احلام : تنساك الموت ابن كافرة بالله يعطيكم غبارة تغبر ليكم كمامركم زينة
مهم شافت تاعيات او هي ضرب في رقية او هي تمشي لبيتها
مشات دخلات لدك مترو لاروب ديال طواليط ( حشاكم ) باش دوش
دخلت لطواليط دوشت بالواقفية او غير بالماء بارد داغي زربت على تدواش مهم دوشت او خرجت من لكابينة او بشات لبسات حوايج عبارة عن 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مشات نيشان عند رقية او هي تقوليها
احلام: وارقيوة كاين مناكل را صافي عيت بالجوع والله لعظيم
رقيوة : هاهي تايضة تجيب ليك متحنجري اوا مشات لكوزينة لقات طويجين باقي فيه شوية هزاتو ليها هو او لخبز او مشات حطاتو ليها قدامها فوق طابلة
اما عند احلام فغير شافت طاجين عينيها حوالو هزت ليه لغلاقة او بركت هاك بلاك او رقيوة تنغز فيه باش تاكل حيت ناس كيشوفو فيها او تgول واش هزات راسها حتى لحست طاجين عاد باش هزاتو او دربت ليك واحد تgريعة حتى بدا صوت كيتعاود في دار
مهم عرgاتها بالمعقول او ناضت مشات غسلت ايديها مع تمت راجعة لاحظت الناس ليباركين او هي تقول في خاطرها
احلام: اويلي تي شكون هادوك او امتى جاو علاش مشفتهمش حتال دابا او هي تقول بالجهد
احلام: رقيوة تي شكون هاد قماقم لي باركين هنا اما رقية مصابت باش تجاوبها او سكتت مهم مشات رقية بركت فوق سداري بركت تشوف فيهم👀👀👀👀حتى معرت اش تفكرت او هي تقوليهم
احلام: شتكم داخلين طوال لا دانون لا بيمو وغير حلوة نحليو بيها فمنا را قلوها ناس لولين كتوحل غير مع شبعانين
اما ناس بقاو غير كيضور فعينيهم معرفو ميقولو او هي تقول عوتاني
احلام:شكون نتوما او اش جايين ديرو هنا او نتوما باينين خانزين فلوس او هو يهضر واحد فيهم
شخص1: جينا نهضرو معاك نتي او خوك لعربي
احلام: انا او لعربي اش بغيتي تقول لينا بالسلامة او اش غدير بكمامرنا
شخص2: موضوه مهم بزاف خاصكم تعرفو واحد لحاجة .اما عند رقيوة فبدات تقطر بالعرق خايفا يعاود ليهم لحقيقة
احلام: شناهي هاد لحاجة فملك الله لمهمة او خطيرة تالهاد درجة شخص1:( عصباتو) وا سكتي او غاتعرفي شناهيا
احلام : هاهيا ساكتة يله دوي خلاص
شخص2: دابا نتي عندك خوك قاطعتو
احلام: اه هاد صلع( هو راه ماشي صلع غير مسمياها عليه) ديال لعربي هادا هو لموضوع خطير
