العروبية و المفيوزي🔥🔥

البارت 3

رقية :هدا هو الاحترام لي تحتارمي بيه مك هاهيا نايضة ان لي دايرة فيك راسي ابنت لمجدرمة لاخرا

مشات رقية لكوزينة باش توجد لبنتها متجغدر مهم لقلات واحد نص كاس ديال اتاي لي باقي عرفاتو مغاديش يكفاها هداكشي علاش قالت دغنشو زعمة تزيد فيه لما هو صفر او يزيد يكمل معلانة زادت فيه لما بقات تشحر فيه او تعاود تشحرو حتى تحرك ولا يبان كحل او قلبت لقات واحد دغمة ديال لخبز ندبحك بيها او يسيل دم او قلبت بوديزة ديال زيت ساعة لقات فيها غير دخا او ناولات ليها داكشي في بلاطو ديال لميكة واكلو لفار كامل

مشات رقية دات لأحلام الفطور غير مع دخلت احلام شافتها هازا داك لبلاطوا او هي تقول

احلام 😩😩😩غير سيري ردي داك لمشقوف ديال لبلاطو سفي شبعت

رقية 😡😡😡كبرت ليك شان ابنت لمجدرمة لاخرا انا ليدايرا فيك راسي لهلا يطيحو في كرشك

احلام :سفي تسدت ليا شهيا بلاش اه لهلا طيحو فكرشي بحالي اش جايبة ليا ياك بلاطو واكلو فار والخبز محروg و اتاي ديال ولبارح فيما تنوضي تزيدي فيه لقامة طلبات منك عفو او ملقاتوش او غير دخا ديال زيت او مزال عندك لوجه باش تهضري او لا هيلا زوينة هادي تبشي عند الناس تحط لك يامنك زبودات او فرماج او كوفتير او بغرير او ملوي او نتيا لعام لجا يلقى عندك هاد لفطور زين تبارك الله عليك

ناضت احلام بشات لبيت ديالها بالعكاز مع وصلت تلاحت فوق هيدورة او دربتها بواحد نعسة مفاقت حتى 7 ديال لعشية ناضت توضات او صلات او خرجت متاجهة لكوزينة بالعكاز مع مكتعرفش ليه كل نيبة تبغي تجي عى كمارتها ولكن واخا هكاك راها شادة التوازن ديالها مع وصلت لقات مها سيرا ترد في لعشا لعبارة عن طجين فيه حبة وحدة ديال لبطاطا او جوج زيتونات او جوج عروكا ديول خايزو دارتو فوق لبوطا يطيب مع دارت شافتني كحلت بالعمى لقطة واحد لغوباشة قد سطل ياربي سلامة او هي تقول

رقية:بسم الله الرحمان الرحيم معرفت منين خرج ليا هاد حنش بو سكة

احلام : بزاف عيك حتى تكون بوسكة مهم ماشي بحالك نتيا قد البوطة (نكير ديال ضريرات)

رقية : ياكما سخنو عليك عضيماتك راه مشحاط موجود

احلام :لا ماما أنوارة دار مشحاط لا ألحبيبة ديالي كبيدة ( لواه لمسارن هادو )

رقية : إنا صباغة هادي واش كلورادو

احلام : حتى انا باسي معرفتش واش صباغة كلورادو مهم لكنعرف هي انها صباغة

خلات مها تبيشق فعويناتها اما هي فراها دازت من حدا مها او دخلت لكوزينة تقلب على ما تجغدر معا راكم عارفين مدخلت نعمة لكرشها مني فاقت او هي غير على ريق بقات تقلب في لكوزينة او والو ملقات حتى شيحاجة اما رقية فباركة تشوف فبنتها تقلب او تضحك عليها ( على ود قاضية ديال قبيلة ) او هي تقول لبنتها فخاطرها

رقية : قلبي مزيان راك والله لا لقيتي شيحاجة ابنت الكامونية لاخرا الا متحكيتي متعطيش ريحة

