكتيها من فمها تهضر بالإشارة  او انا نقول ليها

احلام: واتي نوض تgعدي من حدايا وجدي ليا مناكل راه من صباح متحطتش نعمة في دلقوشي

رقية: هدا هو الاحترام لي تحتارمي بيه مك او اصلا هاهيا نايضة انا لي دايرة فيك راسي

_________________________________
الكاتبة احلام كنتمنى تكون عجباتكوم حتاش اول قصة ليا او كنطلب منكم تشجعوني بالنجمة او شي كومونطير باش نكمل ليكم