العروبية و المفيوزي🔥🔥

البارت4

فاقت البطلة ديالنا على وجع لي فكرشها او حاسة براسها مزيرة بغات تمشي لكابينة حيتاش جاها اسهال حاد او معرفت كيدير تنود او هي مفلعصا من رجليها او هي طيح عليها فكرة انها تبدا تبرح على رقية تجي تعاونها باش تبشي لكابينة

احلام :🤐🤐🤐😫😫( بالغوات) وا رقية وا نتي نوضي تgعدي عتقيني الله يعطيك رgادا انشاء الله

فاش شفتها مجوبات او انا نطلق لعداو

احلام : وا رقيوة وا قيوقة وا قوقاو واتي نوض انا بغيت ليك لgرد واش انا حابساها او نتي باركة تشخري شخير واصل زنقة وا لموصيبة لكحلا وا بو موسطاش وا بو لحيا واتي نوض تgعدي سيري الله يعطيك غبارة تغبرك

عاد باش بانت ليا رقية جاية تمايل بنعاس او راسها واكف زعما شاد ردار مشعكك او موسطاجها طالع او عيننيها معمشين او لابسة اليد في بيجامة او لخرى مخرجاها من تحت بيجامة ( نخليكم تخايلو كيف غاتكون ) او هي تقول بصوت غالب عليه نعاس

رقية : مال موك باركو تجعوقي اش واقع هديك بنت لمجدرمة لاخرا اتي دوي هديك لمجحوما اش بغيت مصبحا لينا نبوري تي اش من نبوري راها بقا ضلمة طايحة سيري الله يعطيك تجغديد ابنت سلوكية لاخرا

احلام : 🤐🤐🤐واتي عاونيني نمشي لكابينة لا نصدق طالقاها هنا سربي راني شاداها غير بزز

رقية عاد فهمت بشات عطاتها لعgاز او عاوناتها حتى وصلو لطواليط او هي تخليها دخل دخلات احلام او سدات عليها لباب اما رقية فكانت مgلوبة بنعاس بركات قدام لباب ديال طواليط او بدات تسمع تخ تخ تخ طوووز 💨💨💨او زيد عليها روائح كريهو و المقرفة معا كانت ساهية حتى قفزات او هي تبدا : سيري الله يعطيك تفرgيع انت لواكلا زرع تفو الله يخليها سلعا

ناضت على وعدها او سعدها مشات من حدا لباب بقات كتسنا فيها شي نص ساعة او هي واقفة عيات او مشات يله بتحط قلاقزها لارض او هي تسمع لباب تحل اما لالهم احلام بقات واقفة قدام لباب تسنا في مها تجي تعاونها او والو مجات او هي

احلام : نتي زيدي عاونيني تي باركا تحنزي فيا عينيك خارجات

رقية : واش هبلتي ولا مال مك نتي واقفة قدام لباب طواليط او بغيتي نجي او لاهيلا هترتي ما فيهاش شك

احلام :نتي مالك راه طواليط مافيها والو ياكما طلعات ليك سخانة ابو موسطاش

رقية : 😠😠😠 اجي نوري بنتي لموسطاش كداير او طواليط راه الا وصلت غيتقدا ليا اكسجين بغيت غير واش ميت فكرشك حمار او لا بقرة وا بزاف ابنيتي كون راه طواليط طلب شرع او ملقاهش معاك

احلام : او نتي كوتحطي لبعرود منفg بالورد ياك تاتي فاش كدخلي ليه كترفعي دار كاملة او تزيدي تكمليها او تزيينها باه اه اه اش هاد ريحة غيكون غير لواد لحار تفرgع

رقية : غير جيتيني مهرسة من رجلك اما والله حتى كنت لي نديرو منعاودو ليك

احلام : نتي كلام لحق متبغيهش بركت تعيبها 😣😣 او لا كنت لي نديرو ليك منعاودو ليك واتي غير سيري حيدي غير داك لموسطاش واقف كي تاع با الله يرمحو او يوسع ليه بيبان ترحمة

رقية : امين الله يرحمو كان رجل طيب

احلام : بغيتي تقلبيها ايمان تي زيدي عاونيني راه اصلا هاد ريحة باش تحيد ليك كورونا

مشات رقية على وعدها او سعدها لطواليط غادة او تنgر او تعاير في احلام غير وصلت او هي تبدا كحح كححح وا تي راه ريحة لا تقاوم مقداتش تصبر او تجر احلام من مرفgها تمات غادة بيها لبيتها اما احلام دايرة ليها رقية بحال داك جريو لي تكون صابا عليه شتاء هكاك داير ليها كل وقيتة كتجي على فمها او تحنى توقفها او تعاود تجرها بنفس طريقة حتى وصلو لبيت او هي هي تلوحها جات مغطة فبلاصتها جرت عليها غطاها او هي تنعس

______________________________
بغيت نقول ليكم رمضان مبارك سعيد الله يدخلو علينا او عليكم بالصحة او سلامة او راحت لبال او يحيد علينا هد لوباء كنتمنى ليكم رمضان سعيد

مهم انا لاحت هاد لبارت كنتمنى يعجبكوم واخا قصير غير سمحوليا و كنتنى انكم تفاعلو معايا او ديرو شي كومنطير او لا نجمة ✨✨✨✨باش نكمل ليكم لقصة فضلا وليس امرا