العروبية و المفيوزي🔥🔥

البارت 20

من بعد شي نص ساعة ديال الطريق وصلو لواحد لقصر كان كبير قدو قداش يجري فيه العود او يعيا اما سي رياض غير شاف راسو وصل لقصر ديالو او هو يبان ليك سيد هبط من طوموبيل طافج ندم اشد ندم حيث فكر يخطفها تم غادي او يعاير في راسو انا اش داني نخطف شي باكور داير فيها راسي شاروخان في يماتو ساعة صدقتي مفلق في مخيخ ديالك شفت حتى عيت او معمرني شفت بحال نحس ديال هاد الموصيبة الله يعطيها الضوسة دابا اش دخل شطاطتي او لا حمار تاع بويا منها بوها او مها تهرب منهم تنقز هي وياهم تناتف هي وياهم تناطح هي وياهم انا اش دخل حمارتي او هو يخبط ايد على ايد هانا دابا وحلت فراسي بوصي وكل علف زمر حgا ما حgا بنت عمك يعطيني العما لي داير فيها راسي معلانة سيد غادي طافج هارب منها قهراتو كل خطوة كيدير فيها ثلاثة وصل لبيتو اهو هو يدوز مكالمة الخدم قاليهم عيطو على دكتور ديالو ديك ساعة طلع عندو دكتور لغرفتو او داوة ليه جرح او عقمو ليه او دار ليه فاصمة او قاليه خاصك ترتاح داكشي ليكان تاهو كان عيان ديك ساعة تكا اما طبيب فاش شافو تكا او ناوي ينعس ديك ساعة هز شكارة ديالو او دردب مع دروج نخليو ههذا ينعس

نمشيوا عند ديك صgعة ليام لي شمس دوبات ليها مخيخ او هي ولا في هاد العالم سارحة العجول الآخرة زغبية لاخرة كانت سيدة باقة ناعسة في طوموبيل او شمس تاكل ليها في قلقولة مفيقتها غير واحد ذبانة لي كانت باركة تزنزن ليها قي ودنيها مخلاتها ترgد في خاطرها احتى بانت ليك سيدة فاقت عينيها منفوخين او شعرها واقف او العمش او ريوgها سايلين او الحالة الحالة اما هي ماشي فهاد العالم حدهل فضولها بدا ياكلها تعرف فين هيا بركت طل بنص عين من زاج فلخر حلت طوموبيل تمت غادة هابطة منها مع هزت عينيها او هي تحل فمها من ضخامة هاد لقصر بقات مبقلة فيه عينيه فلخر عاقت او تجمع او تمت غادة دايزة من حدا الكادركور كي داك لحمق لي دازت من حداه يقول الله لهلا تخرجنا من دار العيب بلا عيب اما هي ممسوقاش غير غادة مدرمة  كي البهيمة بقات غادة حتى دخلت لقصر او هي تبرك تشمشم كي سلوكي بقات غادة تابعة ريحت ماكلة حتى دخلت الكوزينة كانت كوزينة كبيرة او فيها بزاااف ديال الخدم باركين يطيبو لعشا حتى دخلت عليهم بعجاجتها كيبان gاع هادوك لخدم تلافتو لجيهتها بقاو كيشوفو فيها مخرجين فيها عينيهم مفاهمين حتى وزة حيث  كتبان بحال شي مسطية حتى كيبان ليك gاع هادك لخدامات  طالقين حلوقهم خافو منها حتى كتبان ليك واحد لوحدة غليضة او عاgدة راسها بزيف حياتي او سيفتها كتخلع من داك نوع ديال لعيالات شالوطيات لي ماخافتش منها ماجات فين تgول واحد اتنين حتى تلاحت على احلام صgعة ليام شداتها من شعطاطتها او بدات عليها هاك بلاك او فلخر باش كملتها او جملتها شدتها بركت عليها ( الله يا اختي الله اشبغيتي عندها) كتبان ليك مولات زبايل احلام طلقا واحد زواكة عندها سيدة معرفت راسها باش تبلات حتى كيبان ليك صدر لبلانشة ديال رياض جاي لاقط غوابشو حيث مخلاوهش ينعش او هو اعدي حاجة عندو لي يفيقو من نعاس سيد هابط خاسر حتى كتبان ليه سيدة باركة على ديك لموصيبة لي تبلى بيها معرف يفك معرف يتشفى فيها شاف حتى عيا او ناض بغا يفك زعما راني بطل جا بغا يهز سيدة من فوقها زعمكينيات جاتو تقيلة عيا ميتجار و لديك سيدة تزحزت حتى من بلاصتها شاف حتى عيا هو يطلق داك صوت عندو كيأمرها باش تنوض عليها او هداكشي لي اما لفعة زرgة غا ناضت عليها او هي في بلاصة ناضت جمعت لوقفة هو كيصحابليه تهرست من شي قنت باش يتهنا ساعة هو معامن في ناضت نايضة كتبان ليك سيدة جاية ليه مكشكشة مكضحكش او هي طير عليه شداتو كلاتو ها نتيف ها لعضان مخلاتش من جهدها.

في نظركم شنو غادي تكون ردة رياض

_________________________
سلام لبنات كنتمني تكونو بألف خير سمحوليا حيث تعطلت عليكم نتمنى يعجبكم هاد لبارت