اما احلام فعرفات راسها مغتلقى والو هداكشي علاش قالت حتال يطيب لعشا او نجي نجغدر معاهم او نشرب دوا من هاديك لخنشة لجاب ليا لعربي مهم تسنيت تاعيت مبانش ليا لعشا او انا نشرب بوه على جوع او اجيوا تشوفو لفضيحة لي دار ليا بغيتو تعرفو شنو دار ليا انا نعاودك ليك دار لختكم اسهال او مع انا معوقة من رجل منقدش نمشي طواليط او مع كتعرفو اسهال واعر مجيت فين نوض حتى طلقتها او زيدو تشوفو غريبتي حالتي كلها طليتها او لحزاق مبغاه حد كتسمع غير طز طز طز💨💨💨💨💨 عاد تفكرتني رقيةجايا تعيوج فقليقزاتها ساعة فاش شافتني في هاديك الحالة بانت ليك بحالي درت ليها شي مفاجئة 😲😲😲 حلت فمها حلفت الا سداتو او مع صدمة بدات تضحك 😅😅😅😅 حتاش لي شافني في هاديك لحالة يتكرشخ بضحك حيتاش وليت كنبان بحال شي دري صغير فاش كتحيد ليه مو ليكوشة او مزال مكيعرفش يمشي طواليط او كيديرها في سروالو وليت انا بحالك كنبان او فتو كاع اما رقية عاد فاقت من لgبة او من ضحك حتاش عرفت راسها بلي هي لي غادا تغسل ليا او طلقت لعداو اما انا فبقيت واقفة متحركتش حتاش 💩💩💩💩خفتها لطيح في الارض اما رقية فمردتش لسانها لور شوية جات شدتني من شعكاكتي او داتني لطواليط مع وصلنا لاحتني في الارض او مع ختكوم معوقة زادت عليها هاد خبطة لخبطتني رقيوة مهم دوشت ليا بالماء بارد باش تنتاقم مني او مكين غير لقريص او نتيف او نgير حتاش درتها في سروال فاش مني سالينا خرجتني لبستني بالغدايد او مشي حتا شي حوايج يحمرو لوجه غير واحد سروال كل متقوب من ركبة قالت حكا ما حكا واكلو لفار اما واحد تريكو فمتقوب من جيهة بيطان مزادت منقصت ( اصلا اش عندها متنقص ) اما انا فشدتني تبورشة حيتاش دوشت بالما بارد او ملابساش مزيان او مكايناش حتى شي مانطة تغطاو بيها كاين غير واحد ليزار ديال صيف مهم تخشيت فيه او مسخنتش بقيت نتفتف بالبرد او نترعد مكين لداها فيك  بقيت نترعد حتى بان ليا داك لمجحوم ديال لعربي جاي يطل عليا زعمة كبقايت واش شوية او هو يقول ليا

لعربي : احلام كبقايتي شوية بقا كدرك رجلك

احلام : 😡😡😡نوض تهز من حدايا لا نصدق رادحاك يالله نوض تكعد واش يله تفكرتيني يالله نوض غبر من كمارتي

لعربي : سمحي ليا والله مدرتها ليك بالعاني اختي مكنتش مسالي

او هو يجبد واحد لخبزة عامرة بالكفتة من جيبو اما انا فاش شفتها عينيا ولاو يدربو لقلوبة😍😍😍 حتاش مدايقاش نعمة من صباح  غير بانت ليا او انا نقز عليه خطفتها ليه من ايدو او بديت هادي در هادي لا حتى كملتها اما هو فاش شافني كلي نترعد بالبرد بشا جاب ليا واحد  مانطة سخونة  او غطاني بيها اما انا فاش غطاني عاد رجعت فيا روح او نعست معقلتش على راسي

فاصل و نواصل

دابا هادا واحد راجل مشى عند بنتو لدار بيضاء مع وصل لقاها موجدة ليه لغدا او شلاضة او عصير ديال باربة مع كان حال سخون بقا يشرب في لباربا يشرب  يشرب حتى شبع ولا حاس براسو غيتفركع بقا بارك شوية او هو يمشي طواليط معا قوة لباربا بزاف دارت ليه اسهال او هو يغوت على بنتو

راجل : وا بنتي واتزيد نقول لك

البنت : وابا مالك اش وقع ليك اش بغيتيني

راجل : واتي جيبي ليا لخرقة را هديك لي كاتجيكم جاتني ( اما هو راه مافيه والو غير باربا )   

_______________________________
الكاتبة احلام بغيت نقول ليكم شكرا على المتابعة ديالكم او كنتمنى يعجبكم لبارت او متنساوش ديرو نجمة او لا تكتبو شي  كومنطير